का? का? का?
पानांनाही कधी का येतो गंध
फुलासारखे हुंगून होण्या धुंद
पाण्याला कधी चढते निळाई
जंगलात का असते हिरवाई
रंग फुलांचे इतके का आगळे
पाहून असे का होते ते नकळे
डोंगरावर ते वृक्ष उभे का
सावली देण्या ते तेथे का
आकाशात ढग का जमून येती
आता येथे मग कोठे जाती
वारा भणाण उगा का वाहतो
"की, मी येथे आहे" असे सांगतो
हा मी एकटाच का कधीचा आलो
येथला नसूनही का येथलाच झालो
- पाभे
प्रतिक्रिया
8 Mar 2012 - 8:08 am | पैसा
म्हणजे विषय जास्त आवडला.
8 Mar 2012 - 10:42 am | प्रचेतस
सुरेख,
8 Mar 2012 - 1:15 pm | अरुण मनोहर
मस्तच!
8 Mar 2012 - 8:21 pm | मिसळलेला काव्यप्रेमी
पाभे राव, मस्त झाली आहे कविता.