ये रे ये रे पावसा

सर्व मिपाकरांना, सर्व पाऊस कविंना, पावसाची वाट पाहणा-या सर्व शेतक-यांना, सामान्य जनतेला पहिल्या पावसाच्या तहेदिलसे शुभेच्छा....!

'भाव अत्तराचे आज पार कोसळले'
'थेंब पावसाचे जेव्हा मातीत मिसळले'

'ल' आलं लं.......!

-दिलीप बिरुटे

"ये रे ये रे *सा" असे एक लैच विस्फोटक इडंबन डोक्यात आलेय....लिहिले तर आयडीला पंख लागायचे =))

सर इथे न मागता मुभा घेतोय , असं म्हणा चान्स घेतोय . रांगोळी आलीय का ते सांगा ?

तो वाट पाहता होता

आज येईल, उद्या येईल

नेहेमी शेतात नांगर नांगर खेळायचा

सोबत कुणी नसलं तरी बैल असायचं

राबत कुणी नसलं तरी त्ये खेळायचं

उपसून उपसून माती लालबुंद झाली

आणि नांगरही लालबुंद झाला

ऐकल्या होत्या बातम्या चहूकडून त्याच्या आगमनाच्या

पण त्यो यायच्या आधीच , धनी मात्र झाडाला लटकला

सरकार आलं , छत्र्या घेऊन , सांत्वनासाठी

पाऊस रिपरिप पडत होता

त्यो अस्साच झाडाला लटकलेला

पंचनामा त्याचा चालू होता

पाऊस असेल कुणासाठी काही और

पण एकमात्र नक्की जरा उशिरा पडला

तर बळीराजासाठी बनतो काळजाचा घोर

सिद्धेश्वर विलास पाटणकर

र आला " र "

गुंतडा सोडून पावसात भिजायला लोणावळ्याला गेलो नाही
येता जाता भिजलो तर त्याची खंत नाही
मी चर्चा केली नाही,पण उपेक्षा पण केली नाही
पाऊस इमानेइतबारे येत राहीला कधी वेळ गाठून कधी वेळ काढून
मी भिजत राहीलो ऐन उन्हाळ्यात, तुझ्या आठवणींच्या चिंब वर्षावात, पाऊस नसतानाही

हा आलाय अभ्या

येरे येरे पावसा
तुला देतो पेट्रोल

येरे येरे पावसा
तुला देतो पेट्रोल

नवविवाहित पत्नीने स्नान झाल्यावर ओले रेशमी कुंतल झटकत "अहो"च्या चेहे-यावर ४ नाजूक थेम्ब उडवावेत
तेव्हढाच पाऊस पुण्यात पडला