नास्तीकांचे भारतातील योगदान

तुम्ही धागा काढला ना नास्तिकांना त्यांचं ड्यु रेक्ग्नीशन मिळत नाहि म्हणुन ? अगदी नास्तिकांची उदाहरणं देखील दिली आहेत तुम्ही. त्या सगळ्या उदाहरणांत व्हिक्टीम्स ला त्यांची नास्तीकता कशी बाधक ठरली याबद्दल तुमचं स्वतःचं काहिच ऑब्जर्व्हेशन नाहि? मग धागा कशाच्या आधारे कढलात ?

माझ्यामते तरी तीव्र इहवादी म्हणजे नास्तिक.. अर्थात
१. जो कोणतीही अमूर्त शक्ती नाकारतो.
२. जो कोणतेही पारलौकिक जीवन नाकारतो
३. ज्याचा पुनर्जन्मावर विश्वास नाही
तो नास्तिक. मग त्याचा धर्म कोणताअही असो.

पण धाग्याचा मुख्य उद्देश केवळ आस्तीक कोण अथवा नास्तीक कोण या चर्चेत गुंतून जाणे नाही तर सकारात्मक/रचनात्मक योगदानांची नोंद घेणे आहे.

तरी नास्तिक म्हणजे तुम्हाला नक्की कोण अभिप्रेत आहे याची स्पष्टता यायला नको का? अनेकदा आस्तिक = कर्मकांडवाले आणि नास्तिक = कर्मकांडाला विरोध असणारे अशी सोयीस्कर व्याख्या केली जाते.तुमची पण तीच व्याख्या आहे की नाही हे मला माहित नाही.

वर मी माझ्याच विषयी लिहिले आहे--माझा देवाच्या अस्तित्वावर विश्वास आहे पण कोणत्याही प्रकारच्या कर्मकांडावर नाही.त्यामुळे मी दोन्ही बाजूंकडून शिव्या खातो-- जे स्वतःला अस्तिक म्हणवतात त्यांच्या मते मी नास्तिक आहे आणि जे स्वत:ला नास्तिक म्हणवतात त्यांच्या मते मी आस्तिक आहे :) त्यामुळे अस्तिकता-नास्तिकता हा विषय बराच निसरडा आहे. हा विषय निसरडा आहे हे अधिक स्पष्ट करायला लिहितो. तुम्ही वर तात्याराव सावरकरांना नास्तिकांमध्ये गणले आहे. पण तात्यारावांच्याच जयोस्तुते गाण्यात स्वतंत्रतेला एखाद्या देवीची उपमा दिली आहे आणि आपल्याला यश मिळावे म्हणून त्याच देवीला वंदन करावे (यशोयुताम वंदे) असे तात्यारावांना वाटत होते. म्हणजे माणसापेक्षा मोठी कुठलीतरी शक्ती आहे आणि त्या शक्तीला वंदन करावे असे त्यांनाही वाटत होते असे म्हटले तर? या कारणाने मी म्हणतो की तात्याराव आस्तिक होते. त्यांचा सर्व कर्मकांडांना प्रखर विरोध होता हे तर स्पष्टच आहे.या कारणावरून त्यांना नास्तिक म्हणणारेही आहेतच.

तेव्हा अशा निसरङ्या विषयाविषयी चर्चा असेल तर तुमची जी काही व्याख्या आहे ती-- तुम्हाला नक्की काय अभिप्रेत आहे हे कळल्याशिवाय अधिक चर्चा व्हायची कशी?

उद्या समजा मी चर्चाविषय काढला-- भारताच्या जडणघडणीत/प्रगतीत झोंबी लोकांचे योगदान.आता मुद्दलात झोंबी म्हणजे कोण हेच स्पष्ट नसेल (किंवा त्याविषयी अनेक मतेमतांतरे असतील) तर या विषयावर चर्चा होणार कशी?