आयुष्याचा अर्थ नेमका
काय असावा? केवळ दडपण?
की नियतीच्या उंबरठ्यावर
छिन्न जिवाचे आत्मसमर्पण?
मी वाकावे, मीच झुकावे,
मलाच मी घालावे कुंपण
अन् माझे सर्वस्व लुटावे,
जपण्यासाठी तुझे थोरपण
किती जपू मी? किति सांभाळू?
तुझ्या मनाचे दुभंगलेपण
मनात काही, जनात काही,
कृत्रिम अन् फसवे मोठेपण
तपे लोटली तरी न कळले
माझ्या अगतिकतेचे कारण
तुझा आंधळा अहंकार की
माझे अतिरेकी हळवेपण?
प्रतिक्रिया
20 Jun 2009 - 6:13 pm | अवलिया
वा! मस्त !!
--अवलिया
तुझे भास फ़ेनफ़ुले, ओंजळ ही माझी रिक्त
खारवले स्वप्न माझे , नि आसवेही अव्यक्त
सौजन्य - प्राजु
20 Jun 2009 - 6:14 pm | दत्ता काळे
नेहमीप्रमाणेच छान कविता.
तपे लोटली तरी न कळले
माझ्या अगतिकतेचे कारण
तुझा आंधळा अहंकार की
माझे अतिरेकी हळवेपण?
. . . फार सुंदर
20 Jun 2009 - 8:34 pm | अनिल हटेला
तपे लोटली तरी न कळले
माझ्या अगतिकतेचे कारण
तुझा आंधळा अहंकार की
माझे अतिरेकी हळवेपण? :-)
जीयो........
(अहंकारी & आंधळा)
बैलोबा चायनीजकर !!!
I drink only days ,which starts from 'T'...
Tuesday
Thursday
Today ;-)
20 Jun 2009 - 6:43 pm | ऋषिकेश
चांगली आहे.. तुमच्या कवितांचा ठेका मस्त असतोच. आशयही आवडला
ऋषिकेश
------------------
बुद्धीसाठी लोह वाढवणारी औषध घ्यायला लागल्यापासून "डोकं गंजलं तर!" ही भिती वाढली आहे
27 Jun 2009 - 11:27 am | धनंजय
या आशयासाठी हा ठेका निवडणे माझ्यासाठी अनपेक्षित आणि कल्पक आहे. पण दुसर्‍या वाचनात ही जोडणी मला पटते.
20 Jun 2009 - 8:53 pm | मदनबाण
तपे लोटली तरी न कळले
माझ्या अगतिकतेचे कारण
तुझा आंधळा अहंकार की
माझे अतिरेकी हळवेपण?
व्वा.मस्तच... :)
मदनबाण.....
Success is never permanent, and failure is never final.
Mike Ditka
20 Jun 2009 - 9:07 pm | रेवती
कविता वाचून अंगावर सर्रकन् काटा आला!
रेवती
21 Jun 2009 - 6:19 am | सुबक ठेंगणी
"अतिरेकी हळवेपण"..सहीच...!!!
21 Jun 2009 - 7:37 am | बहुगुणी
अतिशय आशयघन, आणि वेडया करणार्‍या लयीतली सुंदर कविता!
(वैवाहिक आयुष्यातल्या न जुळणार्‍या तारांविषयीची कविता आहे असा माझा समज आहे, तसं असेल तर) दुर्दैवाने अशी जोडपी, तीन-चार पिढ्यांपासून आतापर्यंतही (शिक्षणाचा काहीही परिणाम न होता) कायमच अधूनमधून दिसतात याची खंत वाटते.
21 Jun 2009 - 2:00 pm | मनीषा
तुझा आंधळा अहंकार की
माझे अतिरेकी हळवेपण? ... हेच तर आहे .
कविता आवडली !
27 Jun 2009 - 8:47 am | चन्द्रशेखर गोखले
विचार करायला लावणारे प्रकटन !
27 Jun 2009 - 8:58 am | विसोबा खेचर
विलक्षण प्रभावी कविता....!
तात्या.
28 Jun 2009 - 5:37 am | श्रीकृष्ण सामंत
कविता छान आहे.
मी तर म्हणेन,
तुझा अतिरेकी अहंकार की
माझे आंधळे हळवेपण?
www.shrikrishnasamant.wordpress.com
श्रीकृष्ण सामंत
"कृष्ण उवाच"
shrikrishnas@gmail.com
28 Jun 2009 - 10:06 am | सहज
आवडली.
11 Jul 2009 - 8:25 am | सुवर्णमयी
क्रान्ति, ही कविता फार सुरेख आहे यात शंकाच नाही.
तुझ्या सर्व कवितांना एक उत्तम लय, ठेका असतो. हिला सुद्धा आहेच.
कवितेचा शेवट सर्व काही सांगून जातो.
वा॓!
सोनाली