नवी पालवी अन नवे अंतराणे
जुन्या ओळखीचे नवे तेच गाणे
उराशी किती भोवले पाहुणे हे
गळाले आता जीर्ण शीण दीनवाणे
पुन्हा पाखरे आळवीती तराणे
जरेल्या तरूंचे उभरले कणे
साद घाली कुणी देइ आमंत्रणे
बघ उषा न्हाइली सज्जली अंगणे
मनाची कुपी उलगडी आवरणे
गुंफलेल्या स्वरांशी करी भाषणे
देखणी सुप्तशी उंबराची फुले
अमृताच्या सरी द्वैत पारायणे
.......................अज्ञात
प्रतिक्रिया
1 Mar 2012 - 6:19 pm | मनीषा
पुन्हा पाखरे आळवीती तराणे
जरेल्या तरूंचे उभरले कणे
साद घाली कुणी देइ आमंत्रणे
बघ उषा न्हाइली सज्जली अंगणे
सुंदर कविता.
2 Mar 2012 - 1:43 pm | अज्ञातकुल
प्रतिसादाबद्दल धन्यवाद
2 Mar 2012 - 9:41 am | सांजसंध्या
सुंदर कविता आहे
2 Mar 2012 - 11:09 am | मिसळलेला काव्यप्रेमी
क्या बात! सुंदर!
5 Mar 2012 - 6:47 am | इन्दुसुता
छान कविता. आशादायी .... आवडली.