जे न देखे रवी...
वासंतिक
सुरांबरोबरच कुंचल्यातून उतरलेली माझी कविता...
व्हिडिओ पण नक्की पाहा आणि अभिप्राय जरूर कळवा.
हिंडोल छेड भ्रमरा, सुमनांत आज,
स्वर्गातुनी उतरला ऋतुराज आज ॥धृ॥
ती शाल्मली बहरली, फुलला पलाश,
आरक्त कुंकुम गमे, तबकात खास।
ये औक्षणास अवनी, चढवून साज
स्वर्गातुनी उतरला ऋतुराज आज ॥१॥
ईट्स माय लाईफ
हे तुटलेल्या हृदयासाठी गाणे नाही
विश्वासाने निघून गेलेल्यांसाठी मूक प्रार्थना नाही
आणि मी गर्दीत फक्त एक चेहरा बनणार नाही
जेव्हा मी मोठ्याने ओरडतो तेव्हा तुम्हाला माझा आवाज ऐकू येईल
हे माझे जीवन
आहे ते आता आहे किंवा कधीच नाही
पण मी कायमचे जगणार नाही
मला फक्त मी जिवंत असताना जगायचे आहे
(हे माझे जीवन आहे)
पंचमीतले रंग सांडले........
पंचमीतले रंग सांडले
झाडांनी ते बघा झेलले
डोक्यावरती तुरे गुलाबी
धुंद होऊनी फाग नाचले
लुसलुशीत ही कवळी पाने
मोहरून गेली सर्वच राने
आंबोळ्या निंबोळ्या सवे खेळती
ओढून नुतन वस्त्रे गर्द पोपटी
कोण चितारी चित्र काढतो
रंगांची रागदारी मांडतो
कोकीळ मंजुळ कुजन करते
मन मुदित हिंदोळ्यावर झुलते
कसरत
२९-३-२०२२
50 लाखांचं घड्याळ
खातोश्री
(50 लाखांचं घड्याळ)
टिक टिक टिक टिक
टिक टिक टिक टिक
चालते आहे घडी.
भ्रष्टाचार धूण्याची हो
सापडेल का कुठे वडी?
2 कोटी च्या भेटीनं
उभारली पाडवा गुढी
डायरी मधे नोंद पहा
मिळाली आहे बडी
कुटूंबाची चंगळ चाले
बांधली राष्ट्रवादी घडी
तीन नापास, सत्तेत आले
खेळून एक डाव रडी
प्रवास
अथांगाचा तळठाव
अज्ञेयाचा पैलतीर
विराटाची पराकाष्ठा
सूक्ष्मातील शून्याभास
खुणावती ऐसे सारे
क्षणोक्षणी अविरत
जरी जटिल तरीही
जीवा लावतात ध्यास
नादावतो या ध्यासाने
ठेचाळतो जागोजाग
असे खडतर तरी
भूल घाली हा प्रवास
एक भास
अपूर्वाई कोंदणात
तुझ्या माझ्या प्रितीत
चांदण....लख्ख प्रकाश|
सांज रंगी उधळतात
आठवणी मोती झेलत
निशब्द....मंद श्वास|
शोधे जादूई तळ्यात
मासोळी नयनांत
पाणकळा...तुझं आकाश|
मोरपंखात निथळत
कृष्ण मुरली सुरांत
राधा...एक भास|
-भक्ती
(हायकू लिहिण्याचा एक प्रयत्न)
बकध्यान....
http://www.misalpav.com/node/50007/backlinks
श्रीमान बाजीगर यांनी मांडलेल्या विषयाची दुसरी बाजू.....
रिकामटेकडा मी खरडतो चार ओळी
नका शोधू यात जोडगोळी कुणाची
पहिलेच सागंतो मी ही तर कसरत अक्षरांची
नाहीतर उगा द्याल मज शिवीगाळी फुकाची
रिसाँर्ट
रिसाॅर्ट बेकायदा हा तोडा
सोमय्या घेवून गेले हातोडा
एसटी प्रकरणी बेफिकीर अनिल परब
चिंताग्रस्त झाले त्यांना सोमय्यांची जरब
फोनवर घेतात आदेश दापोली पोलीस
ते तर बिचारे माफियासेनेचे ओलीस
होऊ शकते हत्या, हो सोमय्या
दिला पोलीसठाण्यापुढे ठिय्या
दापोली जनता अस्वस्थपणे
दंड थोपटती पितापुत्र राणे
तरीही…
शेंदूर दगडांचा उतरला तरीही,
गुलाल भक्तीचा उधळत राही
धुरळ्यात काही उमजत नाही,
पावलांवर पाऊल पडत राही
झापडे काढली डोळ्यांची तरिही
उजेडाला डोळे हे सरावत नाही
रक्त सांडले कळपात तरिही
मेंढरे लांडग्याला ओळखत नाही
मुक्तक
आकाशाच्या रिक्तपणाच्या असतील काही कथा
सूर्याच्या जळण्यापाठी असतील त्याच्या व्यथा
नको शोधूस गुढ वाऱ्यावरच्या सुगंधाचे
त्यांच्या कणाकणात मिळतील समर्पणाच्या गाथा.
भरून येईल आभाळ.
भरून येईल आभाळ दाटून येतील मेघ
बुडून जाईल अंधारात जेव्हा सारं जग
तेव्हा तू एक कर.......
माझा हाती हात धर.......
चिंब चिंब पावसात बीज भिजून जातं
झाड बनून मातीतून रुजून येतं
तसंच.... अगदी तसंच
मलासुद्धा तुझ्या मायेत चिंब चिंब भिजू दे
तुझ्या छायेत रुजू दे
फक्त तू एक कर......
बरसून येऊ दे...... तुझ्या मायेची सर..
आनंदयात्री
सरल्या साऱ्या चिंता खंती
उरल्या नुसत्या खाली भिंती
नाही कुणाचे उगा लोढणे
दुसर्‍या साठी उगा कुढणे
संपून गेले वसंत वैभव
भोगत आहे शिशीराचे यौवन
फणसा सारखे पिकले गरे
आपण बरे,आपले काम बरे
पांघरून भूत भूतकाळाचे
वेध लागले भविष्याचे
खेद ना खंत या भूताचा
विचार आता फक्त स्वताचा
मुखवटे
घरातून आलो माणसांच्या घोळक्यात
अचंबित झालो पाहून नाना रूपे.
सुख, दुःख, एकांत वेगळे प्रत्येकाचे
मुकी नजर विचारे, "जायचे आहे कुठे?"
आकाश सम, जमीन विषम आहे
हातात हात घ्यायला पूर्वग्रहांची बंदी आहे.
शरीर सारखेच पण पांघरूण 'लायकी'नुसार
माणूसकी सोडून सगळे बाकी जोरदार.
ठेचेचा दगड
दगडाची ठेच लागता
रक्त येई पायात
कशास होता पडला
दगड असा रस्त्यात
कितीतरी असे अडले असती
ठेच लागून पडले असती
परी न कुणी विचार करती
फेकून द्यावा तो दगड कुठती
असाच आला वेडा कुणी
खाली वाकला तो झणी
उचलूनी दगड तो पायी
लांबवर कुठे फेकूनी देयी
- पाषाणभेद
१९/०३/२०२२
मुखवटे.
रंग पाण्यास ना, हे तसे चेहरे
थांग लागेच ना मन किती गहिरे
व्देष माडापरी, प्रेम झाले थिटे
चेहर्‍यावर इथे मुखवटे... मुखवटे.
पुण्य गेले कुठे, पाप शिरजोर हे
सभ्य वेषात या नांदती चोर हे
दान देण्या निघे अन जगाला लुटे
चेहर्‍यावर इथे मुखवटे... मुखवटे.
आनंदी आनंद गडे........मेट्रू
बालकवी म्या पामरला क्षमा करा
आनंदी आनंद गडे
मेट्रू धावे चोहीकडे
क्षणात पिपंरी,क्षणात चिंचवड
क्षणात पोहचे कोथुरुडे
आनंदी आनंद गडे
डोलत लतीका गंधवती
मेट्रु स्टाफ लगबगती
नटली संध्या प्रेमाने
कुमद ही हसते आहे
सनई चौघडे , हार तुरे
झगमग लगबग चोहीकडे
आनंदी आनंद गडे
एक माणूस....
सर्व भ्रष्टाचा-यांच्या गर्दीत
मारेक-यांच्या गारदी त
घराणेशाहीच्या चाटूकारांत
हिंदूविरोधांच्या बाटूकारांत
खोटारड्यांच्या जहरात
फंद फितूरांच्या शहरात
न्यूयाॅर्क टाईम्सच्या पेड लीस्टवर
अतिरेक्यांच्या हिट लीस्ट वर
घरभेदींच्या द्वेषात ही
शिव्याशापांच्या त्वेशात ही
एक माणूस आपल्या कामांमुळे
कसल्या उंचीवर जातो..
अजि सोनियाचा दिनु
अजि सोनियाचा दिनु
वर्षे अमृताचा घनु
अजि सोनियाचा दिनु
मेट्रो पाहिला रे, मेट्रो पाहिला रे...
बरवा उसंत ट्रॅफिकजॅमु
प्रगटलो अंतराळु
बरवा उसंत ट्रॅफिकजॅमु
प्रगटलो अंतराळु
मेट्रो पाहिला रे, मेट्रो पाहिला रे...
अजि सोनियाचा दिनु
वर्षे अमृताचा घनु
मेट्रो पाहिला रे मेट्रो पाहिला रे....
अजि सोनियाचा दिनु
मेघ भरुनी येताना.
मेघ भरूनी येताना रिमझिम धारा झरताना
मज तुझी आठवण येते पावसात भिजताना.
रिमझिमती असते बरसात
चिंब चिंब भिजलेली रात
कोंब प्रीतीचे मनात माझ्या हळुवार रुजताना
मज तुझी आठवण येते पावसात भिजताना.
मृदगंध भारला वारा
भारी गंधाने गगन धरा
वार्‍यात मिसळल्या मातीच्या गंधावर झुलताना
मज तुझी आठवण येते पावसात भिजताना.
- ‹ previous
- 20 of 467
- next ›