ठिपके

अनन्त्_यात्री's picture
अनन्त्_यात्री in जे न देखे रवी...
2 Mar 2021 - 9:19 am

शहरदिव्यांचे पिवळट ठिपके
काळ्याकरड्या रस्त्यांवरच्या
धुरात भेसुर
चमचमण्याच्या
थोडे आधी
तिथून निघूया,

पाखरठिपक्यांच्या नक्षीला
भगव्यापिवळ्या मावळतीशी
किलबिलणारा
कंठ फुटेतो
जरा थांबूया
मग बोलूया,

चांदणठिपक्यांची रांगोळी
गारूड पाडून विस्कटण्याच्या
थोडी आधी
चंद्रधगीने
जरा वितळू दे
मग थांबूया.

कविता माझीकवितामुक्तक

प्रतिक्रिया

ज्ञानोबाचे पैजार's picture

2 Mar 2021 - 9:48 am | ज्ञानोबाचे पैजार

राजगडावरच्या मुक्कामी असा अनुभव बर्‍याच वेळा घेतला आहे.
पण तो शब्दात व्यक्त करण्याची हातोटी केवळ तुमच्या कडेच आहे.
पैजारबुवा,

Bhakti's picture

2 Mar 2021 - 11:18 am | Bhakti

मस्त!

प्राची अश्विनी's picture

2 Mar 2021 - 11:41 am | प्राची अश्विनी

क्या बात!

खेडूत's picture

2 Mar 2021 - 11:45 am | खेडूत

वाह..

बाकिबाबू आठवले!

कंजूस's picture

2 Mar 2021 - 12:40 pm | कंजूस

कुठे निघाले?

अनन्त्_यात्री's picture

2 Mar 2021 - 2:27 pm | अनन्त्_यात्री

अनंतयात्रेला निघालोय. येताय?

चांदणठिपक्यांची रांगोळी
गारूड पाडून विस्कटण्याच्या
थोडी आधी
चंद्रधगीने
जरा वितळू दे
मग थांबूया.

वाह..

अनन्त्_यात्री's picture

6 Mar 2021 - 12:35 pm | अनन्त्_यात्री

सर्व कवितारसिकांना धन्यवाद.

गवि's picture

6 Mar 2021 - 12:40 pm | गवि

उत्कृष्ट. वर उल्लेख आल्याप्रमाणे बोरकर आठवले.