सर्व मिपाकरांना विनंती, वारंवार सूचना देऊनही 'चालू घडामोडी' आणि इतरही काही धाग्यांत व्यक्तिगत पातळीवर केली जाणारी टीका दिसून येते. पक्षांचे प्रमुख, पक्ष यांच्यावर केल्या जाणा-या टिकाही संयमित असाव्यात अशी अपेक्षा आहे, नव्या कायद्यांमुळे संकेतस्थळावरील सर्वांचा वावर कायद्यातील नियमाबरोबर, सार्वजनिक संस्थळावरील सभ्यतेचे किमान निकष पाळणारा असावे असे मिपा व्यवस्थापनाचे मत आहे, यापुढे असे आढळून येत राहिल्यास कोणतेही स्पष्टीकरण न देता असे प्रतिसाद, धागे सरसकट अप्रकाशित केल्या जातील किंवा खाते निष्कासित करण्यासारखी कठोर कारवाई केली जाईल याची सर्वांनी नोंद घ्यावी व सहकार्य करावे.

- मिपा व्यवस्थापन


इंद्रधनू....

Primary tabs

Jayagandha Bhatkhande's picture
Jayagandha Bhat... in जे न देखे रवी...
7 Jun 2021 - 2:15 pm

इंद्रधनू...

निरोप घेताना म्हणालो मी,
माझी आठवण ठेव..
नशिबापुढे हतबल आपण,
जोड्या ठरवतो देव....

क्षणात सारं बदललं तरी,
विसरू कशी तुला..?
तिचे साश्रुपूर्ण नयन,
विचारत होते मला....

निशब्द शांततेत घुमला,
उदास तिचा उसासा..
पण हात हाती घेऊन दिला,
तिनंच मला दिलासा....

केली जरी प्रीती,
पण सोडली नाही नीती..
अपराधासम खंत कशाला,
सोड मनातील भीती....

शब्द असे पडता कानी,
धरिले तिचे पाय..
परमहंस नाही गं मी,
पण तू आहेस शारदा माय....

शेवटच्या त्या भेटीमध्ये,
मनं झाली साफ..
विशाल हृदयाच्या तिनं,
केलं मला माफ....

आयुष्यात आता पुढे जाईन,
बाळगणार नाही तमा..
खूप समाधान देऊन गेली,
तिची अनमोल क्षमा....

भांबावलो, काहीसा उध्वस्त मी,
ती झाली जाणती..
अंधारलेल्या माझ्या भावविश्वातली,
जणू स्थिर पणती...

आता कधी एकाकी असता,
ती करते आठवणींची ढाल..
संधिकाली कातरवेळी ओढते,
कधी हळुवार क्षणांची शाल....

कितीही गर्दी असली तरी,
बाजारात कधी ती दिसतेच..
डोळ्यांच्या कडा पाणावल्या तरी,
ओळखीचं गोड हसतेच...

प्रेमसरिता अविरत मात्र,
त्यांच्या उरी वहाते..
दोन तीरांवर विरही जीवांना,
ते आभासी इंद्रधनू सांधते....!!

जयगंधा..
६-६-२०२१.

माझी कविताकविता

प्रतिक्रिया

प्रा.डॉ.दिलीप बिरुटे's picture

7 Jun 2021 - 2:25 pm | प्रा.डॉ.दिलीप बिरुटे

विरहाची कविता आवडली. थेट भिडली. लिहिते राहा. बाय द वे, ती बाजारात अधुन मधुन दिसते हे तरी बरंय.

साथ भिगे बारिश मे ये तो मुमकीन नही
चलो भिगते है यादो मे, तुम कही मै कही.

-दिलीप बिरुटे

गुल्लू दादा's picture

7 Jun 2021 - 2:37 pm | गुल्लू दादा

आवडली पण लय त्रास होतो आजकाल अस काही वाचलं की...:(

गोंधळी's picture

7 Jun 2021 - 5:33 pm | गोंधळी

खुलता कळी खुलेना......