कॉमेंट्सचे वार्षिक कॅलेंडर सादर करत आहे.
१५ एप्रिल ते १५ मे - काय हा भयानक उन्हाळा आहे, असा उन्हाळा आधी कधीच नव्हता! सगळेच ऋतू बदलत चालले आहेत!
३० जून च्या आसपास - पहिला पाऊस झाला आणि नंतर गुल झाला पाऊस! सगळेच ऋतू बदलत चालले आहेत!
३० जुलै - फार जास्त पाऊस झाला हो, थांबायचे नाव नाही.
३० जुलै - खांदेश-मराठवाडा-विदर्भ - पाऊस न्हयी शे औंदा! येक्दाच पल्डा मंग पाऊस गेला. आता टँकरच बोलवा लागते. सगळेच ऋतू बदलत चालले आहेत!
३० सप्टेंबर - पाऊस जास्तीच झाला थांबायचे नाव नाही! सगळेच ऋतू बदलत चालले आहेत!
ऑक्टोबर - काय भयानक ऊन आहे हे. उन्हाळा बरा असे म्हणायचे वेळ आली. सगळेच ऋतू बदलत चालले आहेत!
डिसेंबर सुरुवात - काय भयानक थंडी आहे! अशी थंडी आधी कधीच नव्हती! सगळेच ऋतू बदलत चालले आहेत!
डिसेंबर शेवट - पाऊस? अरे हे काय पावसाचे दिवस आहेत? आता नवीन ऋतु हिवसाळा वगैरे. सगळेच ऋतू बदलत चालले आहेत!
जानेवारी - काय दाट धुके होते हो? असे धुके कधीच नाही पाहिले. सगळेच ऋतू बदलत चालले आहेत!
मार्च - काय ऊन पडले आहे भयंकर! असे ऊन इतक्या लवकर कधीच नाही पाहिले. सगळेच ऋतू बदलत चालले आहेत!
१५ एप्रिल ते १५ मे - काय हा भयानक उन्हाळा आहे, असा उन्हाळा आधी कधीच नव्हता! सगळेच ऋतू बदलत चालले आहेत!
घाला भर!
प्रतिक्रिया
9 May 2022 - 11:02 am | कुमार१
वर्षभरात कधीही आणि कायमच :
9 May 2022 - 11:04 am | कुमार१
वर्षभरात कधीही आणि कायमच :
या वाक्याचे पुरावे इसवी सन 1000 पासून मिळाल्याच्या नोंदी आहेत असे मागे एका लेखात वाचले होते.
9 May 2022 - 11:08 am | निनाद
नोव्हेंबर - थंडीच नाही हो यंदा! आमच्या वेळी दिवाळीत अशी थंडी पडायची की विचारू नका. सगळेच ऋतू बदलत चालले आहेत!
9 May 2022 - 12:00 pm | अर्जुन
वर्षभरात कधीही आणि कायमच :
मिसळ्पाववर आता आधीसारखे दर्जेदार वाचायलाच नसते, केवळ वादविवाद!! आधी असे नव्हते
9 May 2022 - 5:10 pm | कर्नलतपस्वी
एक चारोळी,
पुण्यात पिकणार भात
अन कोकणात पिकणार गहू
कधी येईल, किती येईल
पावसाचा नेम नाय रे भौ
9 May 2022 - 6:18 pm | अमरेंद्र बाहुबली
भारी, लहाणपनापासून हेच ऐकतोय. आणखी एक बारमाही कमेंट, “दुष्काळ आहे, धंदे नाहीत.”
9 May 2022 - 8:12 pm | कंजूस
डिसैंबरात पाऊस झाला. मावा पडला मोहरावर. जळाला.
या वेळचे सीएचे पेपर्स कठीण होते.
पूर्वीचे मिपा राहिले नाही.
12 May 2022 - 11:09 am | मित्रहो
मस्त आहे आवडले
८ जून कवाच गेली, मिरग संपतबी आला पण पावसाचा पत्ता नाय, सारे नक्षत्र बदलले.
आबे दिवाळीच्या तोंडावर पाऊस येऊन रायला ना, . हा काय बरसादीचा टाइम हाय. काहीबी होते आजकाल
आधी उन्हाऱ्यात लग्न होत नव्हती का. हे उन व्हय का व्हय, आजकाल काही खर नाही भाऊ
13 May 2022 - 5:54 pm | चौथा कोनाडा
लोक काहीही धागे पाडतात.
😆
पूर्वीचे मिपा राहिले नाही.
आमच्या वेळेला असं नव्हतं.......
+१
मस्त खुसखुशीत लेखन आवडलं !
13 May 2022 - 6:10 pm | जेपी
समंद हायब्रीड हाय आताची पिढी.