वेडा वेडा पाऊस..

प्राची अश्विनी's picture
प्राची अश्विनी in जे न देखे रवी...
24 Sep 2022 - 8:07 am

वेडा वेडा पाऊस..

वेडा म्हणजे वेडा म्हणजे किती वेडा पाऊस?
काळ वेळ नाही, नुसती पडायची हौस..

छत्री विसरून निघाले तुझ्याकडे यायला,
होतं असं चुकून, कळावं ना पावसाला?
वेडाच तो, आला धावत, धो धो बरसला.
म्हणून भिजले,
नको ना रे भलता अर्थ लावूस!

भिजून बिजून आलं असं तर चहा कुणी करतोच ना?
बिनसाखर असला तरी गोड आपण म्हणतोच ना?
घोट घोट पिता पिता गप्पा छाटत बसतोच ना?
म्हणून थांबले,
नको की रे भलता अर्थ लावूस!

बरं, पडायचं तर गुपचूप पडावं नं पावसानं?
कशाला त्या विजा बिजा आणि वर गडगडणं?
घाबरेल कुणीही, असलं वेडं याचं वागणं!
म्हणून बिलगले,
नको हो भलता अर्थ लावूस!

तूही वेडा, मला म्हणतोस, नको आता जाऊस..
वेडा म्हणजे वेडा म्हणजे किती वेडा.... अरे पाऊस!.

पाऊसकविताप्रेमकाव्यमुक्तक

प्रतिक्रिया

अहाहा, अतीव सुंदर शब्दयोजना.

प्रा.डॉ.दिलीप बिरुटे's picture

24 Sep 2022 - 9:07 am | प्रा.डॉ.दिलीप बिरुटे

बाकी, तुमच्याकडे पण यायचा का पाऊस असा भिजत भिजत ?

-दिलीप बिरुटे

प्रचेतस's picture

24 Sep 2022 - 9:56 am | प्रचेतस

हो हो, अगदी असेच

प्राची अश्विनी's picture

26 Sep 2022 - 10:49 am | प्राची अश्विनी

:))))

प्रा.डॉ.दिलीप बिरुटे's picture

24 Sep 2022 - 8:57 am | प्रा.डॉ.दिलीप बिरुटे

तूही वेडा, मला म्हणतोस, नको आता जाऊस..
वेडा म्हणजे वेडा म्हणजे किती वेडा.... अरे पाऊस!.

क्लास...! मजा आगया.

-दिलीप बिरुटे

ज्ञानोबाचे पैजार's picture

24 Sep 2022 - 9:36 am | ज्ञानोबाचे पैजार

झकास... आवडली, लैच आवडली
पैजारबुवा,

प्राची अश्विनी's picture

26 Sep 2022 - 10:49 am | प्राची अश्विनी

अजून विडंबन कसं नाही आलं??

कर्नलतपस्वी's picture

24 Sep 2022 - 10:44 am | कर्नलतपस्वी

"एक तरी ओवी अनुभवावी".

असाच काहीसा अनुभव पावसात भिजण्याचा आणी अचानक कुणी तरी भेटण्याचा.

चिंब चिबं निथळत जाताना
अचानक कुणीतरी दिसावे
दामिनी कडाडताना
ओळखीचे सुर कानी पडावे

अन्यथा
दातावर दात वाजवीत
कुडकुडत घरी यावे
पडश्याने बेजार होताना
मनातले मांडे मनातच खावे

मस्तच कवीता आहे.

प्राची अश्विनी's picture

26 Sep 2022 - 10:48 am | प्राची अश्विनी

खरंय. असा एकतरी पाऊस अनुभवावा.

प्राची अश्विनी's picture

26 Sep 2022 - 10:50 am | प्राची अश्विनी

धन्यवाद सर्वांना. तुमच्या प्रोत्साहनामुळे लिहावसं वाटतं. _/\_

प्रसाद गोडबोले's picture

26 Sep 2022 - 11:20 am | प्रसाद गोडबोले

मस्त !

सुंदर !

मुक्तछंद / मुक्तक वगैरे प्रकार फारसे आवडत नाहीत पण वरील कवितेतील रोमॅन्टीक टच एकदम आवडुन गेला!

लिहित रहा.

चांदणे संदीप's picture

26 Sep 2022 - 11:24 am | चांदणे संदीप

आवडलीच.

सं - दी - प

विंजिनेर's picture

30 Sep 2022 - 2:04 am | विंजिनेर

तुमच्या सगळ्या कविता छान असतात. ही खूप आवडली म्हणून आवर्जून लॉगीन होऊन प्रतिसाद द्यावासा वाटला.

प्राची अश्विनी's picture

1 Oct 2022 - 6:15 am | प्राची अश्विनी

:)_/\_

श्रीगणेशा's picture

30 Sep 2022 - 4:25 pm | श्रीगणेशा

वेडा म्हणजे वेडा म्हणजे किती वेडा.... अरे पाऊस!

मनात पाऊस असला की शब्दातही छान उतरतो!

श्वेता२४'s picture

30 Sep 2022 - 5:15 pm | श्वेता२४

अनुभव देणारी कविता.... अतीशय आवडली.

प्राची अश्विनी's picture

1 Oct 2022 - 6:15 am | प्राची अश्विनी

मा.ऑ, चांदणे संदीप, विंजिनेर, श्रीगणेशा, श्वैता ... खूप खूप धन्यवाद!