मी नाही जाणत उगम तुझ्या दु:खाचा
तू पापी अथवा क्षण जगसी शरमेचा
प्रारब्ध तुझे वा आणी येथे तुजला
करुणेचा पाझर नाही चौकस इथला
नि:शंक निकट ये, हाती दे तव हात
या दु:खार्ता॑च्या देशी हाच प्रघात
परवलिची इथली एकच अनवट खूण
जरि जखम तुला, तरी माझे हृदय विदीर्ण
जरि भग्न तुझे कर, घडवू शिल्प अभंग
जरि कभिन्न वास्तव, बदलू त्याचा रंग
या निबिड अरण्यी, चल रचण्यास तराणे
आनंदवनाचे हेच ब्रीद, अन गाणे
आनंदवनाचे हेच ब्रीद, अन गाणे
प्रतिक्रिया
20 Jun 2017 - 8:42 pm | संदीप-लेले
खरोखर ब्रीद उतरले आहे कवितेत !
21 Jun 2017 - 12:28 am | सत्यजित...
आनंदवनात सतत सुरु असलेल्या मानवधर्मसेवेच्या व्रताची ऱ्हदयंगम अनुभूती! अभिनंदन!!
21 Jun 2017 - 11:47 am | पुंबा
वाह!! फार आवडली..
21 Jun 2017 - 1:48 pm | पद्मावति
____/\_____
1 Jul 2017 - 10:51 am | अनन्त्_यात्री
धन्यवाद!