पिंपरी चिंचवडची खाद्ययात्रा

नक्की कुठे आहेत?
जवळची खूण दिल्यास बरे होईल

अज्ञ नाखु

तोंडाला पाणी सुटलं ना राव मटकी भेळ वाचून आमचा पॉईंट आहे तो .. आज येऊ का सांगा

निसर्गची शाखा आता चौकात पण सुरु झालीये

आणि प्रदीपचा सामोसा विसरला कि राव तुम्ही

आमचा विकी* पॉईंट आहे तो

व्वा!

म्याप हवाच .गुगल नको.साधा रोड लाइन आणि रे स्टे ,बस डेपो ,मोरया गणपती ,शाळा मार्क करून

वडगाव गावालाच लागून (जुना मुंबई हायवे ) काही मटकी भेळची दुकाने आहेत. 2 माणसांना पण भरपेट होते. पींची वरून एक बाईक राईड काढून भटकंती करायला बेस्ट असते बघा.. :)

प्रदीप स्वीट्स आणि अरिहंत भेळ/मिसळ !!!

डी के ची भेळ , पाणीपुरी, कच्छी दाबेली (गणपती मंदिरासमोर)
चव फार विशेष नाही
तरी लहानपणापासून तिथेच खातो!

१. प्रदीप स्वीट्स पण चांगले आहे एकुणच सगळ्याच पदार्थांसाठी.

२. भेळ चौकापासुन जवळ नॅचरल आइसक्रीम पाशी एक गाडीवाला असतो संध्याकाळी त्याच्याकडचे बदाम रबडी अगदी अप्रतिम.

३. पुर्वी वासुचा वडापाव (वरच्या गाडीच्या समोर) चांगला असायचा. आताचे माहिती नाही.

लायनीनं देतो एक एक
1) वडापाव - निगडी प्राधिकरणात 'वासू वडापाव'. कॅम्प एजुकेशन जवळ एक काका हातगाडी लावतात त्यांचा वडापाव पण भारी आहे. दिवसा फत्तेचंद शाळे बाहेर आणि रात्री चापेकर चौकात मिळणारा दत्त्या चा वडापाव. लिंक रोड ला डॉमिनोज शेजारी हातगाडी लावतो तो सुद्धा ट्राय करून पहा चांगला आहे. थरमॅक्स चौकातून चिखली कडे जाताना डाव्या हाताला 'काका वडापाव' पण मस्त. फरसाण आदी पदार्थांसाठी गांधी पेठेतील परदेशी ला तोड नाही.

2) साबुदाणा खिचडी,पोहे,उपमा, इडली चटणी साठी वल्ली नि सांगितल्याप्रमाणे चापेकर चौकातले करमरकर यांचे श्रद्धा स्नॅक सेंटर चांगले आहे. मोरया गोसावी मंदिराजवळ गपचूप वाड्यात सुद्धा हे सर्व अतिशय उत्तम चवीचे आणि वाजवी दरात मिळते. गपचूप कडे उपवासाची मिसळ सुद्धा लै भारी. बटाट्याचा चिवडा,उपासाचे पापड यावर साबुदाणा वडा कुस्करून दाण्याची आमटी घालतात. मस्त लागते. मोरया गोसावी मंदीरा समोरचं 'चिंतामणी' मध्य उपवासाचे थालीपीठ मिळते ते पण छान.

क्रमशः

मस्त्यप्रेमींसाठी इथे छान थाळी मिळते
पत्ता : डी वाय पाटील आकुर्डी कडून रावेत कडे येणार्‍या रस्त्याला डाव्या बाजूस .
बांगडा थाळी १५० , सुरमई : २०० असे रेट आहेत , तांदळाची गरम भाकरी , सुकटाची किंवा सोड्याची चटणी , रस्सा आणि रवा फ्राय असा बेत असतो .
( सोलकढी आवडली नाही)

गांधी पेठेतील बालाजी मिसळ, मोरया गोसावी जवळची कवी मिसळ पण छान. आजकाल कवी मिसळ जरा तिखट झाली आहे.. आणि आपल्याला नेवाळे मिसळ देखील आवडते बुवा.
लिंक रोड वरचा डोमिनोस जवळचा वडापाव देखील छान
रोज् वूड शाकाहारी जेवणं चांगले
चिंचवड मधून आल्यापासून चावडीत अनेकदा गेलो. तेही ठीक.. बाजूचे वाटिका हि आवडते
लिंक रोड वरचे कालिका मातेच्या देवळाजवळ साफारोन.. दोनदा गेलो.. दोन्हीवेळा खुप छान पंजाबी जेवण

जवळपास विसरलो होतो.. तंदुरी पदार्थ आणि बिर्याणी साठी सर्वात आवडते आणि सवयीचे चापेकर चौकातले KGN.

वाचनखुण साठवण्यात आली.

हे असं नुसतं तोंडाला शाब्दीक पाने पुसू नका. पिंचीमध्ये एक झक्कास कट्टा आयोजित करा आणि लेखात सगळं खर्र खर्र लिहीलं आहे हे सिद्ध करा. :)

मागील पानावरुन पुढे चालू..
मिसळ - नेवाळेची मिसळ बरेचं लोक खाऊ शकत नसले तरी मला ती आवडते. अजिबात तिखट न झेपणाऱ्या लोकांनी त्या वाटेला न गेलेलंच बरं. त्याची बटाटा भजी मात्र अतिउत्तम. त्या क्वालिटीची भजी अजून तरी मी कुठे इतरत्र खाल्ली नाहीत. कवीची मिसळ चवीला बरी असते, ज्यांना बेडेकरची आवडते तसल्या लोकांसाठी.कवी चतुर्थीला उपवासाची मिसळ पण देतो. बाकी वर उल्लेख आल्याप्रमाणे निसर्ग,जनता आणि मयूर सुद्धा उत्तम. अरिहंत गंडलेलं आहे असे माझे मत.

भेळ - अन्नपूर्णा च्या चौका अलीकडे 'चौपाटी' मध्ये चाट चांगले आहेत. थंड पाण्याची पाणीपुरी मिळते, चवीला एकदम मस्त.
प्राधिकरणात भेळ चौकाच्या थोडेसे पुढे 'ओम शिव स्वादिष्ट' मधली भेळ,पाणीपुरी आणि रगडा पुरी भारी आहे.

पावभाजी,पराठे आणि इतर - गीता स्नॅक सेंटर, शर्मा, नायडू आणि पिंगारा हे तिघे निगडी प्राधिकरणात जवळ जवळ आहेत.पावभाजी सगळ्यांकडे चांगली आहे, गीता मध्ये मस्तानी पण चांगली मिळते. शर्मा कडे मटका कुल्फी आवर्जून खावी अशीचं. पिंगारा मध्ये चीज पराठा सुद्धा आवर्जून खावा असाचं तो हि फक्त 70 रुपयांत. भरपूर चीज भरून देतो. आकुर्डी स्टेशन समोरचं बरेचं प्रसिद्ध असे 'शहाजी पराठा' आहे (तेचं ते लक्ष्मी रोड वाले) पराठे, दही भल्ला,लस्सी एकदम कडक.
त्याचे दर मात्र लक्ष्मी रोडच्या शाखे पेक्षा इथे बरेचं जास्त आहेत.त्याच्या बाजूलाचं शवर्मा किंग आहे. उत्तम शवर्मा आणि बर्गर बनवतो तो. पिंपरी मधले छाया पराठा सुद्धा चांगले आहे. अतिशय स्वस्त आणि मस्त पराठे. 50-60 रुपयांत व्हेज आणि 90 रुपयांत चिकन, खिमा पराठा मिळतो. सोबत बटर,दही आणि ग्रेव्ही सुद्धा येते.

स्वीट मार्ट - जिलेबी साठी गांधी पेठेतील यशवंत. यांच्याकडे बाकरवडी पण छान मिळते. प्रदीप स्वीट्स च्या पिंचि मध्ये भरपूर शाखा आहेत. एकंदरीत सर्वचं पदार्थ उत्तम क्वालिटीचे मिळतात.निगडी चौकातले गोकुळ स्वीट्स मध्ये देशी शुद्ध तुपातली जिलेबी आणि इमरती मिळते, गुलाबाच्या पाकळ्या आणि गुलाबजल वगैरे टाकून. जबरदस्त लागते. चखणा आयटम घ्यायचे असतील तर 'बंधन स्वीट्स' शाहूनगर बागेजवळ. एकापेक्षा एक भारी प्रकार मिळतात. पिंचि मध्ये येत नसले तरी एका स्वीट मार्टचा उल्लेख केल्याशिवाय राहवत नाही ते म्हणजे परिहार चौक,औंध इथले 'मिठास'. काय जागा आहे राव. ड्राय फ्रुट बासुंदी, सीताफळ रबडी खावी तर इथेचं. बंगाली मिठाईचे तर इतके प्रकार आहेत कि बास्स. खीर कदम आणि संदेश चे भयानक सुंदर प्रकार मिळतील. ते आवर्जून खावेचं, राहिलचं तर कमल भोग आणि घेवर पण लै भारी. एका भेटीत समाधान होण्यासारखे नाहीचं हे ठिकाण. मला घरापासून साधारण दहा किमी पडते तरी मी या गोष्टींसाठी तिथे बऱ्याचदा जातोचं जातो.

स्टेशनजवळ (मुंबईच्या भाषेत आकूर्डी-वेस्ट.) मद्रासी (की केरळी...कुणी का असेना लुंगीवाले) हॉल समोर, मटण थाळी उत्तम मिळते.

मस्त गरमागरम भाकर्‍या आणि हवा तितका तांबडा-पांढरा रस्सा.

शिवाय वेटर पण मागे उभा नसतो.

स्वगत : च्यामारी टोपी, ह्या गणपतीत आकुर्डीलाच जावे म्हणतो.

वेगळा धागा काढलात , नाहीतर लोक पिं. चिं. ला पुण्यात धरत होते आणि पुणे खाद्ययात्रेचा धागा हायजॅक करत होते.

पाया सूप पण उत्तम असते.

बिर्याणी आणि इतर नॉन व्हेज -
चिंचवड मध्ये टाटा मोटर्स च्या मेन गेट कडून मटेरियल गेट कडे जाताना डाव्या हाताला 'पथिक' म्हणून हॉटेल लागते. नेहमीच्या बिर्याणी पेक्षा थोडी वेगळी आहे पण चवीला फारचं उत्तम. दम मसाला वगैरे वेगळा सुद्धा आणून देतो.

पिंपरी मार्केट ला 'कराची' मध्ये मटन पॅटिस मिळते, त्याचे वर्णन करायला शब्द पुरेसे नाहीत.
मटण खिमाचे बनवलेले पॅटिस आणि वरून खिम्याचाचं घातलेला थोडा घट्ट असा रस्सा, सोबतीला कांदा आणि पुदिन्याची चटणी. जबरा चव एकदम. थोडे कळकट हॉटेल आहे परंतु बाहेरून रागरंग बघून परत फिरू नका नाही तर एका चांगल्या अनुभवाला मुकाल. त्याच्याकडे बिर्याणी आणि चिकन नवाबी मस्त मिळते. चिकन नवाबी हा भाजलेले चिकन तुकडे आणि ऑम्लेट एकत्र करून केलेला प्रकार आहे.

हिंजवडी मधले हैद्राबाद बिर्याणी बहुतेक लोकांना माहित असेल त्यामुळे त्याबद्दल जास्त लिहीत नाही.
हिंजवडी मध्ये मेझा नाईन समोर नवीन चालू झालेले 'मुघल महाल' एकदम सरस.
अत्युकृष्ट अशी 'मुघलाई बिर्याणी' बनवणारा पुण्यातला एकमेव माणूस असावा.एक बिर्याणी तिघांना आरामात पुरते.
तिथले स्टार्टर जीवघेणे आहेत. चिकन लेग पीस मॅरीनेट वगैरे करून त्याला चिरा देऊन आत मध्ये खिमा भरून
भाजला होता. खत्तरनाक प्रकार आहे तो.

पिंपळे सौदागर मध्ये कोकणे चौकात 'काबील-ए-तारीफ' आहे. सर्व मुघलाई पदार्थांची चव एकंदरीत छान आहे.
तिथे आवर्जून खावे म्हणजे मुर्ग कलमी मसाला आणि मुर्ग मुसल्लम. कलमी मसालात एका डिश मध्ये तीन भाजलेले
लेग पीस विथ खिमा मिक्स ग्रेव्ही असे येतात. थोडासा तिखट बनवायला सांगितलं तर उत्तम लागतो हा प्रकार.

कोल्हापुरी थाळी खायची असेल तर थरमॅक्स चौकातलं 'राजवर्धन' ब्येष्ट. एकदम परफेकट चवीचा तांबडा आणि पांढरा रस्सा. ना जास्त तिखट ना एकदम फिका.चिकन/मटन मसाला आणि फ्राय सुद्धा चवदार.
महत्त्वाचं म्हणजे तो बोकडाचं मटन देतो. नाही तर इकडे बऱ्याचं ठिकाणी बोल्हाई मिळते.
बोल्हाई खायचं असेल तर वाल्हेकरवाडीतलं 'समाधान' चांगलं आहे. खेड जवळ 'बंडू भाऊंचा' ढाबा आहे.
तिथली मटन भाकरी सुद्धा भारी आहे. तिथे कुठलाही पदार्थ मागवला तरी रस्सा हा बाय डिफॉल्ट अनलिमिटेड आहे.
एक पातेलचं आणून ठेवतात समोर.
कंदुरी चिकन/मटन खायचं असेल तर विशालनगर कडून हिंजवडी कडे येताना डाव्या हाताला 'मराठवाडा' हॉटेल आहे.

तूर्तास इतकेचं. अजून वेळ मिळेल तशी भर घालतो.

जरा ठिकाणाच्या जवळपासच्या खुणाही सांगा. नुसतं अरिहंत म्हटल्यावर काय कळणार? आमचे मित्र मनोबा यांनी मोरया गोसावी मंदिरासमोर थालीपीठ खायला घातले होते. आम्ही गेल्यावर पीठ थापून केलेले गरमागरम थालीपीठ एकदम मस्त.

(पिंचिंकर) आजानुकर्ण