पाहावेसे असे काहीतरी- नितळ!!!

मला आवडलाय हा सिनेमा.

नीना कुळकर्णीचा रोल मस्त आहे, तशी चारचौघांच्या भाषेत सुखी असणारी पण आंतरिक रूखरूख असलेलं व्यक्तिमत्व छान साकारलय.

शांत , समंजस , पुस्तकं वाचत आराम करणारे.
बाकी पिक्चर भारीच होता.

मस्त सिनेमा आहे हा!
मी दोनवेळा पाहिलाय. आजकाल तूनळी किंवा आपलीमराठीवर दिसत नाही पण!:(
मला त्यातलं नितळ आरस्पानी गाणं खूप आवडलय. कुठे मिळेल हा सिनेमा?
सगळ्यांचे अभिनयही छान झालेत!
माझ्या मैत्रिणीच्या आईला कोड आहे. आधी ते माहित नव्हते. ती अशीच आईला घेउन आली आणि मला मनातल्यामनात जरा धक्का बसला. एखाद्या मिनिटात सरावले आणि नंतर काहीच वाटले नाही.

(पाहावेसे असे काहीतरी- नितळ!!)

असे एक चित्र-विडंबन टाकायचा मोह महत्प्रयासाने आवरला!!

बाकी चित्रपट अद्याप पाहिला नाही. म्हणून - नो कमेन्ट्स!

चित्रपटाबद्दल ऐकलयं..
पाहायचा मात्र राहुन गेलाय.

चित्रपटाची ओळख अतिशय आवडली. अजून पाहिला नाही, पण वेगळ्या विषयासोबतच त्यातल्या अ-प्रचारकी टोनमुळे पहावासा वाटतो आहे.

>>> पण खरेच आपला समाज कोडाकडे दुर्लक्ष न करण्याइतका सुधारला आहे का?
--- माझ्या परिचयात अशी एक व्यक्ती आहे. भर उन्हाळ्यातल्या ट्रेकलाही लांब बाह्यांचा शर्ट आणि फुलपँट घालून येण्याइतपत ती व्यक्ती दक्षता घेत असली तरी, चेहर्‍यावरच्या कोडांमुळे तो प्रयत्न फारसा यशस्वी ठरत नाही. कामाच्या ठिकाणी किंवा मित्रांसोबत असताना काही फरक पडत नसला, तरी लग्न जुळताना प्रश्न येतो आहे.

यावरून आठवलं, लग्नात वराचे पाय धुण्याची प्रथा ही मुलाच्या पायावर काही कोडाचे डाग वगैरे नाहीत ना हे तपासण्याच्या उदात्त हेतूने सुरु झाली, असं एका संस्कृती-जाज्वल्य-अभिमानी व्यक्तीकडून ऐकलं होतं :). यात तर्काशी फारकत कितपत घेतली आहे, सगळ्याच परंपरांना शास्त्रीय आधार असल्याचा अट्टाहास किती आणि सत्य किती, याबद्दल वेगळी चर्चा होऊ शकेल. त्यात भाग घेण्याची मुभा/पात्रता/इच्छा नाही.

किंचित अवांतर - नितळ शब्दाच्या रूढ अर्थासोबतच मोल्सवर्थवर दिलेला (दुवा) हा दुसरा अप्रचलित अर्थ (सात पाताळांपैकी एकाचे नाव*) देखील कदाचित इथे अभिप्रेत असू शकेल.
*अधिक अवांतर - 'अतल, वितल, सुतल, महातल, रसातल, तलातल, पा- ताल' अशी सप्तपातालांची नावं मोल्सवर्थवरच सापडतात. त्यात नितळ कुठे आलं ते मात्र कळलं नाही. कोणी जाणकार याबद्दल अधिक सांगू शकेल का?*

चित्रपटाची ओळख खूप आवडली.

बघूच!

अगदी अशीच पण याही पेक्षा वाईट आणि वेगळ्या वळणाने जाणारी गोष्ट आयुष्यात पाहिलेली आहे.

मुलगी अतिशय हुशार. मेडिकलला गेली. तिथे तिचे प्रेमही जुळले पण नंतर लक्षात आले की तिच्या अंगावर पांढरे डाग येत आहेत. (हे लग्ना आधी झाले की नंतर ते आठवत नाही.) त्या मुलाने काहीही म्हटले नाही. आश्चर्याची गोष्ट म्हणजे त्याच्या घरीही काही विरोध झाल्याचे आठवत नाही. परंतु या मुलीच्या आईने (स्वतःला सुशिक्षित वगैरे म्हणवणार्‍या) या गुणवान मुलीला घराचे दार बंद केले. का तर मुलगी अवलक्षणी आहे म्हणून. जन्मदात्री असे करू शकते हा विचारच नकोसा वाटतो.

या मुलीचा भाऊही अतिशय शिकलेला आहे. त्याने या प्रकारामुळे घराचे नाव टाकले. सध्या मी भारतात नाही पण जेव्हा होते तेव्हा कित्येक वर्षे या मुलांना घराच्या दिशेने फिरकलेले पाहिले नव्हते. :(

---

चित्रपटाची करून दिलेली ओळख आवडली. नेटावर उपलब्ध आहे का?

कोडासंबंधी शास्त्रीय माहिती कुठे मिळेल ? त्याला इंग्लिशमधे काय म्हणतात?

उत्तम परिक्षण. चित्रपट यादीत टाकला गेला आहे.

चित्रपट सुरेखच आहे. आणि तू म्हटलेस तसा कोणतीही संदेशा संदेशी करण्याच्या भानगडीत न पडल्याने आपसूकच आपण जास्त अंर्मुख होऊन विचारात पडतो. कामे उत्तमच झाली आहेत. कै.विजय तेंडुलकरांचे आजोबा फार छान वठले आहेत!
जरूर पहावा असा चित्रपट.

सातवी आठवीत आमच्या वर्गात एक मुलगी होती तिला चेहेर्‍यावर कोड होते त्यामुळे ती सतत एकटी असे, तिला मोजक्याच मैत्रिणी होत्या पण त्यांच्याशी तिचे चांगले जमे पुढे ती बदली होऊन गेली असावी त्यामुळे पुढे काय ते माहीत नाही. एकूण आपल्या समाजात आतापर्यंत परिस्थिती बर्‍यापैकी सुधारली असावी. अगदी माणूस टाळून त्याला वाळीत टाकण्यापर्यंत तरी मजल नक्कीच जात नसेल. लग्नसंबंध होताना मात्र कितपत सामावून घेतले जात असावे ह्याबद्दल साशंक आहे.

खूप सुंदर चित्रपट आहे. यातील दोन प्रसंग माझ्या नेहेमी लक्षात राहतातः
१. व्हेरिगेटेड प्लँट्स - पानांवर विविध डाग असूनही सुंदर दिसणारी झाडे, याचा कोडाशी संबंध जोडणारा प्रसंग.
२. एक गाणं: "अंधाराच्या भवती आहे नवा नवा अंधार
उजेडातल्या रखरखलेल्या, हटवादी अन् दुर्मुखलेल्या अगणित चेहे-यांच्या गर्दीला कवेत घेई अंधार .. शांत शांत अंधार ..."

१०-१५ वेळा चित्रपट बघितला आहे.

चित्रपट ओळख आवडली. चित्रपट मिळवून जरूर बघणारच.

आमच्या शेजार्‍यांचा एक जावई (बहुदा) जन्मजातच संपूर्ण पांढरा आहे. वयाने तो माझ्यापेक्षा बराच मोठा असल्यामुळे मी माझ्या लहानपणापासून त्याला पहाते आहे. आधी थोडीशी भीतीच वाटली त्याची, पण एकदा त्याने गप्पा मारायला सुरूवात केली तेव्हापासून मैत्रीच झाली. त्याच्या मागे मी आईबाबांना त्याच्या अशा वर्णाबद्दल विचारलं आणि त्यांनीही जेवढ्या सोप्या भाषेत सांगता येईल तेवढं सांगितलं. पण मुख्य गोष्ट हीच सांगितली, "त्याच्या शरीरात रंगद्रव्य, मेलॅनिन कमी आहे म्हणून त्याचा रंग असा; हा काही रोग नाही. तुझा हातसुद्धा पहा, फ्रॉकच्या बाह्या जिथे संपतात तिथे हातावर रंगांमधे कसा फरक दिसतो ते!"

मके, तुझा प्रश्न अगदीच अस्थानी नाही. याच 'जावया'बद्दल आमच्या बिल्डींगमधलेच लोक काय काय बोलायचे ते ही आमच्या कानावर पडायचं!

चित्रपट ओळख आवडली. चित्रपट मिळवून जरूर बघणारच.

"अगदी तुमच्या आमच्या घरात घडू शकतात तितक्याच साधेपणे घटना घडत राहतात...."

~~ घडू शकतात, घडत राहतात [चित्रपटातील याच कारणाने नव्हे तर इतरही अनेक पैलू असतात] प्रत्येक घरात या प्रकारची एखादी वेदना ठसठसत असतेच असते. प्रश्न आहे तो तिला शमविण्याचा ! पण दुर्दैवाने तसे करण्याचे प्रयत्न फार दुर्बल असतात (जसे या चित्रपटातील ती टीव्ही सीरिअल्समध्ये काम करणारी आत्या, जी नीरजाचा तिरस्कार करीत नाही तर योग्य मेकअप करून रूपातील ते वैगुण्य झाकण्याची प्रॅक्टीकल सूचना करते). शतकानुशतके स्त्री-पुरुषाच्या '१०० टक्के निरोगी' पणाच्या ज्या कल्पना समाजमनात भिनल्या आहेत त्यामध्ये ज्या काही दृश्य घटकांना स्थान नाही, तीत कोड बर्‍याच वरच्या क्रमांकावर आहे, हे नाकारून चालत नाहीच. इथे भावनेचा प्रश्न नसून 'पुढील पिढीतही उतरला, तर काय?" हा जीवघेणा प्रश्न ज्येष्ठांच्या मनात सर्पासारखा सळसळत असेल तर ते दोषास पात्र होऊ शकत नाहीत. (सहज जाता जाता >> येथील 'कौलां"च्या भाऊगर्दीत जर असा एक कौल निघाला की "तुम्ही आपल्या घरी कोड असलेली व्यक्ती जावई/सून म्हणून स्वीकाराल का?" ~~ तर होकाराची टक्केवारी किती असू शकेल?)

~~ 'नीतळ' नायिका नीरजा किमान उच्चशिक्षित आहे, डॉक्टर आहे....जरी अनन्यबरोबर ती संसार करू शकली नाही (....मी चित्रपट पाहिलेला नाही, पण धागाकर्तीने उत्कृष्ट लिखाणाद्वारे, आणि फ्रेम्सद्वारे चित्रपट असा उलगडून दाखविला आहे, की जणू प्रत्यक्ष समोर पाहातच आहे) तरी एकटीने का होईना ती या व्यवहारी जगात आपले पुढील आयुष्य बुद्धीकौशल्यावर समर्थपणे व्यतीत करू शकेल. पण समाजातील सर्वच महाश्वेतांच्या बाबतीत हे घडू शकणार नाही आणि कायमपणे डागाची ती डागणी अंगावर घेऊन कुढीत आयुष्य काढत राहण्याचा प्रवास करावा लागेल हे कटू असले तरी सत्य आहे हे मानावे लागेल.

वर एका प्रतिसादात अदिती म्हणते "....मग तर माझी त्याच्याशी मैत्रीच जुळली..." ~ असे कितीजणाच्या बाबतीत होऊ शकते? त्यात निदान 'पुरुष' असल्याने किमान तो बाहेर कामानिमित्ताने, शिक्षणाच्या निमित्ताने का होईना मोकळेपणा अनुभवत असेल, पण मुलीच्याबाबतीत फार फार अडचणी येतात, आणि त्यातही दुर्दैव असे की ती आपले ते शल्य इतरांसमवेत शेअरही करू शकत नाही कारण परत तीच व्यथा....'निरोगी' समाजात मिसळण्याचा न्यूनगंड !

"दुसर्‍या बाईंशी कुणी पंगा घेण्याचा प्रश्नच नाही, त्यांनी भल्याभल्यांना अधिकाराने आणि त्यांच्या ज्ञानाने गारद केलेय."

~~ हा तुम्ही पाहिलेला एक अनुभव...म्हणजेच इथे ज्ञानाचा मुद्दा किती महत्वाचा आहे ही बाब अधोरेखीत व्हावी. या व्यथेने पिडलेल्यांना खरे तर आधार आहे तो उच्च शिक्षणाचा... कारण कथेतील भावभावनांचा कल्लोळ कितीही चर्चीला तरी शेवटी या व्यवहारी जगात त्या व्यथेने पिडीत असलेल्यांना खर्‍या अर्थाने आधार कुठला असेल तो शिक्षणाचाच....जगण्यासाठी.

"पण खरेच आपला समाज कोडाकडे दुर्लक्ष न करण्याइतका सुधारला आहे का? जर तसे असेल तर खूपच छान."

~~ हे शेवटचे वाक्य (निदान मला तरी...) नीटसे समजले नाही. या वाक्यातील "न" काय आहे?

इन्द्रा

अतिशय सुंदर चित्रपटाची तेवढीच सुंदर ओळख करुन दिली आहेस ग :)

कोल्हापुरला असताना हा चित्रपट बघण्याचा योग आला. अर्धा चित्रपट व्हायच्या आतच आपण बाहेर निघुन येणार असे आधी वाटले होते, पण एकदा चित्रपट सुरु झाला आणि त्यात कसे आणि कधी हरवुन गेलो तेच कळले नाही.

नितळची वेबसाईट देखील बघणेबल आहे एकदम. आणि त्यातले हे एक मस्त गाणे :-

बरेच दिवसांपुर्वी हा सिनेमा उतरवुन घेतलाय.. पण कामाच्या व्यापात राहुन गेला पहायचा.
लवकरच पहावा म्हणतो.

उत्तम परिचय.

सुरेख परिचय.

मी पाहीला आहे हा चित्रपट . चित्रपट आणी तु लिहलेली ओळख दोन्ही सुरेख.

सुरेख ओळख
चित्रपट पहायचा राहुन गेला खरा. पुण्यात डॉ माया तुळपुळे यांनी श्चेता असोसिएशन द्वारा यावर खुप काम केल आहे.

आता शेवट काय होतो हे मी आता इथे सांगत नाही.?????????????

हे अस का दिलय? पेपर मधे परिक्शन दिल्यासारख??????????

'नितळ' खूप दिवसांपासून आहे.
आता शक्यतो लवकवरच बघायचा प्रयत्न करतो !
सिनेमा जितका साधा-सोपा आहे (असं तू लिहिलं आहेस) तसाच तुझा लेखही साधा-सोपा पण मनापासून लिहिला गेल्याने आवडलाय.

मस्त.

दे.

आवडले परीक्षण

चित्रपट परिचय, व त्यावरील चर्चाही. विशेषतः नंदन व इंद्रा ह्यांचे प्रतिसाद आवडले. प्रियाली ह्यांनी लिहीलेल्या घटनेने मात्र थक्क झालो. जितके जास्त पहावयास जावे तितका माणूस कळत नाही हेच खरे शेवटी!

एका चांगल्या चित्रपटावरील उत्कट परिचय व त्यावरून घडवून आणलेली चर्चा आनंद देऊन गेली.

नितळ माझा ­सुद्धा एकदम आवडता सिनेमा. सगळ्यांची कामं छान झालीयेत. उत्तम विषय, सुंदर मांडणी, सुश्राव्य गाणी, मस्त लोकेशन. :)

बघायलाच हवा.
आणखी एक चित्रपट मी खूप शोधला पण कुठेच सापडला नाही - गंध. हाही असाच सर्वांगसुंदर चित्रपट. कधीतरी लिहावे म्हणतो त्यावर. नीना कुळकर्णींचा अभिनय निव्वळ अप्रतीम!

टि. व्ही. वर लागला होता तेव्हा पाहीला. अर्धवटच पाहीला पण जे काय पाहील ते आवडलं. पण एक खटकलं ते म्हणजे कि तिच्या चेहेर्यावरचे डाग अ‍ॅक्चुअल कोडाचे डाग नसून लहानपणी तेल चेहेर्यावर उडून पड्लेले आहेत असे दाखवलेले आहे. (निदान त्या आव्रुत्तीत तरि हे कारण दाखवले होतं.) त्यामुळे थोडासा रसभ्ग झाल्यासरखा वाटतो. पण चित्रपट छानच आहे.
@रेवतीताई,
>>त्यातली आवडलेली गोष्ट म्हणजे कुठेही अतोनात अत्याचार, अन्याय असे दिसत नसूनही माणसाच्या मानसिकतेमध्ये सुधारणा होण्याच्या जागा दिसतात.
१००% सहमत.
आमच्या नात्यात एका मामींना चाळिशीनंतर हातावर थोडे कोड उठले होते. त्यामुळे त्यांच्या मुलीच्या लग्नाला खुपच प्रॉब्लेम आला होता. मुलगी दिसाय्ला चांगली, पेशाने इंजिनीअर असून सुद्धा तीचे लग्न जवळ्जवळ ३५शीनंतर झाले. ते सुद्धा एका कमी शिकलेल्या मुलाशी. पुधे तिचा संसार चांगला झाला पण सुरुवातीला झालेला त्रास खुपच होता.

आज हिच्याशी डॉ. सुमती क्षेत्रमाडेंच्या 'महाश्वेता' या कादंबरीबद्दल चर्चा करत असताना 'नितळ' हा चित्रपट आणि मस्त कलंदर यांच्या या लेखाची आठवण आली. प्रतिसादही मननीय आहेत.

खूप सुंदर चित्रपट ओळख. वाचल्यानंतर हा चित्रपट नक्कीच पाहावासा वाटतोय.

'नितळ' फारच नितळ सिनेमा आहे! कामं सगळ्याच टीमची एकसोएक झाली आहेत.

यातलं तेंडुलकरांच्या तोंडी असलेलं एक वाक्य मनात घर करुन आहे -
"सत्यदर्शनानं निर्माण झालेली इच्छाशक्ती ही नियतीपेक्षा केव्हांही श्रेष्ठ असते!"