नकोस विसरू-
कोसळणार्या
प्रपातातल्या
जलबिंदूच्या
खोल आतवर
कल्लोळाच्या
अब्जांशाचा
निनाद असतो
नकोस विसरू-
माथ्यावरती
ओणवलेल्या
निळ्यासावळ्या
घुमटावरल्या
नक्षत्रांच्या
दंतकथांना
शेवट नसतो
नकोस विसरू-
दाट धुक्याच्या
पल्याडचे जग
धूसरताना
अस्तित्वाच्या
काचेवरती
आभासाचा
चरा उमटतो
नकोस विसरू-
पैलतिराच्या
अनाहताशी
ऐलतिराच्या
कणाकणातील
कोलाहलही
रुणझुणणारे
ध्रुपद साधतो
प्रतिक्रिया
5 Aug 2022 - 8:31 am | ज्ञानोबाचे पैजार
आवडली, नटसम्राट मधील स्वगताच्या चालीवर वाचायला अजून मजा येते
पैजारबुवा,
5 Aug 2022 - 10:36 am | चांदणे संदीप
सुरेख रचना. आवडली.
सं - दी - प
7 Aug 2022 - 11:54 am | अनन्त्_यात्री
धन्यवाद
7 Aug 2022 - 12:21 pm | प्रसाद गोडबोले
एकाही कडव्याचा सरळ स्पष्ट अर्थ लागत नाही . उगाचच काहीही .
आणि हो , अद्भुत हा शब्द न वापरल्याबद्दल फाऊल धरण्यात येत आहे .
8 Aug 2022 - 10:08 am | श्रीगणेशा
खूप छान!
वरील मार्कस ऑरेलियस यांच्या निरिक्षणाशी सहमत :-)
अद्भुत आहेत शब्द सर्व!