जंगलातले चालणे
दुर रानात रानात
शीळ घुमली कानात
पाखरांची किलबील
पानात पानात
उभा बाजूला डोंगर
झरा वाहतो समोर
पाणी पिण्यासाठी त्यात
सोडले कुणी जनावर
शिवालय शांत भग्न
गुंतले त्यात मन
थेंब थेंब पाण्याचा
होई अभिषेक अर्पण
होती बरोबर शिदोरी
झाली तीची न्याहरी
दुपारी होईल काहीबाही
त्यालाच काळजी सारी
एकटेच चालायाचे
स्वत:शीच बोलायाचे
जंगल मोठे निबिड
निघून एकटेच जायचे
आला सुर्य माथ्यावर
थेंब घामाचे अंगावर
पायवाट संपता संपेना
चालायाचे खूप अजून
- पाषाणभेद
(पुर्वप्रकाशित)
प्रतिक्रिया
7 Oct 2012 - 10:32 pm | पैसा
लै आवडली.
7 Oct 2012 - 10:59 pm | अत्रुप्त आत्मा
भेदक पाषाण आले,,, कविता घेऊन :-)
अता जाऊ नका पुन्हा,,,अशी सुट्टी टाकुन ;-)
8 Oct 2012 - 6:30 am | स्पंदना
आला सुर्य माथ्यावर
थेंब घामाचे अंगावर
पायवाट संपता संपेना
चालायाचे खूप अजून
miles to go before I sleep.
8 Oct 2012 - 8:11 am | प्रचेतस
खूप छान.
8 Oct 2012 - 2:22 pm | सस्नेह
फोटूकडे पाहून तरी 'जंगल मोठे निबिड' काही वाटत नाही...
8 Oct 2012 - 4:24 pm | पाषाणभेद
तो फटू म्या काढेल हाय म्हून टाकला. समोरचा डोंगर सोडून द्या पण बरोब्बर त्या मोठ्या झुडपाखाली एक ओहोळ या टेकडीखाली उतरत होता. मी एकटा गेलो होतो तेथे अर्थात अंगाला घाम वैगेरे काही आला नव्हता. एक छोटी टेकडीच आहे ती. बाकी सिच्चूवेशन म्या वर सांगेल तश्शीच व्हती.
9 Oct 2012 - 2:19 pm | सहज
तुम्हाला जंगलाची सफर करायला मिळाली हे खासच!
बाकी फोटो पाहून "द होल वावर इज अवर. गोऽ ना गो "" आठवले.
9 Oct 2012 - 3:26 pm | सस्नेह
दाट झाडीची रेघ दिसतेय तोच ओहोळ असावा.
त्याच्या काठावर मस्त ताणून द्यावंसं वाटतंय..
10 Oct 2012 - 8:28 am | पाषाणभेद
थोडे अवांतर सांगतो.
येथे दोन शेजारी टेकड्या आहेत. त्या दोहोंच्या वरती दोन छोटी मंदीरे आहेत. वर उल्लेखलेला फोटो अन ओहोळ त्या मोठ्या झुडूपामागे जावून खाली उतरतो. ही निर्मीतीही येथलीच आहे.
8 Oct 2012 - 3:06 pm | सुधीर
शेवटच्या दोन कडवी खास आवडल्या.
एकटेच चालायाचे
स्वत:शीच बोलायाचे
जंगल मोठे निबिड
निघून एकटेच जायचे
आला सुर्य माथ्यावर
थेंब घामाचे अंगावर
पायवाट संपता संपेना
चालायाचे खूप अजून
क्लास!
9 Oct 2012 - 2:12 pm | खुशि
एकटेच चालायचे.सुन्दर! एकला निरन्जन हेच खरे.
10 Oct 2012 - 9:23 am | ज्ञानराम
खूपच आवडले... मस्त
10 Oct 2012 - 6:27 pm | सुहास..
खास च !
10 Oct 2012 - 10:38 pm | मदनबाण
दफोराव कविता आवडली ~ :)