दिवाळी अंक २०२० - आवाहन

यंदाचा मिपा दिवाळी अंक असणार आहे 'प्रेम - शृंगार - रोमान्स विशेषांक'!. प्रेमाची, शृंगाराची, रोमान्सची इतकी रूपं, इतक्या छटा, इतके रंग... तर या प्रेमावर तुमच्या लेखांची, अनुभवांंची, कथांची, कवितांची आम्ही वाट पाहतोय.

लेखन देण्याची मुदत : २५ ऑक्टोबर, २०२०.

दिवाळी अंक २०२० - आवाहन

Soap Opera

Primary tabs

संदीप-लेले's picture
संदीप-लेले in जे न देखे रवी...
30 Aug 2020 - 8:42 pm

जमेल तसे जास्तीत जास्त स्वत:ला विकायला शीक
दळभद्री असल्या तरी मालिका तू पहायला शीक

सगळ्या मालिका सारख्या
त्यात दळली फक्त कणी
पाझरती सा-या वाहिन्या
जसे गटारातील पाणी
निर्बुद्धपणा कळसाला
सारे कैकयीचे वंशज
कमरेचे अजून कमरेला
तेही सुटेल लवकरच
रोज त्याच घाणीमध्ये डुकरासारखं लोळायला शीक
दळभद्री असल्या तरी मालिका तू पहायला शीक

पेराल तेच उगवते
पहाल तेच निपजते
तणासारखे वाढते
TRP वर फोफावते
पडद्यावर जे दिसेल ते
सुख देवो मनाला
अभिरुची सोडून दे
डोकं बांध गुडघ्याला
भरलं ताट टाकून कच-यावर पोट भरायला शीक
दळभद्री असल्या तरी मालिका तू पहायला शीक

पुरुषांना साड्या नेसवून
पाचकळ विनोद करूया
पडद्यामागून जोरदार
'चला हशा येऊ द्या'
आपल्याच मालिकांना
आपणच बक्षीस देऊया
अतीसुमार कलेवराला
खांद्यावर वाहून नेऊया
रोज रोज जगण्यासाठी रोज रोज मरायला शीक
दळभद्री असल्या तरी मालिका तू पहायला शीक

... संदीप लेले

कवितासमाजजीवनमान