उशीर
ती ही समीप होती, पुनवेस चांद राती
अन बात छेडण्याची फक्त देर होती
नक्षत्र पाहतांना थोडीच रेलली ती
आधार द्यावयाची फक्त देर होती
ठावे मलाही होते, अनभिदन्य ती ही नव्हती
शब्दात सांगण्याची फक्त देर होती
आतूर भावनाही येऊन दाविते ती
डोळ्यात वाचण्याची फक्त देर होती
तीसरे कुणीही नव्हते, दोघात रात्र होती
वाटून घ्यावयाची फक्त देर होती
गेल्या अशाच रात्री, कां दूर राहते ती
सर्वांस कारणे ही, फक्त देर होती
--अशोक
प्रतिक्रिया
17 Jun 2012 - 9:02 pm | प्रचेतस
डॉ. साहेब मिपावर स्वागत.
कविता आवडली.
लिहित रहा.
18 Jun 2012 - 11:46 pm | शैलेन्द्र
+१
असेच म्हणतो..
17 Jun 2012 - 9:13 pm | जाई.
छानच
कविता आवडली
18 Jun 2012 - 8:09 am | स्पंदना
सर्वांस कारणे ही, फक्त देर होती...
डॉक्टर्...देर ठिकाय्...अंधेर नही होना मंगताय।
18 Jun 2012 - 11:08 am | डॉ अशोक कुलकर्णी
वल्ली, जाई आणि अपर्णा.... धन्यवाद !!
अपर्णा:
"छोटी सी बात" मधल्या अमोल पालेकरनं रंगवलेलं क्यारेक्टर समोर ठेवून लिहिलेली ही कविता आहे. बास्स इतकंच !!
18 Jun 2012 - 7:23 pm | गणेशा
आवडले .
खुप दिवसांनी ?
18 Jun 2012 - 11:23 pm | अत्रुप्त आत्मा
तीसरे कुणीही नव्हते, दोघात रात्र होती
वाटून घ्यावयाची फक्त देर होती वाह... वा वा वा...! ये एकदम बढिया है...