सकाळ कोवळी रात्रीनंतर हासत येई
हिरव्या गवताचा गर्द गंध घेवून येई
धुक्यातून दव फुलले उतरे अलगद पानांवर
शिखरावर झाडांच्या उन्ह सोनेरी हळूच येई
झुळू़क हवेची थंडगार वाहते चुकार अल्लड
सरत्या पावसाची सर ठिबठिबणारी सोबत येई
रान फुलले रानफुलांचे रंग लेवून ताजे सुंदर
वार्यावरती हालती डूलती नजरेला सुखवीत जाई
फुलपाखरांसवे पक्षी उडती वरती आरव करती
खोल दरीतून दूर कुणीतरी आल्हादक गीत गाई
- पाषाणभेद
१७/१०/२०२१
प्रतिक्रिया
17 Oct 2021 - 11:39 am | प्रा.डॉ.दिलीप बिरुटे
लिहिते राहा. पुलेशु.
-दिलीप बिरुटे
17 Oct 2021 - 12:51 pm | चौथा कोनाडा
व्वा, छानच ! वर्णनात्मक निसर्ग कविता आवडली !
हे मस्तच ! + १
18 Oct 2021 - 7:06 am | प्रचेतस
मस्त
18 Oct 2021 - 8:25 am | ज्ञानोबाचे पैजार
आवडली कविता,
पैजारबुवा,
18 Oct 2021 - 9:03 am | प्रज्ञादीप
शब्दसंपदा आकर्षक
19 Oct 2021 - 8:03 am | प्राची अश्विनी
सुरेख.