बाई इथंच ठोकू का हा खिळा?
मास्तरः
ठोकू का ठोकू का, बाई इथंच ठोकू का हा खिळा?
मास्तरीणबाई:
चला लावूया, सर लावूया, इथेच काळा फळा
मास्तरः
ह्या वर्गात आडवे बेंचेस ठेवू
उभं रहायला उंच प्लॅटफॉर्म करू
मास्तरीणबाई:
समोर टेबल अन आहे खुर्ची बसायला
डस्टर द्या मला, नाही वापरत कापडी बोळा
मास्तरः
ठोकू का ठोकू का, बाई इथंच ठोकू का हा खिळा?
मास्तरीणबाई:
चला लावूया, सर लावूया, इथेच काळा फळा
मास्तरः
दरतासाला मी हो हजेरी मुलांची घेईन
सार्या मुलांना मी लाईनीनं उभं करीन
मास्तरीणबाई:
भरलेली शाळा खुपच आवडते मला
वर्ग कधीच ठेवणार नाही मोकळा
मास्तरः
मग ठोकू का ठोकू का, बाई इथंच ठोकू का हा खिळा?
मास्तरीणबाई:
चला लावूया, सर लावूया, इथेच काळा फळा
मास्तरः
प्रयोग करायसाठी आहे ही प्रयोगशाळा
बाजूलाच उभी केली व्यायामशाळा
मास्तरीणबाई:
कृषीशाळेत घेतला मी हाती विळा
तण काढून दाखवले मी कितीक वेळा
मास्तरः
मग ठोकू का ठोकू का, बाई इथंच ठोकू का हा खिळा?
मास्तरीणबाई:
चला लावूया, सर लावूया, इथेच काळा फळा
मास्तरः
हि घंटा मी अशी हातात पकडीन
शाळा सुटायची घंटा मी वाजवीन
मास्तरीणबाई:
चला शिकवू दोघे मिळून मुलांना
आता मुले झालीत शाळेत गोळा
मास्तरः
मग ठोकू का ठोकू का, बाई इथंच ठोकू का हा खिळा?
मास्तरीणबाई:
चला लावूया, सर लावूया, इथेच काळा फळा
- पाषाणभेद (दगडफोड्या)
१४/१०/२०१०
प्रतिक्रिया
15 Oct 2010 - 2:24 pm | गणेशा
मस्त कविता ..
शांतरस नसुन हास्य रस पण आहे ही कविता
15 Oct 2010 - 2:26 pm | अवलिया
>>>>बाई इथंच ठोकू का हा खिळा?
बाई इथंच ठोकू का हा हिला ? असं वाचलं .. दचकलो... !!
ठोकू म्हणजे मार या अर्थाने आहे.. उगाच वेगळे विचार मनात आणु नये ही विनंती.
15 Oct 2010 - 2:32 pm | अवलिया
अरे हो... गीत बेस्ट!!! जियो !!
15 Oct 2010 - 2:37 pm | रन्गराव
>>ठोकू म्हणजे मार या अर्थाने आहे.. उगाच वेगळे विचार मनात आणु नये ही विनंती.
ह्या तुमच्या नम्र विनंती मुळे आता उगाचाच वेगळा विचार करनण्यास प्रवृत्त केले आहे :) नवीन दृष्टीकोन समोर ठेवून पून्हा एकदा कविता वाचली. मज्जाच मज्जा ;)
15 Oct 2010 - 2:31 pm | मेघवेडा
=)) =))
पाषाण्या पाषाण्या.. लै भारी रे बाबा!
हा दगडफोड्या एक.. काय कशावर गाणी लिहील सांगता यायचं नाही!
15 Oct 2010 - 2:47 pm | परिकथेतील राजकुमार
मेव्याशी सहमत आहे बॉस !!
खल्लास खिळा आवडला
नान्या तुला आवरायला कोणालातरी पाठवु का रे ?
15 Oct 2010 - 6:35 pm | प्रभो
पुणेरी पर्याशी सहमत..!!!
15 Oct 2010 - 2:33 pm | नगरीनिरंजन
:) शांतरसातले गीत वाचून शांत वाटलं.
15 Oct 2010 - 2:53 pm | नितिन थत्ते
माझे आवडते शाहीर दादा कोंडके यांची प्रकर्षाने आठवण झाली. (काही कडवी वाचताना). ;)