सर्व मिपाकरांना विनंती, वारंवार सूचना देऊनही 'चालू घडामोडी' आणि इतरही काही धाग्यांत व्यक्तिगत पातळीवर केली जाणारी टीका दिसून येते. पक्षांचे प्रमुख, पक्ष यांच्यावर केल्या जाणा-या टिकाही संयमित असाव्यात अशी अपेक्षा आहे, नव्या कायद्यांमुळे संकेतस्थळावरील सर्वांचा वावर कायद्यातील नियमाबरोबर, सार्वजनिक संस्थळावरील सभ्यतेचे किमान निकष पाळणारा असावे असे मिपा व्यवस्थापनाचे मत आहे, यापुढे असे आढळून येत राहिल्यास कोणतेही स्पष्टीकरण न देता असे प्रतिसाद, धागे सरसकट अप्रकाशित केल्या जातील किंवा खाते निष्कासित करण्यासारखी कठोर कारवाई केली जाईल याची सर्वांनी नोंद घ्यावी व सहकार्य करावे.

- मिपा व्यवस्थापन


शहाणी मुलगी....

Primary tabs

प्राची अश्विनी's picture
प्राची अश्विनी in जे न देखे रवी...
5 Nov 2020 - 11:34 am

तुझ्या समोर मी नेहमीच शहाण्यासारखं वागायचं ठरवते.
खूप वाटंत असतं तुझ्याकड अनिमिष नेत्रांनी पहावं..
तुझ्या कपाळावर येणारी चुकार बट, तुझे भुरभुरणारे केस,
तुझ्या गालावरची खळी, बोलताना हलणारे लोभस ओठ..
पण मी अगदी शहाण्या मुलीसारखी बसते, डोळे झुकवून.

झुकलेल्या नजरेला दिसतात तू कोपरापाशी अस्ताव्यस्त दुमडलेल्या बाह्या, तुझी ती लांबसडक कलाकाराची बोटं,
शर्टाच्या पहिल्या उघड्या बटणातून खुणावणारी तुझी रुंद छाती.
मी नजर अजूनच आवरून घेते.
मग दिसतो ऐकू न येणा-या तालावर हलकेच हलणारा तुझा पाय,
त्याचा तो देखणा अंगठा, मृगमुखी!
मी तिथेच हरवून जाते...

भानावर येते तेव्हा तू माझ्या उत्तराची वाट पहात असतोस.
"अं?" म्हणून मी वर बघते. वेड्यासारखी.
तू हसतोस , तुझ्या गालावरची खळी, मिश्कील डोळे सांगतात की तू ओळखलंयस आत्ता काय घडलं ते.
पण तू चतूर! मला सांभाळून घेत तू शिताफीनं विषय बदलतोस.
मी मग स्वतः वरच चिडते, शहाण्यासारखं वागायच्या प्रयत्नात हे वेडेपण कुठून आलं म्हणून ..
वेळ कसा भुर्रकन उडून जातो.
तू गेल्यावर मी आठवत बसते उडून गेलेला क्षण अन् क्षण..
काही काही म्हणून आठवत नाही. शप्पथ.
मग मात्र मी ठरवते पुढच्या वेळी ना अगदी अगदी शहाण्यासारखं वागायचं.

आणि मी वेड्यासारखी तुझ्या भेटीची वाट पाहू लागते...

कविताप्रेमकाव्यमुक्तक

प्रतिक्रिया

राघव's picture

5 Nov 2020 - 12:08 pm | राघव

माय.. तू अगदी स्पर्शणारं लिहितेस!
खूप सुंदर, तरल आणि अलवार. :-)

प्राची अश्विनी's picture

5 Nov 2020 - 12:15 pm | प्राची अश्विनी

:)

तुषार काळभोर's picture

5 Nov 2020 - 12:09 pm | तुषार काळभोर

एकदम नितळ, एकदम हळवं!

(हळवेपणा दु:खदच थोडा असतो?)

प्राची अश्विनी's picture

5 Nov 2020 - 12:15 pm | प्राची अश्विनी

खरंय. :)

आई ग :), एकदम कातिल, फार फार जुन्या आठवणी जाग्या झाल्या ;)
अप्रतिम !!!

प्राची अश्विनी's picture

6 Nov 2020 - 11:48 am | प्राची अश्विनी

:) धन्यवाद .

संजय क्षीरसागर's picture

6 Nov 2020 - 7:36 am | संजय क्षीरसागर

संदीपनी म्हटलंय :

दिवानोंकी बातें है, इनको लबतक लाए कौन,
इतना गहेरा जाए कौन, खुदको यूं उलझाए कौन ?

जो भी समझा अपना था, वो लमहोंका सपना था,
हमने दिलको समझाया, अब हमको समझाए कौन ?
________

बस, माहौल बनाए रखिये !

प्राची अश्विनी's picture

6 Nov 2020 - 11:48 am | प्राची अश्विनी

धन्यवाद सर!

चांदणे संदीप's picture

6 Nov 2020 - 12:36 pm | चांदणे संदीप

छान लिहिलंय. आवडलं.

सं - दी - प

गवि's picture

6 Nov 2020 - 12:38 pm | गवि

उत्कृष्ट.

विनिता००२'s picture

6 Nov 2020 - 2:42 pm | विनिता००२

खूप मस्त :)

बबन ताम्बे's picture

8 Nov 2020 - 2:22 pm | बबन ताम्बे

छानच !!

प्राची अश्विनी's picture

10 Nov 2020 - 1:45 pm | प्राची अश्विनी

सर्वांनाच धन्यवाद.

Jayagandha Bhatkhande's picture

25 Nov 2020 - 11:26 am | Jayagandha Bhat...

खूपच छान..