हा रविवार रानफुलांच्या शोधात घालवू असे ठरवले आणि सकाळी नणंदेला घेउन रानफुलांच्या वाटेने निघाले. आमच्या एरीयात मी पहीलीच असेन अशी रस्त्यात फोटो काढणारी. जर लाजले तर मुळ हेतू दुर राहील आणी मनसोक्त फोटो काढता येणार नाही. म्हणून रस्त्याला कोण येत जात तिथे पाहीलच नाही. नणंदेला स्कूटीवर ड्रायव्हिंग करायच होत म्हणून तिने तिची वेगळी आणि माझी वेगळी अश्या दोन गाड्या घेउन आम्ही दोघी हम दो शेर चले प्रमाणे निघालो. सुरुवातीलाच एका ओसाड जागी जाऊन दोघी थांबलो. ती फक्त जाण्या येण्याची वाट आहे. दुचाकी तिथे जात येत होत्या. मला कॅमेरा अ‍ॅडजेस्ट होत नव्हता. प्रचंड दु:ख होत होतं तेंव्हा. अस वाटत होत मी फोटोग्राफीचा कोर्स करायला हवा होता. इतकी सुंदर फुले आणि मला चांगले फोटो काढता येत नाहीत ह्याच दु:ख मनात ठेवुन शेवटी मी सगळे फोटो ऑटो मोडवर काढले. उनही मध्ये मध्ये येत होत.
त्या ओसाड वाटेवर एक दुचाकी परत फिरुन आली आणि आम्हाला विचारल मॅडम काही प्रॉब्लेम आहे का ? त्यांना वाटल आमची गाडी वगैरे बिघडली असेल म्हणून आम्ही तिथे थांबलोय. मग फोटो काढतोय म्हटल्यावर मनातल्या मनात आमच्या नावाने त्यांनी शंख फोडले असतील. :हहा: येणारे जाणारे सगळेच आमच्याकडे काय वेड्या कसले फोटो काढताहेत ह्या हावभावाने पाहत होते अगदी मान वळवून. पण मी कोणाकडे पहायचच नाही हे पथ्य पाळून फोटो काढत होते. मला नणंदेचीही काही फुल शोधून देण्यात मदत झाली. जवळ जवळ २ तास आम्ही फुलांचे फोटो काढत होतो.
ठिकाण मुद्दामच लिहत नाही कारण कास सारखी परिस्थिती ह्या रानफुलांची होऊ नये. त्यांनी मुक्तपणे रुजावे फुलावे हिच इच्छा आहे. सध्या कामगार ही झुडपे कचरा म्हणून उपटून टाकत आहेत. मला खुप राग येतो त्यांचा पण त्यांच ते कामच आहे. इच्छा एवढीच आहे की त्यांनी ही झाडे सुकल्यावर ती काढावीत.
फोटो काढताना जाणवले की आपण जी मुबलक प्रमाणात फुलतात तिच फुले पाहण्यात येतात. पण सुक्श्म नजर ठेउन पाहील तर पुष्कळ रानफुले आपल्या आसपास असतात. मला जशी टिपता आली तशी खाली देत आहे. ह्या काही रानफुलांची नावेही मला माहीत नाहीत जाणकारांनी ती द्यावीत.
१) रानतीळ
१(अ)
१ब)
२) कुर्डू किंवा कोंबडा
२(अ)
३) तालिमखाना/कोळशिंदा
४) निळी पुंगळी
५) कवळा
५ (अ)
६) रानभेंडा
६ (अ)
७) एकदम चुन्नुक फुल होत हे.
७(अ)
८)
८(अ)
९)
१०)
११) हे इतके छोटूकल आणि सुंदर फुल होत की बघतच बसावस वाटत होत.
११(अ)
१२) सोफुबिया
१२ (अ)
१३) चिकणा
१४) डवचाणा
१५) बहुतेक हा रानतुरा
१५(अ)
१६)
१७)
१८)
१८(अ)
१८ (ब)
१९) पांढरा गोकर्ण
२०) निळा गोकर्ण डबलचा
अजुन खुप रानफुले आहेत. आता पुढच्या भागात.
प्रतिक्रिया
5 Oct 2011 - 2:59 pm | विशाखा राऊत
सगळे फोटो खुप मस्त आहेत.. :) धन्यवाद जागुताई
5 Oct 2011 - 3:10 pm | जाई.
अप्रतिम
मस्त फोटो
जागुतै तुझ्या चिकाटीला _/\_
5 Oct 2011 - 3:38 pm | उदय के'सागर
खुपच अप्रतिम, एकदम खेडेगावातल्या माळरानातल्या पायवाटांवरून चालल्या सारखं वाटलं. खरच, हे रानफुलं किती दुर्लक्षीत असतात पण तुम्ही त्यांच खरं सौंदर्य आणि ऐश्वर्य तुमच्या फोटोज मधुन दाखवुन दिलं त्यासाठी शतशः -^-
तुमचे सर्व जुने धागे बघता एकच म्हणेन ... जागुतै - A true LIVELY Indian :)
5 Oct 2011 - 3:40 pm | जागु
विशाखा, जाई, उदय धन्यवाद.
5 Oct 2011 - 3:43 pm | गणपा
मस्तच ग जागुतै.
गोकर्णाची फुल पाहुन जमाना लोटला. :)
5 Oct 2011 - 3:49 pm | श्रावण मोडक
जागू स्पेशल. प्रकाशचित्रे आवडली.
7 Oct 2011 - 1:10 am | चित्रा
छान. +१.
5 Oct 2011 - 3:52 pm | स्मिता.
खूपच छान फुलं आहेत गं जागुताई. काही पाहिलेली तर काही नवीनच...
5 Oct 2011 - 3:56 pm | प्राजक्ता पवार
जागु , सर्वच फोटो छान आलेत :)
5 Oct 2011 - 4:03 pm | जागु
गणपा, श्रावण, स्मिता, प्राजक्ता धन्यवाद.
5 Oct 2011 - 4:18 pm | मदनबाण
मष्ट ! :)
भाग २ ची वाट पाहतो. :)
जमल्यास मी पण फुलवाला धागा टाकतो...
(गुलाब प्रेमी) :)
5 Oct 2011 - 5:50 pm | गणेशा
निव्वळ अप्रतिम ..
5 Oct 2011 - 6:17 pm | ५० फक्त
जबरदस्तच ,
5 Oct 2011 - 6:27 pm | पिंगू
जागुताय.. मस्त फुले आहेत. ह्यातील काही फुले कासला बघितली आहेत.
- पिंगू
5 Oct 2011 - 7:27 pm | अत्रुप्त आत्मा
वॉव.......! सगळ्यात मस्त असेल तर तो नं-१८..... फिदा... खल्लास... मार डाला.... एटिन टिल आय डा...य....! :-)
5 Oct 2011 - 7:51 pm | पैसा
वा, जागु, खूपच छान!
5 Oct 2011 - 7:53 pm | जागु
गणेशा, ५०,पराग, पिंगु धन्यवाद.
5 Oct 2011 - 10:27 pm | प्रास
लय भारी फोटोज बघा.... ते १६ नंबर वेगळंच वाटलं....
6 Oct 2011 - 9:07 am | जयंत कुलकर्णी
अरेच्चा हा धागा कसा बघायचा राहिला ?
हे कुठे आहे ? मला येथे फोटो काढायला यायचे आहे. मदत होईल का ?
काही फुले अगदीच नवीन आहेत मला. १६ वे बहूदा रान पडवळाचे असावे. शास्त्रीय नाव बहूदा Cucurbitaceae. (Flowers of Sahyadri मधून).
थांबा ! मी आलोच :-)
ट्रायपॉड नी कॅमेरा घेऊ द्या की रं
मला बी फोटोला येऊ द्या की रं
6 Oct 2011 - 10:00 am | श्री गावसेना प्रमुख
फुल एकदम छान आहेत पन जंगली झुडपांचे फोटो टाकन्याचे प्रयोजन नाही कळले
6 Oct 2011 - 11:31 am | इरसाल
जागुताई,
फोटो पाहून कोकणातले दिवस राहून राहून आठवत आहेत.
उत्कृष्ट छायाचित्रण.
क्यामेरा कोणता आहे तुजपाशी ?
6 Oct 2011 - 3:14 pm | प्रभाकर पेठकर
खूप छान आहेत छायाचित्रे. जरा संकलीत (एडीट) केली असती तर अजून मजा आली असती.
6 Oct 2011 - 3:42 pm | पाषाणभेद
>>> ठिकाण मुद्दामच लिहत नाही कारण कास सारखी परिस्थिती ह्या रानफुलांची होऊ नये. त्यांनी मुक्तपणे रुजावे फुलावे हिच इच्छा आहे.
हे वाक्य तर प्रचंड आवडलं!
आपल्या साधनेला प्रणाम.
6 Oct 2011 - 4:41 pm | बद्दु
१८ अ आणि १८ ब बहुतेक इंग्लिश झेंडू असावेत.
बाकी फोटो सुंदर आले.
6 Oct 2011 - 10:11 pm | प्राजु
क ह र!!
अप्रतिम!
ते छोटुकलं पांढरं फूल कसलं सुंदर आहे.. पाकळ्यांना तुरे आहेत.. :)
6 Oct 2011 - 10:31 pm | रेवती
मस्त फुलं!
काही पाहिलेली तर काही न पाहिलेली.
१६ नंबराचं फूल एक नंबरी आहे.;)
असं असू शकेल याची कल्पना केली नव्हती.
6 Oct 2011 - 11:28 pm | जागु
प्रास, जयंत, नावसेना प्रमुख, प्रभाकर, पाषाणभेद, बद्दू, प्राजु, रेवती, जयंत कुलकर्णी धन्यवाद.
इरसाल कॅमेरा कॅनॉनचा आहे.
7 Oct 2011 - 2:30 pm | सविता००१
जबरदस्त छायाचित्रे....... मस्त
7 Oct 2011 - 6:09 pm | पल्लवी
भारी ! भारी !! भारी !!!!!!!
9 Oct 2011 - 9:02 pm | वाहीदा
डोळे तृप्त झाले !
जाईन विचारीत रानफुला ....
भेटेल तिथे गं, सजण मला
भग्न शिवालय परिसर निर्जन,
पळस तरुंचे दाट पुढे बन,
तरुवेली करीतील गर्द झुला,
भेटेल तिथे गं, सजण मला !
उंच पुकारील, मोर काननी,
निळया ढगांतून भरेल पाणी,
लहरेल विजेची सोनसळा,
भेटेल तिथे गं, सजण मला !
वाहत येईल पूर अनावर ,
बुडतील वाटा आणि जुने घर,
जाईल बुडून हा प्राण खुळा,
भेटेल तिथे गं, सजण मला !
गीतकार :शांता शेळके
10 Oct 2011 - 10:59 am | पप्पु अंकल
सुंदर फोटो, शार्प फोकसिंग आणि फुलांना जपण्याच्या तुमच्या भावनांना सलाम. आणि मानल तुम्हाला काय काय करता तुम्ही.
फोटो काढायला जाताना १ व्हाइट कार्डबोर्ड जवळ असावा ज्याचा वापर रिफ्लेक्टर सारखा करता येतो वा विषयावर पडणारे थेट उन टाळण्यास देखिल होतो.
10 Oct 2011 - 1:46 pm | प्यारे१
मत्त मत्त फोटो!
आडौले. :) (शब्द वप्याकडून साभा... कशाला? तसाच घेतला आहे. ;) )
10 Oct 2011 - 1:59 pm | वपाडाव
१६ क्रमांकाचा फटु तर लैच आडौला गेला आहे....
त्याचं नाव सांगितल्यास वुत्तम....
20 Oct 2011 - 1:02 pm | दीप्स
छान आहेत फोटो. यातली बरीचशी फुले कधी पाहिलीही नाही तुमच्या मूळे पहावयास मिळाली त्या बद्दल धन्यवाद !
आणि दंडवत तुमच्या हौशिपानाला --- /\ ---
21 Oct 2011 - 12:48 pm | जागु
सविता, पल्लवी, अंकल, प्यारे१, वडापाव, दिप्स धन्यवाद.
वहिदा एकदम मस्त वाटल.