गेल्या चार वर्षातले मिपावरील संग्रहणीय, अक्षर, सर्वोत्कृष्ट लेखन कोणकोणते ?

चित्रगुप्त in काथ्याकूट
2 Sep 2011 - 3:34 pm

गाभा:

तुमच्या मते गेल्या चार वर्षातले मिपावरील संग्रहणीय, अक्षर, सर्वोत्कृष्ट लेखन कोणकोणते ?

बरेच मिपाकर वेळेअभावी अधून मधून काही काळ मिपावर येऊ शकत नाहीत, या मधल्या काळातील चांगले दुवे खाली गेल्याने सहजगत्या मिळत नाहीत.
अनेक धागे तात्कालीन महत्वाचे असले, तरी कालांतरने तसे वाटत नाहीत... त्यामुळे मिपाकरांच्या पसंतीस उतरलेले, कायम महत्वाचे धागे कोणते ? हे कळल्यास/ उपलब्ध झाल्यास फार सोयीचे होईल, असे वाटते.

प्रतिक्रिया

चित्रगुप्तांना
2 Sep 2011 - 3:38 pm | मिसळलेला काव्यप्रेमी

चित्रगुप्तांना असे प्रश्न पडावेत याचे आश्चर्य वाटले ;)

असले प्रश्न आणि याचे धागे
9 May 2020 - 10:27 pm | पाषाणभेद

असले प्रश्न आणि याचे धागे निघावे हेच मोठे वैषम्य आहे. असले धागे वर्ष दोन वर्षांनी नेहमी निघतात. त्यात त्या त्या वेळच्या महानुभावांच्या मगदुरानुसार यादीही बनते.
पण असल्या संग्रहणीय धाग्यांची यादी बनवण्याची रित किंवा पातळी काय? जास्त प्रतीसाद किंवा गाजलेला लेखक.
संग्रहणीय, सर्वोत्कूष्ट याचे निकष कोण ठरवणार?
आणि एखादा धागा, लेखन एखाद्या कमी प्रतिष्ठेच्या लेखकाने लिहीलेले असेल आणि ते माझ्या मते सर्वोत्कृष्ट असेल तर?

दुसरे असे की अशी यादी बनवावीच का लागावी? ते ही काही पिरिअडनुसार? दोन एक वर्षात?
जो येथे नवीन येतो त्याला अशी तयार यादी देण्याचे काय कारण? त्याला गरज असेल, वाचनाची आवड असेल, खोदकाम करावे वाटले तर त्याने ते लेख वाचावे.

अशी यादी करण्यामुळे इतरांवर अन्याय होतो असे वाटत नाही काय?

मला मिपावर येउन अजुन ४महिने
2 Sep 2011 - 4:16 pm | अत्रुप्त आत्मा

मला मिपावर येउन अजुन ४महिने सुधा झालेले नाहीत,त्यामुळे मी कोणतीच प्रतिक्रीया देऊ शकत नाही, पण १ प्रश्न पडतो------------संग्रहणीय आणी सर्वोत्कृष्ट हे समजलं,पण ''अक्षर'' ही काय भानगड आहे? :puzzled: