आठवते मज शाळा
शाळेतील फळा
पृथ्वीचा तो गोळा
अन बेकंबे चा पाढा !
भिंतीवरचे सुविचार
घडवित होते आचार
मास्तरांची छडी
घाली शिस्तीची घडी
पुस्तकातील धडा
भरे ज्ञानाचा घडा
कवितेचे पठण
लावे आयुष्याला वळण
शाळेची मधली सुट्टी
डब्यासंगे जमे गट्टी
सर्वत्र आरडा ओरडा
शिक्षेसाठी उठा बशा
पिटीचा एक तास
मैदानाची पाहे वाट
कसरत अन कवायती
श्रमाचीही कळे मती
जन गण मन ची सुरूवात
वंदे मातरमने शेवट
संस्कारांची ही देवाण
जीवनातील ही ठेवण.
प्रतिक्रिया
25 Mar 2009 - 1:54 pm | सँडी
शाळेची आठ्वण!
नेहमीप्रमाणे सुंदर कविता.
25 Mar 2009 - 3:40 pm | आनंदयात्री
छान कविता आहे जागु.
आठवते मज शाळा
शाळेतील फळा
पृथ्वीचा तो गोळा
अन बेकंबे चा पाढा !
हे पहिले कडवे फारच मस्त !!
25 Mar 2009 - 5:57 pm | क्रान्ति
पहिले कडवे खरच मस्त!
क्रान्ति {मी शतजन्मी मीरा!}
25 Mar 2009 - 7:24 pm | अनामिक
आठवते मज शाळा
शाळेतील फळा
पृथ्वीचा तो गोळा
अन बेकंबे चा पाढा !
हे पहिले कडवे मस्तंच!!
"बेकंबे चा पाढा" वाचताना कानात पाढे म्हणतानाचे सुर ऐकु आले...
सहज, सोप्या शब्दातली सुंदर कविता
-अनामिक
26 Mar 2009 - 7:19 pm | सुधीर कांदळकर
निरागस विश्वातल्या आठवणी जाग्या झाल्या. साध्या सोप्या शब्दांत थेट अंतरंगात नेणारी मस्त कविता.
सुधीर कांदळकर.