आस्वाद घ्या!
आठवते का सारे सारे?
आठवते का सारे सारे? आठव ते सारे || ध्रु ||
मावळतीचा सुर्य लाल गुलाबी
उगवतीचा चंद्र अन पहिली चांदणी
ते शांत गंधीत वारे
आठवते का सारे सारे? || १ ||
खडक मोठा ओहोटीतला
तेथेच बसायचा असे हट्ट आपूला
फेसाळत्या लाटांतले गोरे पान पाऊले
आठवते का सारे सारे? || २ ||
हात हाती घेवूनीया घेतल्यात शपथा
दुर न जायचे कधीही, होत्या आणाभाका
साक्षीला मोजत होते तारें
आठवते का सारे सारे? || ३ ||
विसरूनी सारी जगरहाटी
धूंद क्षणांची ती मोहक गर्दी
मोहरल्या अंगी गोड गोड शहारे
आठवते का सारे सारे? || ४ ||
आठवते का सारे सारे? आठव ते सारे || ध्रु ||
- पाषाणभेद
प्रतिक्रिया
20 Aug 2009 - 9:25 am | दशानन
हात हाती घेवूनीया घेतल्यात शफता
दुर न जायचे कधीही, होत्या आणाभाका
साक्षीला मोजत होते तारें
आठवते का सारे सारे?
छान ओळी !
शफता :?
शपथा !
20 Aug 2009 - 9:37 am | पाषाणभेद
शपथेची चुक दुरुस्त केलीय. धन्यवाद.
- पाषाणभेद उर्फ दगडफोड्या
20 Aug 2009 - 9:27 am | मदनबाण
विसरूनी सारी जगरहाटी
धूंद क्षणांची ती मोहक गर्दी
मोहरल्या अंगी गोड गोड शहारे
आठवते का सारे सारे? || ४ ||
दफोराव मस्तच...
मदनबाण.....
चट्यागो चझीमा चवडतीआ चलिकामा चतीहो. :)
http://www.youtube.com/watch?v=z3z6limgwMo
20 Aug 2009 - 10:36 am | विशाल कुलकर्णी
कशाला राव जखमांवरच्या खपल्या काढताय आता? ;-)
सगळं आठवतय, विसरण्यासारखं असतं का ते?
अवांतरः "फेसाळत्या लाटांतले गोरे पान पाऊले" इथे "फेसाळत्या लाटांतली गोरी पान पाऊले" असे हवेय का?
सस्नेह
विशाल
*************************************************************
आम्ही इथेही पडीक असतो "ऐसी अक्षरे मेळविन!"