'स्थितप्रज्ञ'

सर्व वाचकांना मनापासून धन्यवाद. काल जशी सुचली तशी टंकून प्रकाशित केल्याने कवितेत काही तृटी राहिल्या असण्याची शक्यता आहे. तरी त्यांकडे दुर्लक्ष करावे ही विनंती.

कवितेची प्रेरणा खफवर कालच्या चर्चेत सहज ओघाने आलेला एक शब्द ठरला. शीर्षक त्यावरूनच घेतले आहे. काही वाचकांनी कवितेच्या आशयाच्या प्रेरणास्थानांची उकल नेमकेपणाने केली आहे त्याबद्दल त्यांचे खास आभार. त्यामुळे कवितेतला आशय, काही 'जागा', वळणे हे सर्व कवितेच्या वाचकांपर्यंत पोहोचते.

प्यारे१ ह्यांनी आशयाची मांडणी अजूनच सुंदररित्या करून दाखवली आहे. हे फार आवडले.

इसिस एकामागोमाग एक असे पुरातन अवशेष उध्वस्त करत सुटली आहे. मानवी संस्कृतीच्या या ऐतिहासिक खाणाखुणा केवळ काही मूठभर मूलतत्त्ववाद्यांच्या आंधळ्या अभिनिवेशामुळे कायमच्या नष्ट होत चालल्या आहेत. केवळ इसिसच नव्हे, तर विवेकवादाला आंधळा विरोध करणार्‍या, बलप्रयोगाने समाजाची विवेकाशी असणारी नाळ तोडू पाहणार्‍या कैक प्रवृत्ती आज जगात सर्वत्रच उदयास येत आहेत. पूर्वी त्या नव्हत्या आणि तेव्हा त्यांनी काही उच्छाद मांडला नाही असे नाही. पण आज त्यांच्या वाढत्या मुजोरीला पायबंद घालण्याची क्षमता असणार्‍या शक्तीही हातावर हात ठेवून स्वस्थ बसलेल्या पाहून अंतःकरण व्यथित होणार नाही तर काय?

सॉक्रेटिसचा एक काल्पनिक पुतळा ह्या कवितेत मांडलाय. 'सूर्य पाहिलेली माणसे' आता समाजात दुर्मिळ होत चालली आहेत. आपण निदान एक पणती तरी जपून ठेवूयात!

पुन्हा एकदा सर्वच वाचक-प्रतिसादकांना धन्यवाद.

- एस