स्टॅनली का डब्बा

मस्त परिक्षण आवडलं, पोरगा थोडा मोठा झाला ना कि त्याला दाखवेन.

वा देशपांडे बै वा !! तुमचे लेखण म्हणजे अगदी हे आहे ... आणि हे परिक्षण म्हणजे अगदी ह्याचात हे आहे. मला हे सापडत नाहीये तुमचे हे मानायला ... इतक्या दिवसांनी हे केलं आहे पण अगदी ह्याच्या दर्जाचं ...

- प्रो.बारटक्के

मकमावशी छानच हो लेख !! थेटरात नाही पण आता टीव्ही वर आला की नक्की बघेन.

चित्रपटाची छान ओळख करुन दिली आहे. चित्रपट तसा खास असूनही कुठेतरी कमी पडल्या सारखा वाटतो. कदाचित बर्‍यापैकी प्रेडिक्टेबल असल्याने असू शकेल. स्टॅनली आणि अमन दोघेही त्यांच्या सहज सुंदर अभिनयामुळे आवडून जातात. पण चित्रपटभर स्टॅनलीचे आई-वडील न दाखवून, त्याच्या पाणी पिऊन, किंवा नसलेल्या दोन रुपयात वडापाव खावून दिवसभर शाळेत राह्यलेले दाखवून त्याच्या बालकामगार असल्याची किंवा सावत्र वागणूक मिळत असल्याची खात्री चित्रपटाचा मध्यांतर व्हायच्या आधीच होते. पण नक्की हेच आहे की नाही, किंवा आता पुढे काय हे पाहण्यासाठी आपण चित्रपट पाहत राहतो. खडूसचं चित्र अर्धवटच राहून जातं. तो कधीही डब्बा आणत नाही, पण दुसर्‍यांचे चोरुन, मागुन, काय आणलंय विचारुन खाताना दाखवलाय. शिवाय मुलांच्या डब्यातलंही त्याला कमी पडतं. तो तसा का आहे, किंवा त्याचं बॅकग्राऊंड काय ह्याबद्दल चित्रपटात काहीच येत नाही. स्टॅनलीवर केलेल्या अन्यायाची बोच त्याच्या मनावर खोलवर जखम करते. कुणीतरी खायला दिलेले तो चक्क नाही म्हणतो, आणि त्यानंतर राजीनामा देऊन निघून जातो.

चित्रपटात दिव्या दत्ताचं काम अगदी कमी आहे, पण चांगलं केलंय अस वाटलं. तरी मला त्या साऊथ इंडियन टिचरचा अभीनय सरस वाटला.

अजून एक म्हणजे, असं म्हणतात की शिक्षकांच मुलांकडे बारीक लक्ष असतं. विशेषतः लहान मुलांकडे. ते काय करतात, कसे वागतात ह्याची ते नेहमी चाचणी करत असतात. मग अशावेळी स्टॅनली ने सतत डब्बा न घेता येणे हे त्यांच्या निरिक्षणातून कसं राहून जातं? असो, ह्या अश्या लहान लहान त्रुटी चित्रपटात आहेत, पण त्याकडे आपण दुर्लक्ष करू.

चित्रपट एकवेळतेरी नक्की पहावा असा आहे. गाणी चांगली आणि लक्षात राहण्याजोगी असती तर चित्रपट अजून प्रभावी झाला असता असेही वाटते.

ऐकले होते ह्या सिनेमाबद्दल, आता तुझे परीक्षण वाचून तर नक्की पाहवासा वाटतो आहे..
स्वाती

४ ओळी वाचून थांबलो. आता पाहुनच प्रतिसाद देईन.

व्वा! सुंदर सिनेमाची मस्त ओळख.
हे वाचलं तरी नक्कीच पाहायला आवडेल.. नाही, नाही हे वाचल्यामुळे पाहाण्याची आणखी इच्छा होतेय.

चांगलं परिक्षण :-)
परवाच पाहीला. छान आहे.

मस्त गं मके!!

चित्रपट पाहिला आहे त्यामुळे अख्खे परिक्षण वाचले
परिक्षण आणि चित्रपट दोन्ही छान आहेत..

वाचून सिनेमा बघावासा वाटतो. मुलं जिवंत आणि खरी वाटतात. इतक्या लहान मुलांकडून चांगलं काम करून घेणं हे सोपं नाही.

मस्त परिचय ग मके.

चित्रपटाचा फक्त ट्रेलर पाहिला होता, मात्र तुझे लेखन वाचुन चित्रपट पाहायलाच हवा असे वाटतय.

चित्रपट एका बालकामगारावर असला तरी ही अनिष्ट प्रथा थांबवण्यासाठी काही संदेश देत नाही.

हे खासच. उगा संदेश वैग्रे द्यायच्या प्रयत्नात चित्रपट भरकटत जाण्याचे प्रमाणच जास्ती आहे.

अवांतर :- ह्यावेळी 'बम बम बोले' न झाल्याबद्दल अभिनंदन ;)

गेल्याच आठवड्यात सलग २ वेळा हा चित्रपट पाहिला आणी तेव्हाच ठरवलं याच्यावर परिक्षण लिहायचं पण ते काम तुम्ही माझ्या आधी केल्यामुळे तुमचे आभार. सुरुवातीच्या दॄश्यात आणी संपुर्ण चित्रपटात स्टॅनलीच्या चेहरयावर आणी अंगावर उठलेल्या वळांचा खरा अर्थ शेवटास उमगतो. स्टॅनलीचे काम केलेल्या पार्थो गुप्ते आणी त्याच्या मित्रांनी अप्रतिम काम केले आहे. त्याच्याशी नेहमी ड्ब्बा शेअर करणारा अमन मेहरा खुप गोंड्स दिसतो विशेषतः आपला मित्र शाळेत यायचा बंद झाल्यावर तो ज्या रागाने खडूसकडे बघतो त्या वेळेस.

जाता जाता असं सांगावस वाटतं, तारे जमीन पर या चित्रपटाचे सर्व क्रेडिट आमीरला गेल्याने दुखावलेल्या अमोल गुप्तेंनी या चित्रपटाची निर्मिती केली असावी.

वा. सुंदरच ओळख. याआधी पण कुठल्यातरी साइटवर चित्रपट परीक्षण वाचले होते. पण हे त्याहुन जास्त चांगले आहे. चित्रपटही असाच सुंदर अंसेल अशी खात्री आहे.

मस्त परीक्षण. पहायला हवा हा चित्रपट.

छानच ओळख करून दिलीस. चित्रपटही सुंदरच असेल, नक्कीच. मात्र बघवेल असे वाटत नाही. :)

अलग वेळ देणं होत नसेल तर

कोणापासून अलग? ;-)

सिनेमा पाहवासा वाटतो आहे.

चित्रपटाचा परिचय आवडला. तसं बरंच ऐकलं होतं या चित्रपटाबद्दल.
बरं झालं कथानक आधीच कळलं, नाहीतर अनपेक्षितपणे असे बघताना मनाला त्रास होतो :(

चित्रपट सुंदर आहे. एकदम साधाच. एखाद्या डॉक्युमेंटरीपटासारखा सुरु होतो. लहान मुलांच्या तोंडी न शोभणारे जडजंबाळ संवाद आणि दृश्ये नाहीत. चालू शाळेतच चित्रीकरण केल्याने मुलं अतिशय निवांत आहेत.
स्टॅनलीची गरिबी किंवा त्याचे बालकामगार म्हणून होणारे हाल अजिबात अंगावर येतील असे दाखवलेले नाहीत. जो काय संदेश पोचवायचा आहे आणि सहृदय व्यक्तीला त्याची जी काही बोच लागायला हवी तेवढेच. उगाच आड्यन्सला धो धो रडवायचे उद्योग नाहीत. जरुर बघा. मला अतिशय आवडला.

-रंगा

चांगलं परीक्षण केलंस.

मी पहिल्याच आठवड्यात पाहीला. "खुप्ते तिथे गुप्ते" मधे अमोल गुप्ते कडूनच या चित्रपटा बद्दल समजले होते. तेंव्हाच हा पाहायचा नक्की केले होते. फारच छान आहे. गंभीर विषयाची फार समर्पक हाताळणी केली आहे. वर चतुरंग म्हणतात त्याला १००% सहमत आहे.

नक्की पाहणार डब्बा.

मस्त ओळख. नक्की बघेन हा चित्रपट.

मलाही आवडला हा सिनेमा.
काहीतरी मिसींग आहे असं मात्र वाटत राहिलं.
काय ते सांगता येणार नाही.
स्टॅनलीबद्दल, घराबद्दल काही आडखे बांधणे आपोआप सुरु होते. बालमजूर वगैरे विचार मनात आला पण तसा तो करायला आवडला नाही. शेवटी मात्र त्या लेकराचा निरागसपणाही बघवेना.

काही दिवसांपूर्वीच पाहिला. अतिशय उत्तम कन्सेप्ट आणि सहज अभिनय यामुळे नेहेमीच्या बिनडोक हिंदी सिनेमांमध्ये उठून दिसला.
मोठ्या विषयांना हलकाफुलका 'टच' द्यायचा प्रयत्न सध्या चालू आहेत (हरिश्चंद्राची फॅक्टरी, निशाणी डावा अंगठा, गाभ्रीचा पाऊस) त्यातलाच हा एक उत्तम प्रयत्न वाटला.
:)

चिप आवडले.

अभिज्ञ.

छान परिक्षण..

तात्या.

माझ्या मुलांनी आग्रह केला होता की बाबा तुम्हीच बघण्यासारखा सिनेमा आहे म्हणून .हे चित्रपट परीक्षण वाचून आता सिनेमा बघण्याची आवश्यकता संपली आहे. अभिनंदन.
या सिनेमाची कथा वाचून वसुधा पाटील (जमुनाके तीर )यांच्या एका कथेची आठवण तीव्रतेने झाली. त्या कथेचे नाव आहे श्रीनिवास पानसेचे अंगण . जमल्यास जरूर वाचा.
जर त्यांची माझी भेट झाली तर त्यांच्या परवानगीने मूळ कथा मिपावर टाकेन.

ह्म्म्म..बघायला हवा..

आजच यु ट्युब वर पाहिला सिनेमा, आवडला.
खडुस असा का वागतो? नंतर त्याला पश्चात्ताप का होतो? असे काही प्रश्न अनुत्तरित राहतात तरीही, संदेश, बिंदेश देण्याच्या भानगडीत न पडता आणि उगाच गोग्गोड शेवट न करता साध्या रीतीने परिस्थिती मांडली आहे, ते विशेष भावले.आणि सर्वात महत्त्वाचे म्हणजे सगळी मुले टिपिकल हिंदी सिनेमा/सिरियलांमधली आगाऊ कार्टी न वाटता त्यांच्या वयाला साजेसे काम करतात. त्यांच्या तोंडचे संवादही साधे, सोपे, रोजच्या बोलीतले आहेत त्यामुळेही ती अ‍ॅक्टिंग करत आहेत असे न वाटता 'खरी' वाटतात.
स्वाती
मके, तुझे परिक्षण वाचल्यामुळे लग्गेच मिळवून पाहिला ग बाई, धन्यु,
नाहीतर या बाबतीत मी जरा आळशीच आहे.

सिनेमा आवडला. पण कुठेतरी काहीतरी राहुन गेलेय असं शेवटी वाटतं खरं. खडुस असा काय वागतो आणि शेवटी निघुनच काय जातो - ह्याचा काही संबंध लागतच नाही...
पण बाकी सिनेमा मस्त. मिसेस अय्यर एकदम कल्ला ! :) :)
सगळ्या मुलांचा डान्स वगैरे पण छान..उगाच मारुन मुटकुन कोरीओग्राफ केलेला नाही वाट्ला..

मी पहायला सुरुवात केली पण अंमळ कंटाळा आल्याने बंद केला :(