किल्ले दुर्ग आणि धाकोबा

किल्ले दुर्ग आणि ढाकोबा (मुरबाड परिसर)

शनिवारी पहाटे ५.०० च्या सुमारास ठाण्याहुन बाईकवरुन निघालो. दोघेच. मुरबाड एस्.टी. स्टॅन्डवर आलो तेव्हा ७.३० वाजत आले होते. वाफाळलेला चहा घेतला आणि रामपुर या दुर्गच्या पायथ्याशी असलेल्या गावात जाण्याचा रस्ता विचारुन घेतला. स्टॅन्डच्या बाजुनेच जो रस्ता धसईला जातो त्याच रस्त्यावर पुढे रामपुर लागते. रामपुरला येईपर्यंत ८.३० वाजत आले. रामपुर गावात एका घराच्या अंगणात बाईक लावली आणि जरा वाट दाखवायला कोणी मिळ्तय का त्याची चौकशी सुरु केली. रामभाऊ नावाचे एक मामा वाट दाखवायला तयार झाले. लगेच निघालो. सुरवातीला गावच्या शेतातून जाणारी वाट मस्त होती. वाटेच्या दोन्ही बाजूला पसरलेली शेती आणि मधून झुळू झुळू वहाणारं पाणी ! एकदम झकास. लगेच कॅमेरा बाहेर काढला आणि क्लिकायला सुरुवात केली.

भात शेती

भाताची लोंबी (का ओंबी ??)

वाटेवर

झुम प्रयत्न

एक टेकाड चढून गेलो आणि मागील बाजूस नाणेघाट - जिवधन रांग दिसायला लागली. साधारण ३५-४० मि. झाली असतील. आधी जाऊन आलो असल्याने पुढ्च्या वाटेचा अंदाज आला होता.

बरोबरच्या रामभाऊंना ईथूनच माघारी पाठ्वण्याचा विचार झाला. एका पसरलेल्या झाडाखाली आम्हीसुध्दा क्षणभर पसरलो.

पसरलेल्या झाडाच्या फांद्या आडवे पडून बघीत्ल्या वर मजेशीर दिसत होत्या लगेच क्लिकलो.

ईथून पुढे दुर्गची खडी चढाई सुरू होणार होती. दुर्गची वॉल झाडीतून दिसत होतीच. तिथून पुढे निघालो तर खुट्यादाराकडे जाणार्‍या वाटेत एके ठिकाणी दरड कोसळ्ली होती, त्यामुळे पूढची वाट गायब ~X( . मोठ्या प्रयत्नाने वाट मिळाली आणि खुट्यादाराकडे निघालो.

या वाटेला खुट्यादाराची वाट असे म्हणतात, याचे कारण असे की वाटेत काही ठिकाणी दगडामघ्ये खरोखरच लाकडी खुट्या ठोकलेल्या आहेत. या खुट्यांचा आधार घेत वरती जायचे. वाटेत सोप्या श्रेणीचे काही कातळट्प्पेही आहेत.

खुट्यादाराच्या वाटेवरुन दिसणारे विहंगम द्रुश्य

साधारण एक्-सव्वा तासात खुट्यादारातुन वरती आलो आणि थबकलोच. आम्ही एवढे कष्ट घेऊन आलो म्हणून समोर आमच्यासाठी फुलांचा गालीचा ठेवलेला होता. लय भारी. परंतु या गालीच्यामुळे आमची दुर्गची वाट हरवली होती.

थोड्या प्रयत्नांनंतर वाट लगेच मिळाली. १५ मिनीटातच दाट झाडीत लपलेले दुर्गाबाईचे मंदिर नजरेस पड्ले.

दुर्गाबाईचे मंदिर

दुर्गाबाईचे मंदिरात बसलो, थोडे खाऊन, पाणी पिऊन, जरा वेळ विश्रांती घेतली. लगेच ढाकोबाला जायचे होते. दुर्गाबाईच्या मंदिराच्या मागच्या बाजूने, झाडीतून थोडे खाली ऊतरून गेले की आपण एका पठारावर येतो. या पठारावर एक पाण्याची मोठी विहीर आहे. येथूनच पुढे ढाकोबाला रस्ता जातो. लगेच निघालो. मागे लक्षवेधी दुर्ग खूणावत होता.

पठारावर एक गुराखी आणि त्याचा मुलगा भेट्ले त्यांना पुढची वाट विचारुन घेतली

दुपारचे दोन वाजत आले होते, साधारण २ ते २.३० तासात (म्हणजे दिवसा उजेडी) ढाकोबाला पोहोचू असा अंदाज होता. त्यामुळे जरा आरामात क्लिकत क्लिकत चाललो होतो. एके ठिकाणि मोठे कोळ्याचे जाळे दिसले. त्याचे वेग-वेगळ्या अ‍ॅंगलने फोटो काढले. निवडुंग दिसले कर क्लिक असे सगळे चालले होते.

मॅक्रो झुम्म्म्म्म

निवडुंग

तासभराच्या चालीनंतर ढाकोबा आणी दुर्ग यांच्या मध्यावर आलो. येथून ढाकोबा आणी दुर्ग दोन्ही छान दिसत होते.

ढाकोबा

दुर्ग

साडेचारच्या सुमारास ढाकोबाच्या देवळात आलो.

मंदिराच्या बाजूला असलेली विहीर

मंदिरातील देव

पाणी पिऊन, विश्रांती घेऊन लगेच सनसेट बघायला निघालो. ढाकोबाचा कोकणकडा प्रेक्षणीय आहे. क्ड्याच्या समोरच नाणेघाट, जिवधन, कळसुबाई रांग सुरेख दिसते. फोटो काढ्णार तर बॅटरी डाऊन, एक्स्टॉ सेल सॅक मध्ये, सॅक देवळात :( . डोळे भरून सर्व पाहून घेतलं आणि पुन्हा देवळात आलो. जेवलो आणि झोपलो. दुसर्‍या दिवशी सकाळि ऊठ्लो चहा प्यायला, मॅगी खाल्लं आणि १० च्या सुमारास निघालो. ढाकोबाहुन दार्‍या घाट मार्गे इष्टाच्यी वाडी ईथून किंवा पळू गावातुन पुढे मुरबाड गाठता येतं पण या वाटेने जाऊन झालेल अस्ल्याने आणि आमची बा़ईक रामपुरला असल्याने आम्ही आल्या वाटेने म्हणजे पुन्हा दुर्ग- खुट्यामार्गे रामपुरला जायचे ठरवले.

परतीच्या वाटेवरुन दिसणारे कळसुबाई-अलंग-माळशेज रेंज

पुन्हा खुट्याचा रॉकपॅच

वाटेत दिसलेली गो. नी. दांची पावसफुले

पावसफुले झुम्म्म्म

साधारण ३.३० च्या सुमारास पुन्हा रामपुरला आलो. बाईक काढली आणि ७.०० वाजता नाक्यावर हजर. :H

गडप्रेमी बज्जु