तयार करा हिरवं पान
दिवाळीचा फराळ खावून केलं जेवन
काथ लावून तयार करा हिरवं पान ||धृ||
हिरव्या पानाच्या
होsss
हिरव्या पानाच्या
शिरा हळूहळू खरडा
देठ शेवटाला लागल तो पण खुडा
तोंडानं म्हणा आपलं खुशीतलं गानं
राया तुमी माजबी लावा की हो पान ||१||
पुढं ओढा जरा
होsss
पुढं ओढा
डबा पानाचा तुम्हां जवळी
त्यातच ठेवली पहा सुपारी चिकनी
अडकित्यामधी फोडा तिला हाती धरून
पानावर मग पसरा बारीक कतरून ||२||
प्रेमाचा गुलकंद लावा तुम्ही पानाला
तयार झाल्यावर हातामधी द्या त्याला
जवळी या आता खावून पान
थांबून जा थोडं मन रिझवून ||३||
- पाषाणभेद
प्रतिक्रिया
26 Oct 2011 - 12:03 pm | प्रकाश घाटपांडे
अहो पहिल्या छुट देठ खुडत्यात आन मंग शिरा. उल्टीकून कशे काय घुसले
26 Oct 2011 - 12:10 pm | विनायक प्रभू
असते आपापली शिस्टीम.
हो का नाय हो पाभे?