1

सर्व मंगल मांगल्ये, शिवे सर्वार्थ साधिके,
शरण्ये त्रंबके गौरी, नारायणी नमोस्तुते...
घटस्थापना व नवरात्र उत्सवाच्या हार्दिक शुभेच्छा

लद्दाख

Primary tabs

अनन्त्_यात्री's picture
अनन्त्_यात्री in जे न देखे रवी...
22 Sep 2022 - 8:08 pm

भूशास्त्राच्या अंकलिपीची
पाने इथली उलटी
रंगभारले पहाड, अवघड
रस्त्याची वेलांटी

रण वाळूचे पायतळी अन्
हिमकण माथ्यावरती
किती विरोधाभास पचवुनी
फुलते इथली सृष्टी

रंग नभाचे प्राशुनी वाहे
निवळशंख हे पाणी
रौद्र नि प्रशांत उभय रसांचे
मिश्रण केले कोणी

(नुकत्याच केलेल्या लद्दाख वारीदरम्यान रेखाटलेले शब्दचित्र)

निसर्गमुक्त कवितामुक्तक

प्रतिक्रिया

कर्नलतपस्वी's picture

22 Sep 2022 - 8:39 pm | कर्नलतपस्वी

शब्दचित्र आवडले.

प्राची अश्विनी's picture

23 Sep 2022 - 9:12 am | प्राची अश्विनी

वाह!

ज्ञानोबाचे पैजार's picture

23 Sep 2022 - 9:19 am | ज्ञानोबाचे पैजार

शब्दचित्र आवडले,

पैजारबुवा,

खूप भाsssssssरी कविता !

मी गेलो होतो दोन महीन्यापूर्वी महिन्यात.
(आपल्यापासून स्फूर्ती घेऊन, ह्या ओळी खरडल्या...)

पँगाँग-लेक उंच सरोवर,
जणू आकाश वितळले!
पाणी कसे नीळेशार,
जागेपणी स्वप्न निथळले !!

श्रीगणेशा's picture

30 Sep 2022 - 4:20 pm | श्रीगणेशा

रौद्र नि प्रशांत उभय रसांचे
मिश्रण केले कोणी

छान शब्दचित्र!

श्वेता२४'s picture

30 Sep 2022 - 5:17 pm | श्वेता२४

आवडली

लडाख/लद्दाख हा एक वेगळाच अनुभव आहे...