यंदाचा पाऊस .

पाऊस यंदा खरच माझ्या, मनासारखा पडतोय .
इकडे तिकडे पळता पळता मध्येच . . , आंगणात थबकतोय !

बराच चिखल मग बरेच उन्ह
मग मधेच रिपरिप , टाकते नाहवून
निसरडा कधी , गच्च ओला
क्षणात रस्ता भिजवतोय !

पाऊस यंदा खरच माझ्या ,मनासारखा पडतोय . ॥ १ ॥

गच्चीत कधी तोच एकटा , मी मोठा तो धाकटा ,
तरिही अंगावर आणवून काटा
मोठ्या भावासारखा घाबरतोय !

पाऊस यंदा खरच माझ्या , मनासारखा पडतोय . ॥ २ ॥

पाऊस कधी छपरावर नाहीतर गटारातल्या डुकरावर
त्याची मर्जी फिरेल तसा हवं त्याच्या नशिबावर
स्वतःची शक्ती पाऊस दाखवून
"मीच परमेश्वर" , म्हणतोय

पाऊस यंदा खरच माझ्या, मनासारखा पडतोय . ॥३॥

कधी दणाणून भरवतो पागोळी ,
गरिबांना घडवतो एकदाच्या अंघोळी
कुठली घाण - कुठे काढून ?,
खरच विसर्जन करतोय . .

पाऊस यंदा खरच माझ्या ,मनासारखा पडतोय . ॥ ४ ॥

पाऊस कधी खिडकी मधून , घरामध्ये येतो . .
इच्छा नसलेले दोन थेंब हतावरती देतो ?
मग भिजवून मनामध्ये मला
साला हसायला लावतोय . .

पाऊस यंदा खरच माझ्या ,मनासारखा पडतोय . ॥ ५ ॥

पाऊस मला ओळखायला लावतो तोंडाभोवती आरसा धरतो . . मान फिरवून वाकडी तिकडी, दर्शन माझं मलाच घडवतो .
हा पाऊस साला शेवटी मला, स्वतःलाच ओळखायला लावतोय !

पाऊस यंदा खरच माझ्या , मनासारखा पडतोय . . ॥ ६ ॥

पाऊस आहे आणि पावसाळी काव्य नाही . असे खरंच चालायचे नाही .
तुम्ही म्हणाल "काही होत नाही" , पण मन माझे माझ्याशी बोलायचे नाही.
पाऊस हळूच त्याचे अंतरंग ,माझ्या मुखी बोलवतोय !

पाऊस यंदा खरच माझ्या, मनासारखा पडतोय ॥ ७ ॥

अरे नको पडू , बास्स कर !
जरा तुझा थोडा ऑफ तास कर !
असे म्हणूनही न ऐकता
साला धुव्वाधार कोसळतोय . .

पाऊस यंदा खरच माझ्या, मनासारखा पडतोय ॥ ८ ॥
=================
अतृप्त . . .