कास्टीझम

त्यादिवशी कॅफेटेरिया मधल्या सगळ्यांचे डोळे टीवी कडे होते.
पटेल रॅली मुळे पेटलेला गुजरात सगळे भेदरलेल्या नजरेने पाहत होते.

"का चालू झालंय हे सगळ पण?" तिने त्यांच्या टेबल वर विषय सुरु केला.

"अरे पटेल कास्ट साठी आरक्षण पाहिजे म्हणे. तो म्हणतोय कि त्यांना द्या किंवा कोणालाच नको" त्याने माहिती पुरवली.

"आणि त्याच्या साठी संपूर्ण गुजरातेत जाळपोळ सुरु झालीये" QA वाला म्हणाला.

"कोणाचं काय जातंय तोडफोड केली आणि जाळपोळ केली तरी. भुर्दंड सरकारी तिजोरीला पडणारे आणि पर्यायाने आमच्या खिशाला. बर आठवलं टॅक्स रिटर्न फाईल करायचा आहे. आत्ता जाऊन करतो." TL उठला पाठोपाठ टीम पण उठली.

डस्ट बिन मध्ये रिकामा कॉफी मग टाकता टाकता ती म्हणाली, "डेमोलीशिंग कास्टीझम"

"धिस इज शिट मॅन" टीम मधल्या डिझायनर चा hangout वर पिंग आला.
लगेचच एक लिंक पण पाठवली.
"Another honor killing in Bihar."

पिंकी आणि मनोजला किती अमानुष पद्धतीने त्यांच्याच घरातल्यांनी मारून टाकलं याच इत्यंभूत वर्णन होत त्यात.

वाचून सुन्न झालेल्या तिने एक सुस्कारा सोडला आणि hangout वर टाकलं, "ब्लडी कास्टीझम"

"हे आपलं शेवटचं हम्म"

"म्हणजे?" तिने चमकून विचारलं

"म्हणजे आताच लास्ट टाइम. याच्यानंतर हे बंद."

"अरे पण का?"

"हे जर असंच चालू राहिलं ना तर मी तरी इन्व्हॉल्व होईन तुझ्यात किंवा तू तरी होशील."

"पण आपलं ठरलेलं न रे कि इमोशनली अटॅच नाही व्हायचं म्हणून."

"हो गं, म्हणूनच मी म्हणतोय की आता आपण थांबवूया नाहीतर मी सिरियस होईन तुझ्यात."

लोडाला रेलून बसलेल्या त्याला ती बिलगली आणि हसून म्हणाली,
"सो यु थिंक आय एम दॅट मच इम्प्रेसिव ह्म्न?"

"हम्म तसं नाही काही पण आता हे नकोच."

"ओके. म्हणजे आता फ्रेंड्स विथ बेनिफिट्स मधून बेनिफिट्स काढून टाकायचं तर… कि फ्रेंड्स पण काढायचं?"

"अजिबात नाही, आपण फ्रेंड्स होतो, आहोत आणि कायम राहू. म्हणजे माझ्याकडून तरी असं आहे आता तू सांग तुला काय वाटत?"

"यु नो ना, आय एम अफ्रेड ऑफ लूसिंग पिपल. आपण जर तसेच फ्रेंड्स राहणार असू कायम, तसाच दंगा करणार असू, टीम मिटींग्स मध्ये एकमेकांवर लाईन मारणार असू, आणि माझ्यासोबत रडायला आणि सिगरेट शेयर करायला तू असशील तर आय एम फाईन विथ दॅट"

"खरं सांगू का गं, मला ना तुझी सवय झाली आहे. दर विकेंड ला तुझ्या हातचं मस्त जेवण करायचं, जिभेचे चोचले पुरवायचे, तुझ्याकडून 'लाड' करून घ्यायचे " बोलतांना पण हाताचे कोट्स करून तो म्हणाला, "पण आता रिलेशनशिप वगैरे च्या भानगडीत नाही पडायचं. लग्न करून सेटल व्हायचं."

"मग आपण करूया की लग्न. काय जाणारे? प्रेम-बिम नाही, रिलेशनशिप नाही, डायरेक्ट लग्न. what say?"

"तू काय प्रेमात बिमात पडलीयेस कि काय माझ्या?" तिला कुरवाळत त्याने विचारले.

"प्रेमात आणि तुझ्या? हट.." एका क्षणिक पॉज नंतर ती म्हणली, "हा म्हणजे तुझ्या चॉकलेटस् ची सवय मला पण झालीये, बट नो प्रेम यार कमॉन."

"मग?"

"मग काय, we are compatible, independent, mature. वी कुड बी अ गुड कपल यु नो."

तिला आणखी जवळ ओढत तो म्हणाला, "मला तुझ्यासोबत आत्ता ट्वेंटी क्वेशन खेळायचे नाहीयेत. लेट मी डू द लास्ट सपर", त्याने तिच्या टि शर्ट मध्ये हात घालून ब्रा चा हुक काढला.

तासाभराच्या शांततेनंतर तो म्हणाला, "मी कोणीतरी माझ्या कास्ट मधली पाहीन, तू तुझ्या कास्ट मधला शोध."

"धिस फकिंग कास्टीझम" ती पुटपुटली.