तेजोनिधी लोहगोल भास्कर हे गगनराज
हे दिनमणि व्योमराज
कोटि कोटि किरण तु़झे अनलशरा उजळिती
अम्रुतकण परि सेवुनि अणु रेणु उधळिती
तेचातच जनन मरण तेजातच नविन ध्यास
ज्योर्तिमय मुर्ती तुझी नभमंड्ल दिव्यसभा
दाहक परि संजिवक तरुणारुण किरणप्रभा
होव जिवन विकास वसुधेची राख लाज
हे दिनमणि व्योमराज भास्कर हे गगनराज.
हे गाणं दररोज सकाळी ऐकुन माझ्या दिवसाची सुरुवात करतो, काही फार जास्त महत्वाचं काम असेल दिवसभरात तर लगेच ' गगन सदन तेजोमय' ऐकुन घेतो, सगळी कामं झटपट होतात माझी.
मागच्या आठवड्यात एका डोंगरावर गेलो होतो, म्हणजे हापिसातर्फे ट्रेनिंग होतं, त्या अंतर्गत डोंगरावर चढवलं होतं, अगदि सकाळि सकाळी. हवा थोडी मद्द मद्द होती, आभाळ होतं, जयंतराव साळगावकरांना सांगितलेली वेळ टळुन गेली तरी सुर्यनारायंण दिसत नव्हते, फक्त उजळलेलं आभाळ त्यांच्या अस्तित्वाचा पुरावा देत होतं. अगदी गगन सदन तेजोमय चा प्रत्यक्ष याचि देही याचि डोळा अनुभव.
आद्ल्या संध्याकाळी त्यांची काढलेली छायाचित्रे त्यांना दाखवायची होती, त्यांची चार कॉतुकाचे शब्द बोलले तर ते ह्रुदयात साठवुन ठेवायचे होते म्हणुन माझी थोडी घाई होती पण भास्करजी निवांत होते, अहो प्रत्यक्ष विश्वनियंत्रक ते त्यांना कोण सांगणार नि विचारणार. आणि खरंतर तो मित्र वर येण्याचा संबंधच नव्हता, बहुधा आमच्यासारख्यांच्या वाढत्या वजनानं हल्ली ही वसुंधरेचा फिरण्याचा वेगच कमी होत चालला आहे.
आणि तो क्षण आला, तो लोहगोल त्याच्या तेजोमय सदनाच्या सौंधावर उभा राहुन त्याच्या प्रजेला आपल्या सौम्य रुपात दर्शन देता झाला. त्याच्या दाहक नसणा-च्या संजिवक किरणप्रभेची ही काही छायाचित्रे , त्याच्या प्रथम दर्शनाच्या ह्या काही आठवणी कॅमेरात साठवलेल्या आपणासमोर सादर करतोय. आपणांस आवडतील ही अपेक्षा.
पहिले दोन फोटो आदल्या दिवशी आपली वसुंधरेनं त्या व्योमराजाचा निरोय घेतानाचे, त्याची प्रियसखी त्याच्यापासुन दुर जात असल्यानं चेह-यावर येउ पाहात असलेली पिवळसर रगाची उदासी, लालभडक रंगाच्या कर्तव्यनिष्ठेनं तो लगोलग झाकुन घेत होता.
आणि हे दोन फोटो दाखवुन त्यावर शाबासकी मिळावी म्हणुन मी त्यांची वाट पाहात उभा होतो तर वसुंधरेला ह्या अतिरिक्त ढगांचा अडथळा दुर करुन पुढं यावं लागणार होतं त्यासाठी.
थोड्याच वेळात तो अडसर दुर झाला आणि त्या विश्वउर्जास्त्रोताचं त्या दिवशीचं प्रथम दर्शन झालं.
माझ्या,या मित्राला त्याचे काल संध्याकाळचे फोटो आवडले म्हणुन त्याने खास दिली ही पोझ .
आता सगळेच ढग दुर झाले होते,
म्हणुन मी अजुन जवळ जाण्याचा प्रयत्न केला, तरी तो शांतपणे पोझ देत होता.
मग अजुन धाड्स करुन अजुन जव़ळ गेलो
पण एवढ्या जवळ गेल्यावर चिडुन त्याने त्याच्या महालाच्या खिडक्यांवर लगेच ढगांचे पडदे टाकण्याच्या आज्ञा दिल्या.
पुन्हा मनात ' गगन सदन ' सुरु केलं तरी राग कमी होईना, ढगांचा पडदा आहे तिथंच
मग मीच जागा थोडी बदलली आणि हे फोटो काढले.
वर सविता आणि खाली सरिता, त्या मधल्या अंतराळातलं माझं चिमुकलं जिणं या क्षणी खुप सुखाचं झालं.
दव पिउन नवेली झाली गवताची पाती आता त्या संजिवक किरण प्रभेतुन मिळणा-या अम्रुतकणांचे सेवन करण्यात गुंग होती, त्यामुळं त्यांना जास्त न धक्का देता हे दोन फोटो काढुन आम्ही परतीच्या वाटेला लागलो.
सर्व वाचकांना नम्र विनंती, मी या क्षेत्रात तसा नविनच आहे, त्यामु़ळे आपल्या प्रतिसादामुळेच माझा उत्साह वाढणार आहे, म्हणुन प्रतिसाद अवश्य द्यावेत.
हर्षद.
प्रतिक्रिया
28 Feb 2011 - 1:33 pm | sneharani
सगळेच फोटो अगदी मस्त आलेत!
सुंदर!!
:)
28 Feb 2011 - 1:39 pm | टारझन
हर्षद राव ,
तोडंच नाही ... आहो "नमन करु त्या दिनकराला ... पाया पडतो सकाळसंध्याकाळ " ह्या कवी ना.धो. बर्व्यांची कविता आठवली नसेल तर नवलंच !
फोटो अप्रतिमतेचा उत्कृश्ठ णमुणा आहेत हो ! व्वा !
मला " अस्ताकडे जाणारा दिणकर" आवडतो .. कारन तो येणार्या मंगल रजनी ची नांदी असतो . रजनी म्हणजे क्रिडामोहोत्सवासाठी उत्तम वातावरण .. या दिनकराला , ह्या भास्कराला , ह्या तेजोपुंजाला माझा मनापासुन णमस्कार .
- टिकॉन टी२९९
28 Feb 2011 - 1:56 pm | मुलूखावेगळी
शेवटचे ६ फोटो जास्त आवडले.
1 Mar 2011 - 12:38 am | बेसनलाडू
(प्रेक्षक)बेसनलाडू
28 Feb 2011 - 2:00 pm | मनीषा
सुरेख छायाचित्रे ..!
28 Feb 2011 - 2:44 pm | प्रचेतस
फारच सुरेख प्रकाशचित्रे. तेजोनिधीला वंदन. तोच या जीवसृष्टीचा रचयिता, पालनकर्ता.
तेजोमय प्रकाशचित्रांबरोबरच वर्णनही तितकेच सुरेख, अनुरूप.
28 Feb 2011 - 3:06 pm | प्यारे१
वाईट्ट रे वाईट्ट....
28 Feb 2011 - 3:10 pm | अमोल केळकर
सुरेख लेखन आणि छायाचित्रे दिनकराची
अमोल केळकर
28 Feb 2011 - 3:56 pm | सूर्य
सुंदर फोटो आहेत. खास करुन शेवटची पाच छायाचित्रे आवडली.
- सूर्य.
28 Feb 2011 - 4:51 pm | यशोधरा
फोटो आवडले. :) खास करुन शेवटून सहावे आणि पाचवे.
28 Feb 2011 - 7:40 pm | सुहास..
ऑस्सम फोटो !!
वर्णनही झकास !!
28 Feb 2011 - 7:58 pm | दैत्य
सुंदर! सूर्याचे फोटो काढण्यासाठी कोणता फिल्टर वापरला आहे?
1 Mar 2011 - 12:35 am | दीविरा
सगळेच फोटो मस्त !
शेवटचे दोन अगदी झकास !!
:)
1 Mar 2011 - 12:47 am | पुष्करिणी
मस्तच फोटो!
सविता आणि सरितेचा फोटो खूप आवडला
1 Mar 2011 - 7:59 am | स्पंदना
तुम्ही हाडाचे लेखक आहात हर्ष्द. मला तुमच्या कमेंटस फार आवडल्या.
1 Mar 2011 - 8:52 am | प्राची
सुंदर फोटोज .. आणि कमेंट्सही तोडीस तोड.. दिवसाची सुरवात झक्कास झाली.. :)
1 Mar 2011 - 1:55 pm | गणेशा
अप्रतिम फोटो ....
लाजवाब ...
1 Mar 2011 - 4:05 pm | गुड्डु
खुपच छान
1 Mar 2011 - 4:17 pm | स्वैर परी
तुमही काढलेले फोटो सुंदर आहेत कि तुम्ही लिहिलेले वर्णन, याच संभ्रमात आहे अजुन!
खरच .. दोन्ही गोष्टी आवडल्या.. लिखाण आणि सर्व फोटो! :)
1 Mar 2011 - 9:39 pm | पैसा
अगदी हेच म्हणते!
1 Mar 2011 - 6:40 pm | मनराव
क्लास फोटोझ...... एकदम मस्तच....
1 Mar 2011 - 9:37 pm | सर्वसाक्षी
सकाळ कारणी लागली म्हणायची:)
1 Mar 2011 - 9:40 pm | प्राजक्ता पवार
सुरेख छायाचित्रे ..!
2 Mar 2011 - 1:08 am | पिंगू
अतिशय सुरेख छायाचित्रण. धागा पाहूनच डोळ्यांना सुख लाभले. आणखी येऊ द्या छायाचित्रे..
- पिंगू
2 Mar 2011 - 1:25 am | प्राजु
ते फोटो.. तो तेजोनिधी.. ती सरिता.. आणि वर्णन... सगळंच स्वप्नवत. काय बोलू?
2 Mar 2011 - 8:32 am | स्वानन्द
मस्त. फोटो पण आणि वर्णन पण :)
शेवटचे तीन फोटो फार आवडले.
2 Mar 2011 - 10:17 am | पप्पू
फाआआआआआआ............र छान
3 Mar 2011 - 2:12 pm | नि३सोलपुरकर
अप्रतिम फोटो ,
लाजवाब वर्णन.......
धन्यवाद..........तुम्हाला आणि तुमच्या मित्राला...
3 Mar 2011 - 10:12 pm | मॅन्ड्रेक
लय भारी.
4 Mar 2011 - 10:41 am | वपाडाव
फटु लई आल्टीम्यट आल्याती.
5 Mar 2011 - 1:27 pm | प्रास
फोटू क्र. ६ आणि १० आमची लय म्हन्ता लय पसन्ती.....
प्रास्ताविक आणि वर्णन झकास!
तुमच्या लेखनाचे फ्यान झालोयत बर्का आमी, हर्षदजी.... :-)
5 Mar 2011 - 1:52 pm | परिकथेतील राजकुमार
डोळे दिपले.