नमस्कार, मी भाऊ तोरसेकर… तुम्ही बघत आहात || प्रतिपक्ष ||

छान परिचय करून दिलात.
मला स्वतःला व्हिडिओ पाहण्याचे प्रकार आवडत नसल्याने मी यापासून दूर आहे.

बघून लिहितो.

कोविड मधे डॉक्टर रवी गोडसे मधुरा किचन,शिंदे कुटुंब आसे बर्‍याच मराठी तुनळ्या सुरू झाल्या.विषयात रस नसल्या मुळे बघत नाही. बाकी आपला लेख चांगलाच आहे.

कोविडच्या काळात भाऊ तोरसेकर, सुशिल कुलकर्णी, अनय जोगळेकर आणि अश्विन अघोर ही मंडळी बर्‍याच घरात पोचली.

वर्तमान पत्रातील किंवा टिव्हीवरील निसटलेल्या किंवा निसटवलेल्या बातम्या किंवा त्या बातम्यांच्या निसटलेल्या बाजू या लोकांमुळे समजतात.

भाऊंचा श्रोतावर्ग तर यात बराच मोठा आहे. त्यांची व्हिडीओ अपलोड करायची ठरलेली वेळ नाही तरी सुध्दा त्यांचा नवा व्हिडीओ आला की पहिल्या तासाभरातच पहाणारे अनेक जण आहेत हे त्या व्हिडिओ खालच्या आकड्यांवरुन दिसुन येते.

आपल्याला फार काही माहित आहे असा आव आणात तारस्वरात ब्रेकिंग न्युज देणार्‍यांच्या आणि त्यांचे विष्लेषण करणार्‍यांच्या भाऊगर्दीत भाऊंचे वेगळेपण लक्षात येते. त्यांचे विवेचन अभ्यासपूर्ण असते तरीही त्यात सहज गप्पा मारल्याचा भाव असतो. बोलता बोलता ते अनेक जुने नवे संदर्भही देतात. हातात कागद न घेता थेट कॅमेर्‍याकडे पहात अस्खलीत बोलतात, म्हणूनच एकवढ्या मोठ्या संख्येने त्यांना श्रोता वर्ग लाभला आहे.

या वयात त्यांनी मिळवलेले यश खरेच कौतुकास्पद आहे. त्यांचा श्रोता वर्ग असाच वृध्दींगत होत राहो या शुभेच्छा.

पैजारबुवा,

"जागता पहारा" चा मीही बर्‍यापैकी नियमित वाचक होतो. पण भाऊंचे विडिओज बघणे/ऐकणे कंटाळवाणे होत जाते हे तेवढेच खरे.
एकच गोष्ट परत परत उगाळत सांगण्याची त्यांची पद्धत ही सहजपणे आलेली असली तरीही फार होते.
नीट संकलन केल्यास साधारण ४ ते ५ मिनिटांत संपू शकणारे मॅटर, ते २०-२५ मिनिटांचे लांबण लावत चालवतात त्यानं वैताग होतो. त्यामुळे एखाद्या विषयावर त्यांचा विडिओ सापडला तरीही फॉरवर्ड करत बघणे सगळ्यात इष्ट. पण यानं नियमित बघणे/ऐकणे कंटाळवाणे होते.
वरच्या पट्टीत बोलण्याच्या सवयीमुळे असेल किंवा एकटेच बोलत असल्याने असेल कदाचित, पण जरावेळानंतर त्यांचा आवाज चिरका होत जातो. यामुळे देखील जास्त वेळ बघणे/ऐकणे शक्य होत नाही.

बाकी ते अनुभवी पत्रकार विश्लेषक आहेतच, त्यात वाद नाही.
त्यांचे माहितीचे सोर्स देखील भरपूर आहेत, ज्याचा त्यांना पुढील अंदाज बांधण्यासाठी उपयोग होत असतो. त्यामुळेच त्यातले कंटेंट इटरेस्टींग असते.

जर मोजक्या शब्दांत, पसारा न मांडता विडीओ केले आणि ते वरच्या पट्टीतले बोलणे जरा खाली आणले, तर त्यांचे विडीओज पाहणार्‍यांची संख्या सहज दुप्पट होऊ शकेल. :-)

भाऊ भक्तांना स्वप्नांच्या जगात नेतात पण निवडणूका वास्तवीक जगात आणतात.

भाऊ पोटार्थी आहेत त्यामुळे पास..

उत्सुक लोकांनी भाऊ २०१४ पूर्वी काय लिखान करायचे .. तरूण भाऊंच्या पत्रकारीतेचा प्रवास ह्या गोष्टी शोधाव्यात..
भाजप साठी राणें इतकेच भाऊ पवित्र आहेत

भाऊंचे विचार फारच एकतर्फी आहेत, जागता पाहरावर तसा त्यांनी इशातही दिलेला होता. एकतर्फी विचारांमुळे त्यांचे व्हिडीओ फारच कंटाळवाणे मलातरी वाटतात त्यामुळे बरेच दिवस झाले त्यांचा चॅनेल बघितला नाही. पण जे काही आहे त्याची ते शांतपणे मांडणी करतात.

भाऊंच्या पवारांवरील टिपण्ण्या म्हणजे सुर्यावर थूंकण्याचा प्रकार.

भाऊ तोरसेकरांचा विषय निघालाच आहे म्हणून एक प्रतिपक्षवर नसलेला एक व्हिडीओ देतो. <\a>
१ तास १८ मिनीटांचा आहे. प्रत्यक्ष भाषण ४:४५ पासून सुरू होतं.. पण स्पीड १.५ पर्यंत वाढवून तो ५० मिनिटांचा करता येईल.

खूप वेगळे विचार मांडले आहेत.

भाऊ बऱ्याचदा समतोल बोलतात. पण बऱ्यापैकी कंटाळवाणी शैली आहे. पण जेव्हा उपहासगर्भ बोलतात तेव्हा रोचक बोलतात.

परंतु त्यांच्या मनात बाळ ठाकरेंना अढळ स्थान आहे. एकप्रकारची भक्ती म्हणता येईल. त्यामुळे बाळ ठाकरेंच्या चुकांवर फार क्वचित बोलतात किंवा खूप वरवर बोलतात. भाजपने सेनेकडून हिंदुत्व स्वीकारले असे हास्यास्पद निष्कर्ष भाऊंनी काढले आहेत. बाळ ठाकरे अत्यंत दिलदार, सत्तानिर्मोही, कॉंग्रेस- राष्ट्रवादी नेत्यांशी वैयक्तिक मैत्री केली पण हातमिळवणी केली नाही, अगदी मुस्लिम लीग व आणिबाणीला पाठिंबा ही सुद्धा धूत राजकीय खेळी, सेनेमुळे भाजप महाराष्ट्रात उभा राहिला, १९६१ नंतर संयुक्त महाराष्ट्र समितीचे कार्यकर्ते सेनेत गेले, १९८६ नंतर तत्कालीन समाजवादी कॉंग्रेसचे कार्यकर्ते सेनेत गेले वगैरे निष्कर्ष वारंवार सांगतात जे बहुतांशी चुकीचे आहेत.

अमित शहांशी झालेल्या चर्चेनंतर विधानसभा निवडणुकीचा निकाल लागेपर्यंत ठाकरे मुख्यमंत्रीपदाविषयी कधीही बोलले नव्हते हा भाऊंचा अजून एक दावा चुकीचा आहे. युती जाहीर केल्याच्या दुसऱ्याच दिवशी सेनेला निम्मा वेळ मुख्यमंत्रीपद मिळणार असल्याचे युतीत ठरले आहे हे ठाकरेंनी जाहीर कार्यक्रमात सांगितले होते. याची चित्रफीत मी पाहिली होती. जुलै २०१९ मध्ये इंडियन एक्सप्रेस मध्ये प्रसिद्ध झालेल्या मुलाखतीत आदित्य ठाकरेंनी स्पष्ट सांगितले होते की पहिली अडीच वर्षे सेनेचा मुख्यमंत्री असणार असल्याचे युतीचर्चेत ठरले आहे. सेनेचे इतर नेते प्रचारकाळात वारंवार मुख्यमंत्रीपदाविषयी बोलले होते. परंतु मतदानाची वेळ येईपर्यंत एकही भाजप नेत्याने विरोध केला नव्हता. भाऊ पत्रकार असूनही हे त्यांना का माहिती नसावे?

राज ठाकरे हे भाऊंचे अजून एक नीलाक्षतनय. आता राज योग्य पावले टाकताहेत, ते पुढील निवडणुकीत नक्कीच चमत्कार करून दाखविणार असे भाऊ २०१९ विधानसभा निवडणुकीपासून सातत्याने सांगताहेत.

पुढील विधानसभा निवडणूक मविआ पक्ष एकत्र लढले तरी त्यांना एकत्रित ७५ पेक्षा कमी जागा मिळतील व भाजपला स्वबळावर किमान १७५ जागा मिळतील हे भाकीत भाऊ मागील काही महिन्यांपासून वारंवार करीत आहेत.

अर्थात भाऊंकडे जुनी माहिती खूप आहे. त्यांची काही भाकिते पूर्वी नक्कीच बरोबर आली आहेत. परंतु भाऊंपेक्षा सुशील कुलकर्णी व अनय जोगळेकर जास्त प्रभावी वाटतात. मी त्यांच्या काही चित्रफिती पाहतो, पण ते सांगतात त्यावर पूर्ण विश्वास ठेवत नाही.

भाऊ तोरसेकर यांचे अभिनंदन

बर्‍याच जणांनी वर प्रतिक्रिया दिल्या आहेत. माझीही प्रतिक्रिया थोड्याफार फरकाने सारखीच आहे. मात्र एखादा मराठी राजकारणावरील भाष्यकार एवढे दर्शक मिळवू शकतो हेच मोठे यश आहे. मराठी माणसाला राजकारण आणि क्रिकेट बायकोपेक्षा जास्त प्रिय असते असे कुठेतरी वाचले होते ते बहुधा खरे असावे.

मराठी माणसाला राजकारण आणि क्रिकेट बायकोपेक्षा जास्त प्रिय असते असे कुठेतरी वाचले होते ते बहुधा खरे असावे.

खरेच आहे. होम मिनिस्टरमध्ये ( झी मराठी चानेलवरचा एक विनोदी कार्यक्रम) बऱ्याच महिलांनी हे सांगितले आहे. "बघण्याचा कार्यक्रमात नवऱ्याकडच्या सगळ्यांनी बघितले पण'ह्यां'नी बघितलेच नाही म्हणून दुसरा आणखी एक कार्यक्रम ठेवावा लागला."
"का?"
" ते क्रिकेट बघत होते आमच्याकडे टीवीवर."

भाऊ तोरसेकरांचे हे भाषण मी खूप एन्जॅाय केले. <\a>
भाऊंनी विनोदी शैलीने मुद्दे मांडले आहेत. बऱ्याच वेळेस खळखळून हसायला येते.

एखादा मराठी राजकारणावरील भाष्यकार एवढे दर्शक मिळवू शकतो हेच मोठे यश आहे.

ही Confirmation Bias ची किमया असू शकते.
त्या परिप्रेक्ष्यात एखाद्या विचारसरणीचे समर्थक जितके जास्त तितके त्या विचारसरणीच्या भाष्यकाराचे "यश" अधिक असेल.

मी भाऊंचे लेखन त्यांच्या ब्लॉगवर जाऊन काही काळ वाचले होते, त्याचे प्रतिपक्ष या चॅनलवरील व्हिडियो मी अधुन-मधुन पाहत असतो.
मराठी मेनस्ट्रीम मिडिया आणि पत्रकार जे विष्लेषण करत नाहीत त्याच गोष्टींवर भाऊ उत्तम विश्लेषण करतात ते देखील कोणतीही लिखित माहिती त्यांच्या समोर न ठेवता.
मला स्वाती तोरसेकरांचे व्हिडियो देखील विशेष आवडतात कारण त्या राजकारण सोडुन इतर विषयांवर भाष्य करतात. भाऊंनी देखील इतर विषयांवर बोलायला हवं कारण सात्यत्याने राजाकारावरील विवेचन कंटाळवाणे होते. [ मला तरी व्यक्तिगत रित्या सारखं राजकारणावरच भाष्य केलेले पहायला / वाचायला आवडत नाही. ] अगदी उदा. म्हणुन हल्लीच एक मोठी घटना झाली, ती म्हणजे चीनला मागे टाकुन हिंदूस्थानच्या अदानी समुहाने इस्रायलच्या हायफा बंदराचे ३१ वर्षासाठी असलेले कंत्राट मिळवले आहे. या विषयावर भाऊंचे किंवा स्वाती तोरसेकरांचे भाष्य यायला हवे होते असे एक मराठी श्रोता म्हणुन मला वाटते.
भाऊंची दाणगी स्मरणशक्ती आणि त्या आधारे संदभ देण्याची हातोटी उल्लेखनीय आहे. स्व:ताला जास्त तात्रिक माहिती नसुन देखील त्यांनी उत्तम विश्लेषण वेळोवेळी केलेच आहे पण यात उत्तम असे यश मिळवले आहे ही नक्कीच कौतुकाची आणि उल्लेखनिय बाब आहे. या धाग्याच्या निमित्त्याने त्यांचे मी या यशा बद्धल मनःपूर्वक अभिनंदन करतो.

जाता जाता :- त्यांच्या चॅनल कडुन राजकारणा बरोबरच हिंदूस्थानाच्या दृष्टीकोनातुन महत्वाच्या ठरणार्‍या आणि घडणार्‍या महत्वाच्या घडामोडींवर देखील भाष्य करावे अशी एक दर्शक आणि श्रोता म्हणुन माझी इच्छा व्यक्त करत आहे.

मदनबाण.....
आजची स्वाक्षरी :- Piharva ft. Shraddha Dangar & Bhavya Gandhi | Sachin Jigar | Anumita Nadesan | Sachin Sanghvi

शीर्षकातली काही शब्दच नवे लेखन मध्ये दिसत होते ते पाहुन वाटले कि भाऊंनी मिपाचे सदस्यत्व घेतले कि काय?

शिनुमासंबंधित तारे,तारका,घटना यांवर कोण बोलतात चांगले?

करोना काळात काही भाऊंचे काही व्हिडिओ पाहिले होते.खुप विश्लेषणात्मक वाटले.म्हणजे एखाद्याला सवय,आवड लागेल,परत ऐकावे वाटतील एवढा आशय नक्कीच मिळतो.

छान लेख धागा आहे.

भाऊरावांच्या लेखनाचा चाहता आहे. त्यांचा व्यासंग अफाट म्हणू की दांडगा. पण ती चलचित्रं पाहणं नको वाटतं. एकतर ती वेळखूप घेतात आणि दुसरं महत्त्वाचं कारण म्हणजे संदर्भ म्हणून उल्लेखता येत नाहीत. त्याकरता लेख बरे पडतात. पण काये की भाऊंरावांचं वय झालं असल्याने लेखन टंकण्याचा ताण असू शकतो. मराठी बोललेलं तत्काळ छापण्याची सुविधा कुठे मिळेल काय?

-गा.पै.

गा.पै. यांच्याशी सहमत. त्यांचा जवळजवळ प्रत्येक लेख वाचत असे, बऱ्याचदा प्रयत्न केला पण ते व्हिडिओ पाहणं काही जमत नाही. लेखाची मजा व्हिडिओत नाही.

भाऊ इतके रटाळ बोलतात, आणि मुद्द्यावर यायला वेळ घेतात की ऐकत असलो तरी लक्ष कधीच भलतीकडे गेलेले असते.

अगदी. अगदी.
:)

भाऊची विश्लेषणची शैली आवडते. सामान्य लोक कशी विचार करतात ते कळते. बरेचदा मोठे मोठे पत्रकार त्यांच्या दुनियेत वावरत असतात.
त्यांच्या चित्रफिती सातत्याने बघणे कामामुळे व इतर व्यापामुळे जमत नाही. जेव्हा महत्वाची गोष्ट होते, निवड्णुक असते तेव्हा ते बघण्याचा प्रयत्न करतो.

अर्ध्या तासाच्या वक्तव्यात सहा मुख्य वाक्ये असतात.

भाऊ तसे निष्पक्षपाती नाहीत.

भाऊ नि:पक्षपाती असावेत असा आग्रह का ?
जर आयडल सिचुएशन मध्ये पत्रकार म्हणुन नि:पक्षपाती असावेत असा दावा असेल तर तो दावाच चुकीचा आहे कारण ही आयडल सिचुएशन नाही आणि सर्व पत्रकारांनी आपापले पक्ष निवडलेले आह्रेत. त्यात वरिष्ठ पत्रकार शेखर गुप्ता, राजदिप सर देसाई, बरखा दत्त,
विनोद दुआ, रविश कुमार, प्रणय जेम्स राय , राहुल कंवल इतकेच कायतर लल्लन टॉपचा ह्रषभ द्विवेदी, लाँड्रीचा सिकरी "द वायरचा" सिद्धार्थ वरदराजन हे सगळे डावे धार्जीणे लोक आहेत.

भाऊ तोरसेकर हे पत्रकार आहेत असे वाटत नाही. म्हणजे, कि ते ऑन ग्राउंड जाऊन नवीन माहिती आणतात असे काही दिसले नाहीये. ते घरबसल्या बातम्या वाचतात आणि त्यावर त्यांची मते सांगतात. राजकीय विश्लेषक हे पत्रकार म्हणण्यापेक्षा योग्य ठरेल.

त्यांच्या बातम्यांचा परीघ अगदी लहान असतो असा माझा समज आहे. एकूण, आपल्याला माहित असलेली व पाच मिनिटांत ऐकता येईल अशी बातमी, एकाच बाजूने रटाळपणे ३०-४५ मिनिटं ऐकणे हे दिव्य लोकं कसकाय करतात ह्याचे आश्चर्य वाटते. मला व्यक्तिष: या प्रकारात फारसे मूल्यवर्धन दिसत नाही. हा, काही ऐतिहासिक राजकीय पार्श्वभूमी ते चांगली सांगू शकतात, आपल्या क्लिंटन साहेबांप्रमाणे. पण आपला त्यातला रस मर्यादित असल्याने त्यासाठी इतका रटाळ व्हिडीओ बघणे शक्य नाही.

आमच्या घरातले अनेक वयस्कर लोक झोपताना भाऊ तोरसेकरांचा व्हिडीओ लावतात आणि घोरू लागतात.

भाऊ नि:पक्षपाती असावेत असा आग्रह का ?

आहे आग्रह. तुम्ही पण धरा ना तसा आग्रह तुम्ही यादी दिलेल्या पत्रकार लोकांकडून. =))

गंमतीचा भाग सोडा, असा कुणाचा काही आग्रह दिसत नाही. माझा तरी नाही. धागा भाऊंच्या विषयी असल्याने केवळ निरीक्षण व्यक्त केलंय. तुम्ही बळेच इतर पत्रकारांची यादी देऊन whataboutery सदृष्य प्रतिसाद देत आहात.

YouTube Premium चे सबस्क्रिप्शन संपल्यावर

मी फॅमिली पॅक घेतो. त्यामुळे मी व घरातील आणखीन ५ जणांना प्रमिअम वर्गणीचे फायदे मिळतात. आपण ५ ईमेल ॲड्रेस फक्त कळवायचे असतात.
महिना ₹१८९. ६माणसांना म्हणजे दरदिवशी दरमाणसी ₹१ एवढाच खर्च येतो. मला तरी फुकट घेण्यापेक्षा थोडे पैसे मोजले की बरे वाटते.

कोणाकडे भाऊ तोरसेकरांचा संपर्क क्रमांक असेल किंवा विरोपाचा पत्ता असेल तर ह्या चर्चेचा दुवा पाठवून द्या.

पण त्यांनी लिहिणे बंद केले आणि व्हिडीओ कडे वळले. मी मोबाईल वर फार काही ऐकत नाही आणि व्हिडीओ पण पाहत नाही. त्यामुळे त्यांचा एकही व्हिडीओ पाहीला नाही. त्यांच्या लिखाणाचा मात्र पंखा आहे, कारण त्यांचे संदर्भ. जुने संदर्भ देण्याची त्यांची हातोटी खूप चांगली आहे.