कोण म्हणाले हे तुजला ; ऐसे मी करणार नाही
खोट्या शपथाना या पुढे अजिबात बधणार नाही
दिल्या घेतल्याशिवाय होतात व्यवहार हे मी सांगणार नाही
दिल्या घेतल्या शिवाय व्यवहार अजिबात मी करणार नाही
प्रतीज्ञेत " भावंड्"म्हणेन; आप-पर मानणार नाही
स्वार्थ माझा येता समोरी ; आप-पर जाणणार नाही
"केल्याने होत आहे रे आधी केलेची पाहिजे" हे मिथ्य मांडणार नाही
"दिल्या घेतल्याने होत आहे आधी दिलेघेतलेची पाहिजे: हे सत्य सोडणार नाही
जमवेन जरी नाठाळांची गर्दी ;नाठाळ मी ठरणार नाही
तालावरी नाचेन त्यांच्या मग विरोधच उरणार नाही
लाचार जरी कोणी म्हणेल ; लाज मला वाटणार नाही
लाचारीमुळेच मिळे मलीदा ;सत्य त्यांस सांगणार नाही
बोलेन त्या शब्दास जागेन ; ऐसे मी करणार नाही
शब्द असती फुगे हवेचे सांगण्यास कचरणार नाही
करीता कोणी विरोध मजला ; मी त्यास डरणार नाही
हातपाय तोडेन ऐसे; चालता तो उरणार नाही
तुला तोडले ते फौज माझी ;हे जाहीर सांगणार नाही
तुझ्या सांत्वना मेळावे भरविण्या मागे मी रहाणार नाही
नेतेपद हे तत्व माझे ; बाणा हा सोडणार नाही
लक्ष वेळा वाकेन परी ;कणा हा मोडणार नाही
लक्ष तडजोडी करेन ; सत्तेस मी मुकणार नाही
अढळपद मिळो देवा ; प्रार्थना कधी चुकणार नाही
..................विजुभाऊ सातारवी
प्रतिक्रिया
19 May 2009 - 1:29 pm | प्रा.डॉ.दिलीप बिरुटे
बोलेन त्या शब्दास जागेन ; ऐसे मी करणार नाही
शब्द असती फुगे हवेचे सांगण्यास कचरणार नाही
विजूभौ, अजून येऊ द्या !
-दिलीप बिरुटे
(शब्दांचे फुगे हवेत सोडणारा)
20 May 2009 - 1:46 pm | अवलिया
विजूभौ, अजून येऊ द्या !
--अवलिया
19 May 2009 - 9:34 pm | क्रान्ति
दिल्या घेतल्याशिवाय होतात व्यवहार हे मी सांगणार नाही
दिल्या घेतल्या शिवाय व्यवहार अजिबात मी करणार नाही
खासच
हम नहीं सुधरेंगे!
क्रान्ति
***मन मृदु नवनीत | मन अभेद्य कातळ
मन भरली घागर | मन रिकामी ओंजळ***
20 May 2009 - 7:41 am | सहज
सही आहे.
25 May 2009 - 12:04 pm | विजुभाऊ
सर्वाना धन्यवाद
भर दुपारी उन्हात फिरताना तुम्हाला वळीवाच्या भिजलेल्या क्षणांची आठवण येत नसेल तर समजा की आयुष्यात तुम्ही रणरणत्या उन्हाची काहीली अनुभवलेलीच नाही