जणू रात्र काळी तिचे केस अन् पुरा चंद्र होता तिचा चेहरा...
तिचे हासणे चांदण्याचा चुरा,तिचे लाजणे अमृताचा झरा!
तिची चाल हंसापरी देखणी,कवीची म्हणू वा तिला लेखणी...
तिच्या पाउली सांज रेंगाळते,तिच्या सोबती चालते ही धरा!
चकाकून ओली उन्हे नाचती,जणू स्वप्नं पहिला ऋतू नाहती...
तिचे दोन डोळे तिच्या पापण्या,किनारे जसे बांधती सागरा!
कळ्या मोतियांच्या भरोनी पसा,तिने वेचता धुंद होते निशा...
तिच्या ओंजळी गंध भारावतो,फुले रातराणीसवे मोगरा!
मृगा लाविते केसरीचा लळा,कट्यारी नजर..पाहणे सापळा...
अरे काय रंभा फिकी उर्वशी,फिक्या मेनका अन् फिक्या अप्सरा!
—सत्यजित
प्रतिक्रिया
10 Mar 2017 - 8:36 pm | पैसा
अतिशय सुरेख प्रतिमा आहेत एकेक!
10 Mar 2017 - 8:53 pm | शार्दुल_हातोळकर
मस्त !!
10 Mar 2017 - 8:56 pm | संजय क्षीरसागर
असेच लिहीत राहा.
10 Mar 2017 - 9:16 pm | अत्रुप्त आत्मा
+१
10 Mar 2017 - 9:10 pm | संदीप-लेले
शब्द अपुरे आहेत कौतुकाला
11 Mar 2017 - 5:11 am | इडली डोसा
आवडली.
11 Mar 2017 - 7:40 am | प्राची अश्विनी
किती सुंदर, लयवती!!
11 Mar 2017 - 8:41 am | अजया
फार सुंदर!
11 Mar 2017 - 10:25 am | एस
अतीव देखणी कविता! क्या बात है!!!
शेवटच्या वाक्यात एक बदल सुचवतो,
'फिक्या मेनका अन् फिक्या अप्सरा!' ऐवजी
'फिकी मेनका अन् फिक्या अप्सरा!' असं करून पहा. मेनका एकच आहे. ऊर्वशी, रंभाप्रमाणे.
11 Mar 2017 - 1:01 pm | सत्यजित...
सर्व प्रतिसादक रसिकांचे मनःपूर्वक धन्यवाद!
12 Mar 2017 - 1:00 pm | प्रा.डॉ.दिलीप बिरुटे
आवडल्या ओळी.
-दिलीप बिरुटे
12 Mar 2017 - 9:44 pm | लॉरी टांगटूंगकर
क्या बात है! सही लिहीताय राव..
12 Mar 2017 - 10:06 pm | समाधान राऊत
आवडल्या गेली आहे...
13 Mar 2017 - 7:50 am | चांदणे संदीप
कविता खूपच आवडल्या गेली आहे!
Sandy
13 Mar 2017 - 8:52 am | यशोधरा
क्या बात! सुरेख गजल.
13 Mar 2017 - 12:07 pm | मितान
सुंदर !!!!!!
ते सापळा तेवढं समजवून सांगा ना
15 Mar 2017 - 1:03 am | सत्यजित...
अर्थ सहज आहे तसा...
तिचे धारदार नजरेने पाहणे इतके मोहक असते की कुणाचीही नजर मिळताच,सापळ्यात अडकावा तसा तो गुंतून पडतो जणू काही एखाद्या सावजाने (मृगाने) खुद्द शिकाऱ्याच्याच (केसरी-सिंहाच्या) प्रेमात पडावे!
शिवाय कुठलीही गजल रसिकाला स्वतःच्या संदर्भाने (अनुभव,इच्छा,कल्पना ई.) अर्थ लावण्याचे स्वातंत्र्य देते,ही तिची खासियत आहेच.हे अवांतर!
प्रतिसादाबद्दल मनःपूर्वक धन्यवाद!
15 Mar 2017 - 1:09 am | सत्यजित...
आ.दिलीप सर,मंदारजी,राउत सर,संदिपजी,यशोदाजी आपणा सर्वांचे हार्दीक धन्यवाद!
19 Mar 2017 - 4:30 pm | मदनबाण
मस्त !
मदनबाण.....
आजची स्वाक्षरी :- तू आता है सीने में जब जब सांसें भरती हूँ, तेरे दिल की गलियों से मैं हर रोज़ गुज़रती हूँ, हवा के जैसे चलता है तू मैं रेत जैसे उडती हूँ, कौन तुझे यूँ प्यार करेगा जैसे मैं करती हूँ... :- M.S. DHONI
19 Mar 2017 - 4:35 pm | पद्मावति
खुप सुरेख!
हसण्याला चांदण्याचा चुरा ही उपमा प्रचंड आवडली.
20 Mar 2017 - 2:41 am | रेवती
कविता आवडली.
20 Mar 2017 - 9:08 am | सत्यजित...
मदनबाण,पद्मावतीजी,रेवतीजी...मनःपूर्वक धन्यवाद!