चांदण्यातले जेवण

अवांतराला ख.फ.मध्ये
मानाचे स्थान मिळाले
वाटवेगळ्या सदस्याला
स्वैंपाकघरात पान मिळाले

(तरीही जेवण जात नाही
सदस्य जातो अवघडून)

अळणी खाणे जमत नाही
कुचंबणा होते फार
रस्सा इथला गोड वाटतो
भाकरही लागते गार गार

कसे जमायचे जेवण इथले
फार मोठा प्रॉब्लेम झाला
चवीने खाण्याच्या लालसेला
मर्यादेचा लगाम लागला

तोच भात, तोच रस्सा
वाटे खावा सगळ्यांबरोबर
चांदण्यांमध्ये घ्यावे जेवण
द्यावे प्रतिसादाचे ढेकर