||चाफा..||

Primary tabs

प्राची अश्विनी's picture
प्राची अश्विनी in जे न देखे रवी...
2 Jun 2021 - 7:15 pm

तुझी आठवण
भुइचाफा जो
आत लपवता
कंद मृण्मयी
पहिली सर अन्
रुजून येई.

तुझी आठवण
हिरवा चाफा
मोहवणारा
खुणावणारा
दृष्टीला परि
नच दिसणारा.

तुझी आठवण
पिवळा चाफा
मधुगंधाने
दरवळणारा
सुकला तरिही
जाणवणारा.

तुझी आठवण
कवठी चाफा
तिन्हिसांजेला
हळू उमलतो
रात्रि सुगंधी
सोबत करतो.

तुझी आठवण
खुरचाफ्यासम
अपर्ण होउन
मूक फुलांनी
भरून अंगण
तुलाच अर्पण.

कवितामुक्तक

प्रतिक्रिया

ज्ञानोबाचे पैजार's picture

3 Jun 2021 - 8:03 am | ज्ञानोबाचे पैजार

एकाही चाफ्याला सोडले नाहीये..म्हणून चाफा बोलेनासा झाला होय?

रच्याकने :- कविता आवडली,

पैजारबुवा,

श्रीगुरुजी's picture

3 Jun 2021 - 8:06 am | श्रीगुरुजी

छान कविता!

अनन्त्_यात्री's picture

3 Jun 2021 - 3:51 pm | अनन्त्_यात्री

दरवळत राहील अशी कविता!

नागचाफा अन् तांबडा चाफा का वगळलात?

प्रचेतस's picture

6 Jun 2021 - 6:50 am | प्रचेतस

सुरेख

प्रा.डॉ.दिलीप बिरुटे's picture

6 Jun 2021 - 12:12 pm | प्रा.डॉ.दिलीप बिरुटे

लिहीते राहावे.

-दिलीप बिरुटे

तुषार काळभोर's picture

6 Jun 2021 - 8:57 pm | तुषार काळभोर

आठवणीत राहील अशी सुरेख कविता.