तुही नाही मीही नाही …………. !!!

तुही नाही मीही नाही ………….

प्रेमाची रुजुवात झाली होती मनात, पण
बोललो हिमतीने कधीच ….तुही नाही , मीही नाही ………

पावसाची रिप रिपही चिंब करणारी, पण
भिजलो आकंठ कधीच … .तुही नाही , मीही नाही ………

सहजच घडते अशी असते भेट, पण
साधला योगायोग कधीच …. .तुही नाही , मीही नाही …

डोळ्यातली नीरओळ संथ वाहत राहिली, पण
बुडालो पुरात कधीच .… .तुही नाही , मीही नाही ……

समांतर चालत राहिलो एकाकी वाट, पण
थांबलो वळणावर क्षणभर कधीच … .तुही नाही , मीही नाही ………

आठवणींची उजळणी करत राहिलो आयुष्यभर, पण
प्रश्नांना सामोरे गेलो कधीच … .तुही नाही , मीही नाही ………

चढलेल्या वयाचे उतारपण बघत राहिलो , पण ….
कोवळे मन सांभाळले कधीच …..तुही नाही मीही नाही …।
..............तुही नाही मीही नाही …

...........……। फिझा