पाणियाचे पाणीपण | आकाशीचे व्यापकपण |
अग्नीचे दाहकपण | कैसे राहे ||
कलिकेचे सुमन | सुमनाचे गंधाळण |
भ्रमरा त्याचे आकर्षण | कैसे होये ||
देवा अंगी देव पण | भक्तां अंगी समर्पण |
दुष्टा अंगी वाकुड पण | कैसे ठाये ||
लीला केली विश्वंभरे | पाही कौतुक साजरे |
जेथे तेथे नाना परे | विठ्ठ्ल राहे ||
कंटक आणि पुष्पासरी | भिन्न गुणे राहे हरी |
त्या त्या तैसे वंदन करी | प्रकृती धर्मे ||
सज्जनास पूजावे | दुष्टां निर्दाळावे |
सुमनाचे गंध घ्यावे | त्या त्या परी ||
सागर लहरी ०८-०१-२०१०
प्रतिक्रिया
9 Jan 2010 - 4:25 pm | jaypal
खरोखरीच खुप आवडली.
***************************************************
दुरितांचे तिमीर जोवो/विश्व स्वधर्मसुर्ये पाहो/जो जें वाछील तो तें लाहो/प्राणिजात/
10 Jan 2010 - 9:19 pm | पाषाणभेद
आक्षी खरं बोलूं राह्यलासा बगा.
------------------------
डायबेटीस विरुद्ध लढा
पासानभेद बिहारी - मराठीचा पुरस्कार करी