अण्णा हजारे, आता बास करा !

लेखाशी बर्‍याच अंशी सहमत.
मुळात ह्या आंदोलनाकडुनच आम्हाला जास्त अपेक्षा नसल्याने १००% सहमत होता आले नाही इतकेच.

आण्णांनी आता शक्य तितक्या लवकर उपोषण सोडावे ही इच्छा.

- छोटा डॉन

अण्णा हजारे, आता बास करा !

हा लेख नावावरून
बाबा रामदेव वेळीच जागा हो
परवेझ मुशर्रफ माझे ऐक नाहीतर परिणामांना तयार हो
ओबामा ........

या धर्तीचा वाटला

पण आतील आशय वाचल्यावर वाटले हा लेख म्हणजे भरल्यापोटी दिलेला ढेकर नाही
टाईम पास नाही

माहितीपूर्ण आणि अभ्यासपूर्ण आहे
(हे मिसळीवर जरा दुर्मिळ आहे)

छान वाटला लेख

सहमत.
आता उपोषण मागे घ्यावे असे वाटते. टी.व्ही. वरच्या बातम्या पाहून असे वाटते आहे की आता हा इगो इश्यु झाला आहे. मनमोहन आणि कंपनी सरळ बोलायला तयार नाही आणि प्रत्येक दिवशी चर्चा झाली की अण्णांच्या सहकार्‍यांची "आता सरकारला अद्दल घडवतोच' च्या थाटात भाषणे. परवा प्रणव मुखर्जी व्यवस्थित बोलले पण बाहेर आल्यावर अण्णांच्या सहकार्‍यांनी त्यात मसाला भरून प्रणवदांना व्हीलन बनवायचा प्रयत्न केला असे मला वाट्ले.

भारतात वीसर पडलेल्या लोकचळवळीच्या शक्तीला पुन्हा एकदा घुमारे फुटताहेत. बाकी सर्व चळवळींप्रमाणे ही चळवळ देखील स्वतःचे अंगीभूत बरे-वाईट स्वभाववैशिषिट्ये घेऊन आकार घेतेय. भविष्यात या चळवळीकडे एक रेफरन्स म्हणुन बघण्यात येईल. तेंव्हा हि चळवळ ईप्सीत साध्य झाल्या बिगर थांबता कामा नये. दुर्दैवाने अण्णांचे उपोषण हा या चळवळीचा प्राणवायु बनलाय. म्हणुन मला तरी (भरल्यापोटी, निर्लज्जपणे) सांगावेसे वाटते कि अण्णांनी उपोषण मागे घेऊ नये.

अर्धवटराव

अगदि परफेक्ट इगो इश्यु झालेला आहे, आणि तो पण अण्णांचा नाही तर त्यांच्या साथीदारांचा, आपणच देशाचे तारणहार हा भाव घेउन निघालेले आहेत आणि आता श्याट् सरकार ऐकणार नाही हे समजलेल आहे.

लग्नात कसं नवरामुलाच्या नावावर त्याचे सगळे नातेवाईक आपले लाड करुन घेतात तसं चाललं आहे,

अगदी अण्णा वारले आणि जनलोकपाल आहे तसे पास होईपर्यंत त्यांचे पार्थिव उचलणार नाही असा जरी पवित्रा घेतला कै.अण्णाटिमने घेतला तरी, जनलोकपाल आहे तसे पास होत नाही, अगदी सरकारला वाटले तरी, कारण तसे करायचे म्हणले तरी भ्रष्टाचारविरोधी कायदा पास करुन घ्यायला बाकी पक्षाच्या खासदारांना पैसे द्यावे लागतील.

पंतप्रधानंना त्या कक्षेत आणण्यापेक्षा सिटिझन चार्टर जास्त उपयोगी आहे, कारण तो मुळावर घाव आहे पण ते होणं शक्य नाहि. लोअर ब्यूरोक्रसी ही कलेक्शन पोईंट आहे, ती तोडुन चालणार नाही.

सहमत आहे. तुटेपर्यंत ताणू नये. नंतर ताणायला काहीच उरणार नाही. पंप्रनी संसदेत सलाम ठोकून चर्चा करण्याचे वचन दिले एवढे यश रग्गड झाले. बाकी मुद्दे वर तुम्ही यथार्थ मांडलेतच.

लेखा मधे , अण्णांनी आंदोलन थांबवल्याने काय होणार आहे ते पुरेसे स्पष्ट होत नाही.

पून्हा पहीले पाढे पंचावन. सरकारला माहीत आहे अण्णा १० दीवस अरामात उपोषण करतील म्हणूनच त्यांनी भिक घातली नाही. अण्णांनी जर उपोषण सोडले तर त्यांची नाचक्की होइल व सरकारचा जनलोकपाल उधळून लावायचा डावही यशस्वि होइल. उपोषण सूरू करताना ज्या मागण्या होत्या त्यावरच अण्णा ठाम असल्याने किंबहूना त्यात लवचिकता दाखवायचीही तयारी दाखवल्याने उपोषण मागे घेणे चूकच. आता सामान्य जनतेनेही असहकाराचे आंदोलन करावे.

याऐवजी " कलमाडी/शरद पवार/ ए राजा इ. आता (खाणे) बास करा" असा लेख असता तर फार बरे वाटले असते! असो.
आण्णांच्या चळवळीला आता कुठे यश मिळालेय ते पाहून अनेक नेत्यांचा छुपा पोटशूळ उपटलाय, बगळ्यांच्या या भोळ्या बतावणीला तुम्ही फसलात हे पाहून वाईट वाटले. आण्णांच्या "बास" करण्याने नक्की कुणाला आणि कसा फायदा होईल ते जरा प्लीज समजावून सांगाल का? आण्णांबद्दल भोंगळ पुळका आणून एका उभरत्या चळवळीला अपशकुन करण्याचे काम शिवसेनादि पक्ष आणि बाळासाहेबादि नेते मोठ्या प्रेमाने करत आहेत, त्याला नकळत का होईना आपला हातभार लागतो आहे का?