तू मेघ सावळासा घनदाट गर्द ओला
तू चांदवा निशेच्या केसात माळलेला
तू सूर बासरीचा दूरात गुंजणारा
पहिल्याच पावसाच्या तू स्वैर धुंद धारा
तू साद अंतरीची देहा सुखावणारी
तू शीत शांत छाया ह्या पेटत्या दुपारी
तू गंध रंगलेला दारातल्या कळीचा
तू नाद गुंजणाऱ्या ह्या सोनसाखळीचा
रे मी समूर्त आज सजले तुझ्याचसठी
हळुवार लाघवी हे हासू तुझेच ओठी
हा गंध चंदनाचा पुरता तुझ्या हवाली
विरहार्त आसवेही सगळी तुझीच झाली
मी एकली धरेशी तू स्तब्ध ध्रूव दूर
तुजवीण मी तुझ्यात विणते सशब्द सूर
जग हे जरी न माने असणे तुझे सख्या रे
देहात ह्या वसे जो, तो प्राणही तुझा रे
© अदिती जोशी
प्रतिक्रिया
28 Feb 2016 - 11:00 pm | एकप्रवासी
छान आहे...
29 Feb 2016 - 6:59 am | एक एकटा एकटाच
वाह
29 Feb 2016 - 8:18 am | अत्रुप्त आत्मा
मस्त! पुन:पुन्हा वाचणार.
29 Feb 2016 - 10:12 am | माहितगार
खासच !
29 Feb 2016 - 12:51 pm | आनंदमयी
धन्यवाद... :)
29 Feb 2016 - 1:48 pm | प्राची अश्विनी
नेहमीप्रमाणेच सुंदर!
29 Feb 2016 - 10:56 pm | निशदे
मस्त.....खूपच आवडली.
1 Mar 2016 - 12:28 am | आनंदमयी
:) :) धन्यवाद...
5 Apr 2016 - 12:05 am | अमृता_जोशी
भारीच्च! खूप आवडली!
अवांतर: मिपावर कवितांना हवी तितकी वाहवा का मिळत नाही?
7 Apr 2016 - 3:30 pm | माहितगार
आपण विषय काढला आहेत तर आम्ही आमची धागा जाहीरात करुन घेतो. :) "मराठीमधील आणि मिपावरील सर्वोत्कृष्ट कविता कोणत्या"
7 Apr 2016 - 3:16 pm | उल्का
लयबद्ध आहे. मस्तच.
7 Apr 2016 - 3:50 pm | अपरिचित मी
अप्रतिम!!!!
7 Apr 2016 - 4:09 pm | चाणक्य
नेहमीप्रमाणेच नादमय.