हळूच तू मला पाहीलेले
हळूच तू मला पाहीलेले मी तुला पाहीले
नजरेला मिळता नजरा, मी न माझी राहीले ||धृ||
कधीतरी ओळखीचे हासू पाहीले तुझ्या ओठी
नकळत स्मित माझे आले त्याच्या उत्तररासाठी
कळले का रे तेव्हा हृदयात काही झाले?
नजरेला मिळता नजरा, मी न माझी राहीले ||१||
पुस्तके देता घेता थरथरती भेट झाली
अलवार स्पर्श होता काटा फुले शरीरी
प्रित पुष्पे अशी कितीतरी मी मनी माळले
नजरेला मिळता नजरा, मी न माझी राहीले ||२||
ठेवले वहीत मी पिंपळपान आठवांचे
बघ ते आता झाले बदलून जाळीचे
तेवढेच जून झाले प्रेम पहीले आपले
नजरेला मिळता नजरा, मी न माझी राहीले ||३||
- पाषाणभेद (दगडफोड्या)
२८/०९/२०११
प्रतिक्रिया
28 Sep 2011 - 10:49 am | मिसळलेला काव्यप्रेमी
मस्त झाली आहे रचना. आवडली. :)
28 Sep 2011 - 6:17 pm | चित्रा
जुन्या (बहुतेक सफल) प्रेमाची कल्पना चांगली आहे.