मिपा आणा अभिव्यक्तीस्वातंत्र्य

सहमत आहे.

प्रत्येकाला बोलण्याचा अधिकार आहे पण दुसर्याला हिणवण्याचा नाही.
सहमत.

अवांतर - एक पाऊल मागे घेण्यात कधीच कमीपणा नसतो/किंवा चूक मान्य करण्यातही.
उलट त्यामध्येच खरे शौर्य असते.

सहमत रे जेपी.

जेपी भाऊ का पेटले आहेत याचे कृपया कारण कळेल का? धागे का संदर्भ नही लाग्या मेरकु.

+ १

सहमत आहे...

जेपी भाऊ ला बाड़ीस अन +१००००००००

हा काथ्याकूट आहे की कोणाला हिनवण्यासाठी काढलेला धागा आहे ?

-दिलीप बिरुटे

गेले काही दिवस मिपावर बरीच चिखलफेक दिसून येतेय, हे असं लिहीण्याची वेळ येऊ नये पण गरज होती नक्कीच.
एखाद्याचे मत पटत नाही, मतभेद आहेत म्हणून कोणीही कोणालाही कसेही बोलणे चुकीचेच.

विषय अत्यंत जिव्हाळ्याचा व महत्वाचा आहे. तो अधिक विस्ताराने तार्कीकतेने हाताळला असता तर बरे वाटले असते..
अशी दोन ओळीत आवेगात केलेली मांडणी ज्या वृत्तीचा ज्या असंयमी उथळ वृत्तीचा निषेध करता आहात त्याचीच एका अर्थाने निदर्शक आहे असे मला तरी वाटते.
यावर उपायही सुचवले पाहीजेत असे वाटते. आपण सर्वांनी एकत्र विचार करुन यावर उपाय शोधुन काढले पाहीजेत. नवसदस्यांना उपयोगी पडतील असा एखादा मार्गदर्शनाचा दुवा मुख्य पानावर ठेवावा. त्यावर उत्तम सभ्य दर्जेदार प्रतिसादकांचे प्रतिसाद नमुना म्हणुन दिले पाहीजेत. उदा. धनंजय, इंद्राज पवार, जयंत कुलकर्णी, गवि, अवतार इ. मंडळी ज्या शालीनतेने व सभ्यतेने दर्जेदार प्रतिसाद स्फोटक विषयांवरही सहजतेने नोंदवतात ते व अशा संयमाने हाताळल्या गेलेल्या चर्चांचे दुवे अभ्यासासाठी ठेवावेत. त्याने प्रेरणा मिळेल. दुसर म्हणजे भाषेचे शब्दांचे काही मुलभुत नियम बनवता येतील का यावरही विचार होणे गरजेचे आहे.
मुळ विचार जर अर्थपुर्ण असेल तर किंचाळण्याची काहीही गरज नसते. आक्रस्ताळेपणा हा आपल्या मुळ विचारातील कमकुवतपणाच दाखवतो. आणि सर्वात महत्वाच म्हणजे सहीष्णुता एखादी व्यक्ती आपल्या संस्कार अनुभव धारणा आदींच्या अगदी विरोधी १०० % विरोधी विचार मांडत असेल तर त्यावर संवेदनशीलतेने संयमाने आपण तो समजुन घेण्याचा प्रयत्न करणे आवश्यक आहे. तसेच तो विचार पटत नसला तरी त्या व्यक्तीचा मुलभुत आदर करणे यायला हवे.
संवादात उथळ अपरीपक्वता टाळुन प्रौढता आणणे आवश्यक आहे. विचार न मान्य करण्याचे अ‍ॅग्री टु डिसअ‍ॅग्री इन अ डिसेंट मॅनर सहज शक्य आहे. ही काय फार अवघड बाब नाही. विरोधी विचारांचा प्रगल्भतेने अंगिकार प्रतिकार प्रतिसाद झाला पाहीजे. आपल्या वाद चर्चांना किमान दर्जा हवा आपली किमान संवेदनशीलता चर्चेतल्या इतर सदस्यांप्रती असली पाहीजे.
अस माझ प्रामाणिक मत आहे.

जे पीं शी सहमत.
प्रतिसाद देताना लेखकाला हिणवण्याचा प्रयत्न होत आहे असे वाट्ते मिपावर.

हेच म्हणतो

http://www.misalpav.com/comment/803090#comment-803090

संवादात उथळ अपरीपक्वता टाळुन प्रौढता आणणे आवश्यक आहे.

नाहीतर चेपू आणि मिपा मधे फरक काय राहिला.
बाकी अश्या विषयांवर कोण चर्चा करायला किव्हा आपले मत व्यक्त करायला येणार असे दिसत नाही. नको त्या धाग्यावर तुटून प्रतिसाद देणार.
सहमत मारवाजींशी. आणि जेपी जी शी .
बाकी मी माझं मत व्यक्त केलं आहे.

जे पी भाउंशी सहमत.

अभिव्यक्तिस्वातंत्र्य वगैरे भ्रम आहे. हे खाजगी संस्थळ आहे आणि आपापल्या लहरीप्रमाणेच चालणार.

(लेस बांधून बसलेला) बॅटमॅन.

जे पी भाऊ चा रोख संदीप डांगे साहेबांच्या प्रतिक्रिये वर तर नाही ना???ह्या धाग्या वरील पहिली प्रतिक्रिया.

मिपा उत्तमच आहे. जगात लोक जसे वागतात तसेच इथेही नाना तर्‍हा दिसणारच. मला इतर संस्थळांचा अजिबात अनुभव नाही. पण आपण लिमिट मध्ये राहिलो की आपल्याला प्रचंड उद्वेगजनक वगैरे अनुभव येत नाहीत असे माझे मत बनले आहे. वाद होतातच, पुन्हा दोस्तीही होते.. गोष्टी तात्पुरत्या असतात.. रात गई बात गई म्हणुन सोडून द्यायच्या.

आपल्याला वाटत असतं की लोक कंपु करतात, वैयक्तिक टिका करतात, जहाल भाषा वापरतात वगैरे वगैरे... आपणही अनेकदा ते करत असतोच.. कुणीही इथे धुतल्या तांदळासारखे पवित्र वगैरे नाहीये. (मुवि सोडुन.. ते फार निरागस आहेत! आय मीन इट मुवि!)

तेव्हा संम वर टिका होणे... पुर्वीचे मिपा राहिले नाही असे कढ निघणे.. दर्जा खालावत चालला आहे अशा चर्चा होणे काही पहिल्यांदा होत नाहीये. ह्यालाच्च मिपा म्हणतात..

संमचे न पटणे शक्य आहेच.. ते ही सदस्य आहेत इथे. पण फायनली नीलकांत (सध्या प्रशांत) आहेत. तुम्हाला न सोसवल्यास त्यांच्याकडे जाण्याचा मार्ग नेहमी खुला असतोच. आणि नीलकांतच्या निर्णयावर (सुदैवाने) अजुन कुणाला शंका असल्याचे पाहिलेले नाही. समजा असतीलच तर "हे खाजगी संस्थळ...." वगैरे आहेच.

मी काय म्हणते.. नाही आवडत.. नाही पटत.. जायची तयारी आहेच झालेली.. तर कशाला मुहुर्ताची वाट बघायची?!

मिपा कुणाला आमंत्रणाच्या अक्षता घेऊन आले नव्हते.. आणि इथे रहाच असा आग्रह सुद्धा कुणी करत नसतं.. आणि तरीही अगदी छान चाललय की मिपाचं..

तेव्हा दोस्तहो... पुढचा धागा येउ द्यात!

'रेग्युलर' आयुष्यातल्या मानापमानापेक्षा आजकाल वर्चुअल आयुष्यातले मानापमान महत्वाचे वाटायला लागले आहेत. आभासी जगाची एवढी नशा? यात 'भावना दुखावलेले' जे आहेत ते प्रत्यक्षात बाकीच्या मिपा सदस्यांना किती वेळा प्रत्यक्षात भेटले आहेत?

नाही म्हणता म्हणता ५४ प्रतिसाद झाले की !

हा घ्या ५५ वा

मिपा आणि सिलेक्टिव अभिव्यक्तीस्वातंत्र्य असे काहीस म्हणायचं होत का आपल्याला?
कसय ना, बरेच महिने मोगा, हितेश आणि नाकी अनेक आयडीना किती आणि कुठल्या भाषेत प्रतिसाद दिले जात होते हे आपणही तेव्हा पहिले असेलच. माझे त्यांच्या विचारला समर्थन नाहीच पण त्यांना विरोध करणाऱ्यांची भाषा त्यावेळी कोणाला आक्षेपार्ह वाटली नाही.
चिखलफेक धाग्यामध्ये काही "विचारवंत" देखील इतरांना मतीमंद वगैरे लेखायला कमी करत नाहीत पण तेव्हा देखील असे धागे येत नाहीत किंवा त्यांचा निषेध होत नाही, एखादे अनुमोदन मात्र मिळते!(ज्याचा त्याचा कंपू शेवटी)
हा धागा देखील नक्की कोणाच्या तरी प्रतिक्रियेनंतरच आला असणार.
असो, तेव्हा थोडक्यात काय हे सगळ आधीपासून होत आणि पुढेही राहणार...

साहित्यिक धाग्यामध्ये या गोष्टी अभावानेच होतात पण काथ्याकुट सुरु झाली कि लगेच भाषा बदलते!

अभिव्यक्ति स्वातंत्र्य वगैरे नाहीये मिपावर,

साधारण ३ महीने अगोदर आयडी घेतला, त्याच्या अगोदर सहा महीने वाचनमात्र होतो, त्यावर हा निष्कर्ष बेतलेला आहे आमचा.

आयडी घेतल्यावर सहज काही काथ्याकूट धाग्यावर प्रतिसाद देता जी काही उत्तरे मिळाली ती उत्साहवर्धक तरी म्हणवली जाऊ नयेत, कारण माझी मते संबंधितांपेक्षा वेगळी होती.

तस्मात् मिपा वर अभिव्यक्ति स्वातंत्र्य नाहीये पण शेवटी हे एक खासगी संस्थळ आहे हे ही खरे अन बाकी ठिकाणपेक्षा इथे बरं आहे त्यातल्या त्यात, दगडापेक्षा वीट मऊ प्रमाणे.

(लेखन कला नसलेला अन प्रतिसाद मात्र) स्कॉचनाना

अभिव्यक्ती स्वातन्त्र्य हे दोन्ही बाजूने असते.
तुम्ही जर कोणाला कानाखाली हाणायची परवानगी असेल तर त्यालादेखील तुम्हाला बदडायची परवानगी असते हे लक्षात असू द्या.