दुचाकी /चारचाकिंच्या काळजी /देखभाल संदर्भात चर्चेचा धागा

३०० :D

पॅशन प्लसचे चेनकीट ४०००० ला एक्स्पायर होते तसे झाले आहे आणि ते बदलण्याचा सल्ला मेकॅनीककडून मिळाला आहे.

तर मग,

१) गाडी तशीही कामाला सोडायची आहेच तर ४०००० किमी च्या दरम्यान एक्पायर होणारे बाकीचे महत्वाचे पार्ट्स उदा. क्लचप्लेट आणि बॅटरी बदलावेत की "चालेल तो पर्यंत" चालवावेत? त्यांचे आयुष्य संपत आले आहे हे गाडी चालवताना जाणवत आहे.

२) (टचवूड!!!) गाडी ४०००० किमीमध्ये एकदाही पंक्चर झाली नाहीये. ट्युब आणि टायरचा लाईफ स्पॅन किती असतो..?

३) क्लच केबल ७ / ८ महिने आणि अ‍ॅक्सेलरेटर केबल ४ वर्षे बदलली नाहीये. एका मोठ्या प्रवासाला निघायचे असल्यास हे पण बदलून निघावे की सेट झालेल्या मेकॅनीक्समध्ये बदल करू नये..?

ट्युब आणि टायरचा लाईफ स्पॅन किती असतो..?>>>
३०-३५ हजार ला बदलावी म्हणतात. आपण फक्त शहरात चालवत असेल तर नक्कीच अजुन काही किमी चालते.

अर्थात, ४० हजार म्हणजे टायर बरेच गोटा झाले असतील / होण्याच्या मार्गावर असतील.
बदलुन घ्या.

क्लच केबल ७ / ८ महिने आणि अ‍ॅक्सेलरेटर केबल ४ वर्षे बदलली नाहीये. एका मोठ्या प्रवासाला निघायचे असल्यास हे पण बदलून निघावे की सेट झालेल्या मेकॅनीक्समध्ये बदल करू नये..?>> क्लच केबल चालेल अजुन.
पण अ‍ॅक्सलरेटर केबल घ्या बदलुन.

बॅटरी साधारण तीन वर्षे चालते. हळुहळु त्याच लाइफ कमी झाल्याच लक्षात येतच.
सेल्फ स्टार्ट असेल तर बसत नाही. गाडी बंद असताना आणि गाडीची चावी लावलेली असताना इन्डिकेटर वै न लागणे अशी लक्षण दिसतील.
बदलली तर चांगलच आहे.

क्लच प्लेट इतक्यातच खराब व्हायची नाही. तरिही शंका असल्यास भरवश्याच्या मॅकॅनिकला राइड घेवुन काय वाटते ते विचारायच.
स्वतच जजमेन्ट चढावर येतच.
गाडी चढावर जास्त कुथणे, इनिशियल पिक अप कमी वाटणे ह्यातुन जजमेन्ट घ्या.

माझ्याकडे आता पल्सर १५० आहे. ती विकुन एखादी हाय एन्ड बाइक घ्यावी असा विचार आहे..काही options असे आहेत.
१)करिझ्मा ZMR
2)YAMAHA R15
3)PULSAR 220
4)HONDA CBR 250

याबाबतीत कोणी मार्गदर्शन करु शकेल का??

मी माझ्या हीरो होंडाचा टायर सव्वा लाख किमी चालवला होता.त्यानंतर तो बदलला. (गाडी दीड लाख किमीच्या वर चालवून भावाच्या फॅक्टरीत कामगाराना वापरायला दिली आहे) आपण जर टायर मध्ये १० % हवा कमी ठेवाल तर आपला पेट्रोलचा खर्च १० टक्क्याने वाढतो आणि टायरचे आयुष्य २५ टक्क्याने कमी होते.(सोर्स PCRA) तयार चे खवले(ट्रेड्स)दोन मिमी असेपर्यंत आपण ते वापरू शकता. त्यानंतर सुद्धा आपण जर टायरमध्ये हवा कमी भरून चालवू शकता पण आपल्या दुचाकीची रस्त्यावर पकड किती आहे हे आपल्याला समजण्यासाठी अनुभव असणे आवश्यक आहे. पावसाळ्यात तयरमधील हवा दहा ते पंधरा टक्के कमी ठेवा म्हणजे रस्त्यावर पकड सुधारेल.
मी हीरो होंडाची कोणतीही केबल तुटेपर्यंत बदलली नाही. सध्या माझ्याकडे होंडा युनिकॉर्न आहे तिची एकही केबल बदललेली नाही तिची बॅटरी सुद्धा अजून व्यवस्थित चालू आहे.(साडेसहा वर्षानंतर).तिचे टायर उत्तम स्थितीत आहेत ३२००० किमी नंतर. सरासरी ४५ देते. पहिल्या बटणात(किक मारत नाही) चालू होते. मी स्पार्क प्लग खराब होईपर्यंत बदलत नाही. नवीन स्पार्क प्लग ने फारसा फरक पडत नाही.
अतिशय महत्त्वाची गोष्ट म्हणजे टायर मधील ट्युब चांगल्या कंपनीचीच घ्यावी कारण गाडी वेगात चालवल्यावर टायर आणि ट्युब मध्ये घर्षण होऊन ट्युब गरम होते आणि फुटते आणि हमरस्त्यावर अपघात होतो. आपल्या ब्रेक चे लायनर मात्र दर दहा हजार किमी नंतर तपासून घ्यावेत. वेळेत ब्रेक न लागल्याने जेवढे अपघात होतात त्याच्या मानाने केबल तुटून किंवा इंजिन गरम होऊन होत नाहीत.
जाता जाता -- माझी हीरो होंडा शेवटची पाच वर्षे (गाडीची तेरा ते अठरा वर्षे) बिना बॅटरी चालवीत असे. तिला १००० मायक्रो फेरॅड चा कॅपॅसिटर बॅटरीच्या जागी बसविला होता. त्यामुळे इंजिन चालू केले की हॉर्न वाजत असे आणि साईड इंडीकेटर चालत असत. (इंजिन बंद असताना हॉर्न वाजत नसे). बॅटरीचा खर्च त्यात पाणि घालणे बॅटरीची चोरी होणे इ त्रास पुर्ण नव्हता. आता नवी युनिकॉर्न मूळ बॅटरी सकट आली त्यामुळे सध्या तरी प्रश्न नाही. विद्युत अभियन्त्यानी हा पर्याय तपासून पहावा (उत्तम काम करतो.हे डोके माझे नसून माझा भाउ जो विद्युत अभियंता आहे त्याचे आहे)

येथे मला नक्की मदत मिळेल अशी आशा असल्याने हा धागा वर काढत आहे ..
आमच्या चारचाकीच्या बोनेट मध्ये मोठ मोठे उंदीर ,घुशी जाउन बसतात .वायर्स कुरतुडून ठेवतात .खूप घाण हि करतात ..२ दिवसांपूर्वी वायर्स कुरतडल्यामुळे ..गाडी सर्विस ला द्यावी लागली ..मागे हि एकवेळेस हा त्रास झाल होता ..त्यावेळी anti -roat coating लावून घेतले होते पण याचा उपयोग काही दिवस च होतो ..त्यानंतर पुन्हा जैसे थे ..आणि आता तर ते कोटिंग हि बंद झाले आहे ..यावर कुणाकडे काही उपाय असल्यास सांगावे ..कालच गाडी परत आणली आणि आज मी बोनेट उघडून पाहिले तर २ मोठमोठ्या घुशी तेथे न ठाण मांडून बसल्या होत्या ...बर गाडी दुसरीकडे लावायची हि सोय नाही सगळीकडे घुशी आहेतच ....

माझ्याकडे एक केमिकल पावडर आहे.
त्याने हा प्रॉब्लेम जाईल. व्य. नि करावा.

हा धागा परत वर उचलत आहे कारण...

मला सेकंडहँड अ‍ॅव्हेंजर २२० घ्यायची आहे (शक्यतो २०११ नंतरची)...पण गाडीची तपासणी कशी करायची ते नीटसे माहित नाही
कोणाच्या ओळखीत भरोशाचा मेकॅनिक असेल (ठाण्याजवळ) तर मला व्यनी करा

प्रश्न १ आणी २ चे उत्तर एकच
आहे हि विकून टाका आणी दुसरी घ्या.
ताजमहाल दुरुस्त होत नाही( झाला तरी बेंगरूळ दिसेल)

माझ्याकडे आधी टीव्हीएस विक्टर जीएल होती (व्हिली साठी भारतातली सर्वोत्तम बाईक), मग सीबीझेड एक्स्ट्रीम, सद्ध्या रॉयल एन्फिल्ड क्लासिक ३५०, एकुण फिरायचा अनुभव, ७०,००० किमी विक्टर, १,३१,००० किमी सीबीझेड अन १५०० किमी रॉयल एन्फिल्ड, मला फार काही टेक्निकल नॉलेज नाही पण फिर फिर फिरुन थोडे बहुत संकलित केले आहे, मला इथे अजुन काही शिकायला मिळेल अशी आशा, अन माझा अनुभव कोणाला कामी आला तर आनंद होईल :)

डिसकव्हर टी (१०० सीसी) हाये माझी . गेल्या वर्षभरात साधारण १८००० किमी फिरलीये . . पिकप मध्ये बाप सेग्मेंट मध्ये . . असो . प्रश्न हा . कि आतापर्यंत प्रत्येक सर्विसिंग च्या वेळेस बजाज DTS 100 engine oil टाकतोय . एक मित्र म्हणाला. ते बदलून दुसरं कुठलं घातलं तर इंजून अजून चांगलं चालेल . . कुठलं वापरावं ?

स्पोर्ट्स बाइक नाहीये . पण तरीही . बाइक तर आहे .