धुंद एकांत हा - तुझ्या सवेच रंगतो
प्रणयाचा पूर ही - र्हुदयी या उधाणतो ।
स्पर्श स्पर्श जागवी अनोखीच चेतना
श्वास श्वास धुंद हा तनूवरी विसावतो ।
उष्ण अधर कापती - रंगती कपोलही
मुक्त कुंतलात या जीव तुझा गुंततो ।
झंकारे देहवीणा तुझीया कवेत रे
रासझूला चांदवा - अनंगरंग उसळतो ।
विखूरले उशीवरी चांदणे अजूनही
नाहूनी प्रीतीत मन मोगराही उमलतो ।
बरसत्या चांदण्यात तारकांच्या मैफिली
रातराणी बहरे, धुंद चाफा दरवळतो |
प्रतिक्रिया
14 Apr 2009 - 4:51 pm | क्रान्ति
मोहक अनंगरंग. :)
क्रान्ति {मी शतजन्मी मीरा!}
www.mauntujhe.blogspot.com
14 Apr 2009 - 4:55 pm | दवबिन्दु
रंगती कपोलही
कपोल म्हंजे गाल का? ते लाजुन लाल होतत म्हणुण तुमी अस लिहलय का?
14 Apr 2009 - 5:10 pm | उमेश कोठीकर
न्हाउनी प्रीतीत असे पाहिजे का? कविता छान.
14 Apr 2009 - 8:17 pm | संदीप चित्रे
>> स्पर्श स्पर्श जागवी अनोखीच चेतना
श्वास श्वास धुंद हा तनूवरी विसावतो ।
>> झंकारे देहवीणा तुझीया कवेत रे
रासझूला चांदवा - अनंगरंग उसळतो ।
>> बरसत्या चांदण्यात तारकांच्या मैफिली
रातराणी बहरे, धुंद चाफा दरवळतो |
या ओळी छान जमल्या आहेत.
14 Apr 2009 - 8:18 pm | नाना बेरके
आसं वर्नन करावं वाटतया ह्या कईतेचं.
फारच "अनंगरंगीली " कविता, मनास महिरुन गेली.
मनिषाताई . . . ग्रेट !
14 Apr 2009 - 8:30 pm | प्राजु
झंकारे देहवीणा तुझीया कवेत रे
रासझूला चांदवा - अनंगरंग उसळतो ।
सुरेख!
- (सर्वव्यापी)प्राजु
http://praaju.blogspot.com/
14 Apr 2009 - 9:51 pm | बेसनलाडू
कविता आवडली. वृत्त/मात्रांकडे योग्य लक्ष दिल्यास गेयबाधा जाणवायची नाही, असे वाटते.
(आस्वादक)बेसनलाडू