सर्व मिपाकरांना विनंती, वारंवार सूचना देऊनही 'चालू घडामोडी' आणि इतरही काही धाग्यांत व्यक्तिगत पातळीवर केली जाणारी टीका दिसून येते. पक्षांचे प्रमुख, पक्ष यांच्यावर केल्या जाणा-या टिकाही संयमित असाव्यात अशी अपेक्षा आहे, नव्या कायद्यांमुळे संकेतस्थळावरील सर्वांचा वावर कायद्यातील नियमाबरोबर, सार्वजनिक संस्थळावरील सभ्यतेचे किमान निकष पाळणारा असावे असे मिपा व्यवस्थापनाचे मत आहे, यापुढे असे आढळून येत राहिल्यास कोणतेही स्पष्टीकरण न देता असे प्रतिसाद, धागे सरसकट अप्रकाशित केल्या जातील किंवा खाते निष्कासित करण्यासारखी कठोर कारवाई केली जाईल याची सर्वांनी नोंद घ्यावी व सहकार्य करावे.

- मिपा व्यवस्थापन


आतल्या आत

Primary tabs

अनन्त्_यात्री's picture
अनन्त्_यात्री in जे न देखे रवी...
21 Feb 2021 - 8:33 pm

संदर्भचौकटी मोडून पडल्या तेव्हा
मी अधांतराचा धरला अलगद हात
मग रिक्तपणाने भरलो काठोकाठ
अन् ओसंडून सांडलो आतल्या आत

धगधगून निखारे विझून गेले तेव्हा
मी हिमपातावर कसून केली मात
मग पलित्यातळिच्या अंधारात बुडालो
अन् लखलख तेजाळलो आतल्या आत

भ्रमनिरास बनले जगणे सगळे तेव्हा
मी सुखस्वप्नांचा सहज सोडला हात
जरी भोवतालच्या कोलाहली विस्कटलो
उलगडलो अवघा पुन्हा आतल्या आत

कविता माझीकवितामुक्तक

प्रतिक्रिया

ज्ञानोबाचे पैजार's picture

22 Feb 2021 - 8:24 am | ज्ञानोबाचे पैजार

आपणाच आपल्याला उलगडतोय ही भावना खूपच मजेदार असते.
भारी लिहिली आहे
आवडली
पैजारबुवा,

उलगडली ही कविता म्हणताहात,
मग विचार कसला.. उचला अपुला टाक
विडंबनाचे यात्री आपण आहात
पाडून टाका एक इथे त्यातल्या त्यात!

(मूळ कविता आवडली आहेच हो कविराज)

Bhakti's picture

22 Feb 2021 - 9:57 am | Bhakti

सुरेख रचना!
प्रत्येक कडव्यातील शेवटच्या ओळीत स्वतंत्र कविता आहे.

प्रयत्न केला, नाही समजली ब्वॉ.
जरा रचनेमागची विचारप्रक्रिया "उलगडून" दाखवाल? :-)

अनन्त्_यात्री's picture

1 Mar 2021 - 7:30 pm | अनन्त्_यात्री

व कविता वाचणार्‍या सर्व कवितारसिकांना धन्यवाद