माझ्यातली दोन मनं
अगदी सख्खे शेजारी
एक वेडं , तर एक शहाणं !
वेड्याच्या हाती तलवार
तर शहाण्याच्या ढाल !
वेडं वाट चुकत असतं
नको तिथं धावत सुटतं
शहाणं वाट शोधून काढतं
योग्य जागी नेऊन सोडतं !
वेडं सतत घाईतच असतं
संयमाशी पटतच नसतं
शहणं मात्र शांत असतं
धिराच फळ त्याला हवं असतं !
वेडं मन हट्टाला पेटतं
धगधगत्या श्वासांनी काळीज पेटवतं
शहाणं त्याला जवळ घेतं
समजूतीच्या ओलाव्याने त्याला शांत करतं !
प्रतिक्रिया
17 Apr 2009 - 4:55 pm | आनंदयात्री
छान !!
जागु तुमची सिंपलशी कविता छान आहे .. भावली.
17 Apr 2009 - 6:33 pm | सूहास (not verified)
सुहास
मतदान करा रे ,परत पाच वरिष चान्स नाय भेटायचा..
17 Apr 2009 - 6:36 pm | मराठमोळा
नवरा-बायको दोन जणं
एकाच घरात सख्खे शेजारी
एक वेडं , दुसरं महावेडं !
वेड्याच्या हाती लाटणं
तर महावेड्याचं हसणं !
वेडं पैसे उडवत असतं
महावेडं कमवुन आणत असतं
वेडं ताट वाढुन ठेवतं तेव्हा
महावेडं हॉटेलात असतं !
वेडं सतत संशय घेत असतं
महावेड्याशी पटतच नसतं
महावेडं मात्र भोळं असतं
वेड्याचं प्रेम त्याला हवं असतं !
वेडं मग हट्टाला पेटतं
सोडचिठ्ठीने काळीज पेटवतं
महावेडं त्याला जवळ घेतं
प्रेमाच्या मायेने परत घरा खेचुन आणतं !
आपला मराठमोळा.
कोणत्याही गोष्टीचा ताप येईपर्यंत ठीक असते, पण तिचा कर्करोग होऊ देऊ नये!!
17 Apr 2009 - 6:38 pm | सूहास (not verified)
सुहास
मतदान करा रे ,परत पाच वरिष चान्स नाय भेटायचा..
17 Apr 2009 - 6:42 pm | बाकरवडी
आवडली कविता
:B :B :B बाकरवडी :B :B :B
17 Apr 2009 - 6:46 pm | क्रान्ति
खास, अगदी खास कल्पना! कविता खूप खूप आवडली.
:)
क्रान्ति {मी शतजन्मी मीरा!}
www.mauntujhe.blogspot.com
17 Apr 2009 - 7:41 pm | प्राजु
दोन्ही कविता मस्त आहेत. अभिनंदन जागु आणि मराठमोळे साहेब.
- (सर्वव्यापी)प्राजु
http://praaju.blogspot.com/
18 Apr 2009 - 10:43 am | जागु
आनंदयात्री, सुहास, मराठमोळा,बाकरवडी, क्रांती, प्राजू तुम्ही दिलेल्या प्रतिसादाबद्दल धन्यवाद.
मराठमोळा तुमची कविता आवडली.
18 Apr 2009 - 10:47 am | प्रमोद देव
जागु कविता आवडली.
ममो तुमचीही कविता छान आहे.
आम्ही कोणत्याही कंपूत नाही. कारण आमचा स्वतःचाच एक कंपू आहे. ;)
18 Apr 2009 - 6:11 pm | उमेश कोठीकर
जागू,कविता खूप छान आहे.
18 Apr 2009 - 6:24 pm | शितल
जागु, आणि मराठमोळा दोघांच्या ही कविता सुंदर आहे.
:)
19 Apr 2009 - 8:19 pm | सुधीर कांदळकर
तेवढाच झकास कवितेतलाच प्रतिसाद.
वाहवा.......
सुधीर कांदळकर.