सांगू का ?
मी कसा अन तू कशी ?
तुटता निद्राबंधन
करिता मुखमंजन
ब्रश मी अन पेस्ट तू शुभ्रशी-
सका-सकाळी
चहाच्या वेळी
कप मी अन तू बशी !-
करावया ईशचिंतन
धूप मी, तू निरंजन
तैसेचि टाळ मी, घंटी तू मधूरशी!-
नळाभोवती
भाजन जमती तिथे
हंडा मी अन तू कळशी !-
भोजन पंगती
आपण संगती
वाटी तू या ताटापाशी !-
होता उदरभरती
चढली सुस्ती
तक्क्या तिथे मी अन तू उशी !-
उद्यानी त्या सायंकाळी
रमणीय स्थळी
भ्रमर मी, तू कळी इवलीशी !
येई निशा सभोवार
दाटुनी येता तिमीर
बल्ब मी दारी, ट्यूब तू घराशी !
बा वाग्विलासा !!
काही लिहावे हि जिज्ञासा
तिथे कवी मी, तू कविता प्रियाशी !
दिसभर ना उसंत कि
अखेरीस या मंचकी
मदन मी अन तू रती उर्वशी !
सर्वत्र आपुली जोडी
नाते प्रीतीचे जोडी
मी असा अन तू तशी !!
प्रतिक्रिया
8 Jan 2016 - 1:42 pm | कविता१९७८
फोटो सुरेख आहे
8 Jan 2016 - 3:57 pm | मनीषा
ब्रश मी अन पेस्ट तू शुभ्रशी-
वा !
क्या बात है !
आणि " सका- सकाळी " हा एक नविनच शब्दं प्रयोग .. मस्तच .
8 Jan 2016 - 4:58 pm | मयुरMK
धन्यवाद कविता ११८७, मनीषा ताई
9 Jan 2016 - 8:05 pm | सुमेध रानडे
उत्तम!
9 Jan 2016 - 8:49 pm | प्रा.डॉ.दिलीप बिरुटे
बाकी, अशा टाईपची कविता वाट्सपवर वाचल्यासारखी वगैरे वाटली.
-दिलीप बिरुटे
10 Jan 2016 - 12:18 pm | मयुरMK
प्रस्तुत कविता माझ्या व अन्य दोन लेखकाच्या ''वाटेवरच्या कविता'' या पुस्तकामधील माझी कविता आहे
धन्यवाद
14 Jan 2016 - 6:26 pm | gsjendra
मस्त