न्याय दे, देवा न्याय दे,
स्वर्गाचं उघडून तू दार ये !
गरीब मरतो उपाशी पोटी,
धनिक राबतो प्रतिष्ठेसाठी !
तुझी प्रतिष्टा कायम राहू दे,
गरीबाच्या पोटाचाही मान राहू दे !
न्याय दे ,देवा न्याय दे,
कणा कणात जन्मून तू धाव घे !
अत्याचार मुरलाय जागोजागी,
प्रामाणिक मुखवटा चेहर्यावरती !
तू आहेस प्रामाणिक दाखवून दे,
सज्जनपणाला आता वाव दे !
न्याय दे, देवा न्याय दे,
देव्हार्याचे माप ओलांडून ये !
लुटारुंच्या घरात सोन्याचा देव,
लुटलेला मांडतो नवसाचा खेळ !
नवसाच्या खेळाला न्याय दे,
न्यायदेवतेच्या डोळ्यांना दृष्टी दे !
न्याय दे, देवा न्याय दे,
नव्या शक्तीत जन्म घेऊन ये !
तुझा पण इथे बाजार मांडलाय,
दर्शनाच्या रांगेचा भाव चढलाय !
दर्शानाचे तुझ्या मांगल्य राहू दे,
प्रत्येक ह्रुदयात तुझे दर्शन होऊ दे !
प्रतिक्रिया
22 Apr 2009 - 1:04 pm | मदनबाण
दर्शानाचे तुझ्या मांगल्य राहू दे,
प्रत्येक ह्रुदयात तुझे दर्शन होऊ दे !
सुंदर कविता...
मदनबाण.....
I Was Born Intelligent,But Education Ruined Me.
Mark Twain.
22 Apr 2009 - 1:36 pm | विनायक प्रभू
कविता
22 Apr 2009 - 4:55 pm | सूहास (not verified)
दर्शानाचे तुझ्या मांगल्य राहू दे,
प्रत्येक ह्रुदयात तुझे दर्शन होऊ दे !
ह्या ओळी विशेष आवडल्या...
सुहास
आज "मै॑ या तो वो"
22 Apr 2009 - 6:44 pm | क्रान्ति
सहमत. छान कविता.
=D>
क्रान्ति {मी शतजन्मी मीरा!}
www.mauntujhe.blogspot.com
22 Apr 2009 - 6:44 pm | क्रान्ति
सहमत. छान कविता.
=D>
क्रान्ति {मी शतजन्मी मीरा!}
www.mauntujhe.blogspot.com