द्वादशैतानि नामानि

अनन्त्_यात्री's picture
अनन्त्_यात्री in जे न देखे रवी...
5 Sep 2018 - 4:12 pm

अगा वक्रतुण्डा, ध्यान जरा द्यावे
जनांसी करावे, थोडे सुज्ञ II १ II

अगा एकदंता, ध्वनी प्रदूषण
वाढविती जन, ऐकवेना II २ II

कृष्ण-पिंग-अक्षा, ऊर्जेची नासाडी
करिती आवडी, अज्ञ जन II ३ II

अगा गजवक्त्रा, बाजारू संगीत
पिडे दिनरात, धाव आता II ४ II

अगा लंबोदरा, वर्गणीची सक्ती
जुलूमाची भक्ती, थांबवावी II ५ II

अगा हे विकटा, साथ नवसाची
करी जनतेची, बुद्धी भ्रष्ट II ६ II

विघ्नराजेंद्रा रे -जल, भूमी, वात
सर्व प्रदूषित, कैसे झाले II ७ II

अगा धूम्रवर्णा, पर्यावरणाची
जाणीव जनांची, वाढवावी II ८ II

अगा भालचंद्रा, क्षुद्र भेदाभेद
निरर्थ वितंड, नष्ट करी II ९ II

अगा विनायका ,बुद्धीचा तू देव
भक्तांना वैभव , बुद्धीचे दे II १०II

अगा गणपती , थोर तुझी कीर्ती
सौहार्दाची व्याप्ती, वाढवावीII ११ II

अगा गजानना , मागतो मी दान
दुजा लोकमान्य, धाड आता II १२ II

मराठीचे श्लोकश्रीगणेशकविता

प्रतिक्रिया

यात्री साहेब छान जमून आलीय बरं का ...

मनमेघ's picture

7 Sep 2018 - 4:27 pm | मनमेघ

सुंदर काव्य!

यशोधरा's picture

7 Sep 2018 - 4:28 pm | यशोधरा

छान जमली आहे!

स्वधर्म's picture

7 Sep 2018 - 5:08 pm | स्वधर्म

आावडली कविता.

रुपी's picture

7 Sep 2018 - 11:52 pm | रुपी

छान! कविता आवडली.

अनन्त्_यात्री's picture

8 Sep 2018 - 12:44 pm | अनन्त्_यात्री

सर्वाना धन्यवाद!

नाखु's picture

7 Oct 2018 - 10:44 am | नाखु

फलक करून विसर्जनाच्या मिरवणुकीत लावावी अशी.

मुकाट सभासद नाखु पांढरपेशा

अनन्त्_यात्री's picture

7 Oct 2018 - 10:48 am | अनन्त्_यात्री

धन्यवाद!